દરેક વ્યક્તિ સફળ થવા માંગે છે, પરંતુ બહુ ઓછા લોકો એવા છે જેઓ તેના પર કામ કરે છે. જીવનમાં મોટી સફળતા રાતોરાત નથી મળતી, પણ તે રોજિંદી નાની-નાની આદતોનું પરિણામ હોય છે. જો તમે ભીડથી અલગ તરી આવવા માંગતા હોવ, તો તમારે એવું કંઈક કરવું પડશે જે મોટાભાગના લોકો નથી કરતા. નીચે મુજબના ૧૦ સુવર્ણ સૂત્રો તમારા જીવનમાં શારીરિક, માનસિક અને આર્થિક ક્રાંતિ લાવવા માટે પૂરતા છે. 10 Daily Habits to Stay Ahead of 95 Percent People
૧. રોજ બેથી ચાર કલાક ઊંડે ખૂંપી જઈને કામ કરો
તમારી એકાગ્રતા એ જ તમારી સૌથી મોટી સંપત્તિ છે, જ્યારે દુનિયા ડિસ્ટ્રક્શનમાં વ્યસ્ત હોય ત્યારે તમે તમારા લક્ષ્ય પર ધ્યાન કેન્દ્રિત કરો. અસાધારણ પરિણામો મેળવવા માટે સામાન્ય મહેનત પૂરતી નથી, તેમાં ડૂબવું પડે છે
૨. રોજ આઠથી દસ હજાર સ્ટેપ્સ ચાલો
તંદુરસ્ત શરીર એ ઉર્જાવાન મનનું ઘર છે, સ્થિર રહેવાને બદલે ગતિશીલ બનો. નાના ડગલાં જ તમને લાંબા અંતરના મુસાફર બનાવશે અને હૃદયને મજબૂત રાખશે. ચાલવાના ગજબના ફાયદા છે. ચુસ્ત શરીર જ સાચી સંપત્તિ છે. આ કામ નિયમિત કરો.
૩. ઓછામાં ઓછા ચાર દિવસ એક્સરસાઇઝ કરો
પરસેવો પાડવો એ નબળાઈને શરીરમાંથી બહાર કાઢવાનો માર્ગ છે, તમારી શારીરિક ક્ષમતાની મર્યાદાઓને દરરોજ પડકારો. શિસ્તબદ્ધ કસરત તમને માત્ર દેખાવમાં જ નહીં, પણ આત્મવિશ્વાસમાં પણ નિષ્ણાત બનાવે છે. નિયમિત કસરત કરો, આત્મવિશ્વાસ ગજબનો વધશે અને તે તમારા કામમાં દેખાશે.
૪. રોજ કશુંક નવું શીખો
જ્ઞાન એ ક્યારેય ન ઘટતી મૂડી છે, દરરોજ તમારી માનસિક ક્ષિતિજોને થોડી વધુ મજબૂત કરો. તેને આગળા વધારો. જે દિવસે તમે શીખવાનું બંધ કરો છો, તે દિવસે તમે પ્રગતિ કરવાનું બંધ કરો છો. જીવવા માટે શીખવાનું ચાલુ રાખો.
૫. ઓછામાં ઓછા છ કલાકની ઊંઘ મેળવો
મગજને ધારદાર બનાવવા માટે આરામ અનિવાર્ય છે, શરીરના કોષોને ફરી બેઠા થવા માટે પૂરતો સમય આપો. શાંત ઊંઘ એ આખા દિવસના થાકનું શ્રેષ્ઠ નિવારણ અને આવતીકાલની ઊર્જાનું રોકાણ છે. સ્વસ્થ શરીર અને શાંત મન માટે ઊંઘ જરૂરી છે. તેને અચૂક પૂરી કરો, છ થી આઠ કલાકની ઊંઘ લો.
૬. રોજ અડધો કલાક ઊંડું વાંચન કરો
પુસ્તકો એ બીજાના જીવનભરના અનુભવોનો અર્ક છે, તે વાંચીને તમે હજારો વર્ષોનું ડહાપણ ગણતરીની મિનિટોમાં મેળવી શકો છો. ઊંડું વાંચન તમારા વિચારોની ગહનતા વધારે છે અને નવા દ્રષ્ટિકોણ આપે છે. ઘડતર માટે વાંચન ખૂબ જરૂરી છે. વાંચન કરતા રહો.
૭. કમાણીના વીસ ટકાની બચત કરો
આજની બચત એ આવતીકાલની સ્વતંત્રતા છે, તમારી મહેનતની કમાણીને ખોટા ખર્ચમાં વેડફવાને બદલે ભવિષ્ય માટે સુરક્ષિત કરો. નાણાકીય શિસ્ત જ તમને મુશ્કેલ સમયમાં અડીખમ રાખશે. બચત હશે તો મન શાંત રહેશે. ખોટી ચિંતા નહીં થાય. બચત કરતા શીખો.
૮. દિવસનું પ્લાનિંગ આગલી રાતે કરો
જીતની તૈયારી મેદાનમાં ઉતરતા પહેલા જ થઈ જવી જોઈએ, આયોજન વગરનો દિવસ માત્ર અંધાધૂંધી લાવે છે. જ્યારે તમારી પાસે લિસ્ટ તૈયાર હશે, ત્યારે તમે સમયના ગુલામ નહીં પણ માલિક હશો.
૯. પંદર મિનિટ માટે આત્મમંથન કરો
દુનિયાને ઓળખતા પહેલા પોતાની જાતને ઓળખવી જરૂરી છે, દિવસભરના તમારા નિર્ણયો અને વર્તનનું તટસ્થ વિશ્લેષણ કરો. મૌન રહીને કરેલું ચિંતન તમારી ભૂલોને સુધારી તમને શ્રેષ્ઠ આવૃત્તિ બનાવશે.
૧૦. અને તમારા કરતાં હોંશિયાર મિત્ર સાથે વાત કરો
તમે જે પાંચ લોકો સાથે રહો છો તેનું જ પ્રતિબિંબ છો, તેથી હંમેશા તમારી બૌદ્ધિક સપાટી ઊંચી લાવે તેવા સંગાથમાં રહો. પ્રશ્નો પૂછતા શીખો અને જ્ઞાની લોકોના અનુભવમાંથી તમારા રસ્તા સરળ બનાવો.
જો તમે આટલું, માત્ર આટલું જ ધ્યાન રાખો છો અને તેના પર આગળ વધો છો તો સમજીલો કે તમે 95 ટકા લોકો કરતાં જોજનો આગળ રહેશો. 10 Daily Habits to Stay Ahead of 95 Percent People