Ayurvedic Tips । દવા વગર માત્ર જીવનશૈલી અને આહારશૈલી પર ધ્યાન આપી આપણે સ્વસ્થ રહી શકીએ છીએ. આયુર્વેદ આ જ શીખવે છે. આયુર્વેદ કહે છે કે ભોજન કર્યા પછી કેટલીક વસ્તું ન ખાવી જોઇએ. આ ખાવાથી પાચનશક્તિ બગદે છે. પેટની સમસ્યા ઉભી થાય છે. તો આવો જાણીએ આ વસ્તું કઈ છે!

ઠંડું પાણી

ભોજનની સાથે અને ભોજન પછી કેટલાંક લોકોને ખૂબ પાણી પીવાની ટેવ છે. વળી આ પાણી પણ એક દમ ઠંડુ હોય છે. આવું ન કરવું જોઇએ. જો તમે આવું કરતા હોવ તો ચેતી જજો. તમને પણ પેટની બિમારી થઈ શકે છે. ભોજન સાથે કે પછી વધારે માત્રામાં પાણી પીવાથી પાચનશક્તિ બગડે છે. ભોજન પચતું નથી અને તેની અસર આપણા સ્વાસ્થ્ય પર પડે છે. ભોજન પછી ઠંડુ પાણી પીવાથી આપણી જઠારઅગ્નિ શાંત પડી જાય છે અને પાચનની પ્રક્રિયા મંદ પડી જાય છે. માટે હંમેશાં ભોજના ૪૫ મિનિટ પહેલા અને ભોજનના ૪૫ મિનિત બાદ જ પાણી પીવું જોઇએ. અને એ પણ ખૂબ ઠંડુ નહી.

ફળ-ફ્રુટ

ભોજન પછી આપણને ફળ ખાવાની ટેવ હોય છે. આયુર્વેદ આવું કરવાની ના પાડે છે. ફળ ખાવા જ હોય તો ભોજન પહેલા ખાઈ લેવા જોઇએ. ફળ પચવામાં સરળ હોય છે. પણ ફળને તમે ભોજન પછી ખાસો તો પેટમાં ગેસ પેદા કરી શકે છે. ભોજન કર્યા પછી ફળ ખાવાથી બીજી અનેક સમસ્યા પણ થઈ શકે છે!

ગરમ ચા

આમ તો ચા પીવી જ ન જોઇએ પણ છતા તમે ચા પીતા હોવ તો ભોજન પહેલા કે પછી ચા બિલકુલ ન પીવી જોઇએ. ચા આપણી પાચનશક્તિને મંદ પાડી દે છે. ચા ગરમ હોવાથી તે પેટની ગરમી વધારી દે છે અને તેની અસર પાચનશક્તિ પર પડે છે. આનાથી ભૂખ મરી જાય છે અને ભોજન પણ પચતું નથી. આયુર્વેદ કહે છે કે સ્વસ્થ શરીર માટે ચાથી દૂર રહેવું જોઇએ…!!

Benefits of black pepper in ayurveda | મરી – મરીચ – બ્લેકપેપર એક સુંદર ઔષધ । કફ કે ગળાનો રોગ અપચો કે આફરો તરત કરે છે દૂર

મરી – મરીચ – બ્લેકપેપર એક સુંદર ઔષધ । ગુણ જાણશો તો રોજ ખાતા થઈ જશો |Benefits of black pepper in ayurveda

ગરમ મસાલામાં, રસોઈમાં મરીને સ્થાન તેના ઔષધીય ગુણોને લીધે મળ્યું છે. ગુણોનો ભંડાર હોવા છતાં આપણે ટૂંકાણમાં જોઈશું.

મરી મૂળ ભારતીય છે. સંસ્કૃતમાં મરીચ, અંગ્રેજીમાં બ્લેકપેપર, લેટીનમાં પાઇપર નાઇગ્રમ; કૂળ-પાઇપરેસી. સૂકવેલા ફળ વાટીને કે ચાવીને વાપરીએ છીએ. ફળનું તેલ સીધું વિદેશ મોકલાય છે અને ત્યાંથી આપણને પુન: પ્રાપ્ત થાય છે. આયુર્વેદના દરેક ગ્રંથમાં તેનું વર્ણન છે. સૌથી જાણીતા યોગોમાં મરી ચૂર્ણ, ત્રિકટુ ચૂર્ણ, ચતુરુષ્ણ અને ષડુષ્ણ ચૂર્ણ સાથે લીલાં મરીનું અથાણું છે.

સ્વાદમાં તીખાં, પચ્યા પછી ગળ્યાં મરીના બે પ્રકારો સફેદ અને કાળા છે. કાળાં મરીને પલાળી ઉપરની છાલ દૂર કરતાં સફેદ રંગ નીકળતો હોય છે આથી આપણે અહીં કાળા મરી વિશે જ વાત કરી છે.

મરીચૂર્ણ | Benefits of black pepper in ayurveda

સૂંઘવાથી નાકનો, માથાનો, ગળાનો ભરાવો દૂર થાય. કાન, નાક, ગળાનો સોજો દૂર થાય. બેભાનપણું, વાઈ, ફેફરુંનો આવેશ શમે. વધુ પડતી ઊંઘ દૂર થાય. આ જ ગુણો ત્રિકટુચૂર્ણ નસ્યમાં પણ મળે છે. ચૂર્ણની માત્રા વધારે પડે અથવા વ્યક્તિ તેને સહન ન કરી શકે તો
મધ સાથે ચાટવાથી – ગળામાં કફ જામવો, ખરેરાટી બાઝવી, અપચો, આફરો, સાંધાની જકડન, સાંધાનો દુ:ખાવો, સાંધાનો સોજો દૂર થાય.

આખાં મરી – પાચન સુધારનાર હોઈ વાટી દાળનાં વડાં, ભજિયાં, ઢોકળાં, ખમણ, ખમણી, ઈડલી-ઢોસાની ચટણી, મેદુવડામાં જરૂર નાખવામાં આવે છે. સૂપમાં, ફળોના રસમાં ચૂર્ણ ઉમેરીને પીવું સલાહભર્યું છે.

ત્રીજે ચોથે દિવસે નિયમિત આવતા તાવમાં, ટાઢ વાઈને આવતા તાવમાં તુલસીનાં તાજાં ધોયેલાં ૬ પાન વચ્ચે ૪ મરી મૂકી તાવ આવવાના સમયથી એક કલાક પહેલાં ચાવી જવાં. તાવ આવ્યા પછી મરી કામ ઓછું કરે છે.

મરીને પાણીમાં વાટી લેપ કરવાથી ઠંડા પડેલા, જડ થયેલા, ખાલી ચડેલા અંગમાં રુધિરાભિસરણ પ્રસ્થાપિત થાય છે.

ધાર્યું ફળ કેમ નથી મળતું ? કાળાં મરી જેવાં જ દેખાતાં પપૈયાનાં સૂકાં બીનો ભેગ તથા મરીમાંથી તેલ કાઢી લીધા પછી આપણા સુધી પહોંચે છે.
દુષ્પ્રભાવ : એક સમયે ૫૦૦ મિ.લી. ગ્રામથી વધારે લેતા કેટલાંકને ત્વચામાં રક્તિમા, વૃક્ક (કિડની)માં ઉત્તેજનાથી વારંવાર મૂત્રત્યાગની સમસ્યા થાય છે. ત્વચા પર ઘી લગાવવું વક્કની સમસ્યા વાળા, સગર્ભા માતા અને બાળકોમાં નિષ્ણાતની દેખરેખ હેઠળ વાપરીને ગુણોનો લાભ લઈ શકાય છે.

નોંધ – અહીં માત્ર આપની માહિતી આપવાના હેતુથી આ લેખ લખાયો છે. ઔષધિઓનો ઉપયોગ જાણકાર વૈદ્યના માર્ગદશન હેઠળ કરવો વધુ યોગ્ય છે…

Paper cups useful or harmful | સંશોધનમાં જાણવા મળ્યું કે કોઇ વ્યક્તિ દિવસ દરમિયાન માત્ર બેથી ત્રણાવાર આ કપમાં ચા પીવે તો તેના પેટેમાં ૭૫૦૦૦ પ્લાસ્ટિકના અતિ સુક્ષ્મકણો પહોંચી જાય છે

સ્વચ્છતાના નામે આપણે એક અલગ દિશા તરફ વળી ગ્યા છે. આ સ્વચ્છતા પાછી બહારની નહી પણ આપણા અંદરની. ના સમજ્યા. તો તેને આ રીતે સમજો. આપણે બહાર જઈએ અને ચા પીવાનું મન થાય તો શું કરીએ? ચાની લારી પર ચા પીવા ઉભા રહીએ ઓર્ડર કરીએ કે બે કટિંગ. પછી ભાર દઈને કહીએ કે ડિસ્પોજલ કપમાં ચા આપજો. આ કપ એટલે એ કપ જે આપણે ઉપયોગ કરીને ફેંકી દઈએ છીએ. ચાની લારી પર કે રેકડી પર પહેલા કાંચની પવાલીમાં ચા મળતી જે આજે પણ મળે છે. પણ અહીં આપણે જોયુ છે કે એકને એક ગંદા પાણીમાં આ ગ્લાસ ધોવાતા હોય છે. આ જોઇને આપણે ડિસ્પોજલ કપમાં ચા મંગાવીએ છીએ. મોટી મોટી દુકાનો અને પ્રસિદ્ધ થયેલી દુકાનોની વાત કરીએ તો આ લોકો હવે માત્ર ડિસ્પોજલ ગ્લાસનો જ ઉપયોગ કરે છે. કેમ કે લોકોને તેમા સ્વચ્છતા વધારે દેખાય છે. આ કપનો ઉપયોગ કરીને ડૂંચો વાળીને ગમે ત્યાં ફેંકી દાઈએ તો બહાર ભલેને કચરો થાય પણ આપણે અંદરથી સ્વચ્છ રહેવા જોઇએ! એમાય જ્યારથી કોરોના આવ્યો છે ત્યારથી લોકો આ કપનો ઉપયોગ બધારે કરતા થઈ ગયા છે. હવે તો ધરના પ્રસંગોમાં પણ પ્લાસ્ટિકની ડિસ કે આવા પેપર કપનો ઉપયોગ થવા લાગ્યો છે. ટૂંકમાં ડિસ્પોજલ કપ, ડિસ, ગ્લાસનો ઉપયોગ વધી ગયો છે.

આવા સમયે એક ચોંકાવનારો રીપોર્ટ સામે આવ્યો છે. રીપોર્ટ પ્રમાણે તમે આવા ડિસ્પોજલ કપ, ડિસ, ગ્લાસનો ઉપયોગ કરો છો તો મોટા પ્રમાણમાં પ્લાસ્ટિક તમારા પેટમાં જાય છે. આવા ડિસ્પોજલ કપ, ડિસ, ગ્લાસમાં ચા પીવી કે ગરમ ગરમ ખાવાનુમ ખાવું આપણા માટે હાનિકારક સાબિત થઈ શકે છે. આવો જાણીએ કઈ રીતે?

આઈઆઈટી ખડગપુરના સંશોધકોએ જે રીસર્ચ કર્યુ છે તે ચોંકાવનારું છે. તેમના મતે એક વ્યક્તિ દિવસ દરમિયાન પેપર કપમાં ૩ થી ૪ વાર ચા પીવે છે તો તેના પેટમાં લગભગ ૭૫ હજાર સુક્ષ્મ પ્લાસ્ટિક કણો જાય છે. જાણકારોના મતે પેપર કપની બનાવટમાં પ્લાસ્ટિકના અનેક ઘટકોનો ઉપયોગ થાય છે. કપમાં તમે પ્લાસ્ટિકનું લેમિનેશન જોયુ હશે. તેમાં તમે ગરમ-ગરમ ચા ભરો એટલે એ પ્લાસ્ટિક સ્વાભાવિક છે થોડું ઓગળે અને તે ચામાં ભળે. એ ચા આપણે પેટમાં નાખીએ એટલે તે પેટમાં ચા સાથે પ્લાસ્ટિક પણ જાય જેનું ગંભીર પરિણામ આપણે ભોગવું પડે.

આઈઆઈટીના આ રીપોર્ટ પ્રમાણે માત્ર ૧૫ મિનિટમાં પેપર કપનું પ્લાસ્ટિક ચામાં ઓગળી જાય છે. આ પ્લાસ્ટિક પેટમાં જાય એટલે તેની અસર તરત આપણા શરીર પર દેખાવા લાગે છે. તણાવ, પેટ ખરાબ થવું, ઊંધ ન આવવી, મૂળ ખરાબ હોવો આ સામાન્ય વાત છે. આ વિશેષજ્ઞોના મતે આ પેપર કપમાં સહ-પોલિમરની સાથે એક પ્લાસ્તિકનું પાતળું પડ પણ હોય છે. જે હાઈડ્રોફોબિક ફિલ્મથી બનાવવામાં આવે છે. જે આરોગ્ય માટે હાનિકારક છે.

આ શોધ કરવા જે પ્રયોગ થયા તે જાણવા જેવા છે. આ માટે સ્વચ્છ અને જેટલું (85–90 ◦C; pH~6.9) ગરમ પાણી આવા કપમાં નાખવામાં આવ્યું અને તેને ૧૫ મિનિટ રાખવામાં આવ્યું . ત્યાર પછી આ પાણીનુમ વિશ્લેષણ કરવામાં આવ્યું તો ખબર પડી કે આ પાણીમાં ખૂબ મોટા પ્રમાણમાં પ્લાસ્ટિકના નાના – નાના કણો હતા અને પાણીમાં આયનનું પ્રમાણ પણ વધી ગયુ હતું.

સંશોધનમાં જાણવા મળ્યું કે કોઇ વ્યક્તિ દિવસ દરમિયાન માત્ર બેથી ત્રણાવાર આ કપમાં ચા પીવે તો તેના પેટેમાં ૭૫૦૦૦ પ્લાસ્ટિકના અતિ સુક્ષ્મકણો પહોંચી જાય છે

Paper cups useful or harmful | ટૂંકમાં પેપર કપનો ઉપયોગ કરવો આપણા માટે, આપણા શરીર માટે અતિ હાનિકારક છે. પ્લાસ્ટિક તમારા પેટમાં ન નાખવું હોય તો આજ થી જ આ કપનો ઉપયોગ કરવાનું બંધ કરી દો.

આપણા વડવાઓ કહી ગયા છે કે આપણું રસોડું કોઇ પણ રોગ મટાડવાનું દવાખાનું છે. અહીં જડીબુટિઓનો ખજાનો છે. આપણે આ જડીબુટ્ટિઓનો ઉપયોગ પણ કરીએ છીએ પણ તેના વિશેની યોગ્ય માહિતી આપણી પાસે નથી. આવો આજે આપણા રસોડામાં રહેલી આ ધરતી પરની સૌથી શ્રેષ્ઠ જડીબુટિઑ વિશે થોડું જાણીએ

Powerful Ayurvedic Herbs

#૧ તજ । Cinnamon

સંસ્કૃતમાં તેને ત્વાક કહેવાય છે. અંગ્રેજીમાં Cinnamon કહેવાય છે. હિન્દીમાં તેને દાલચીની કહેવાય છે. આપણે તેને તજ કહીએ છીએ. તેનો સ્વાદ થોડો મીઠો હોય છે. એવું કહી શકાય કે આ ઉષ્ણ, પાચક, મુત્રલ, કફનાશક જેવા ગુણધર્મો ધરાવે છે. તજ યકૃતના કાર્યને સુધારે ચ્હે અને મનની બેચેની દૂર કરે છે. પાચનમાં તકલીફ રહેતી હોય, વિકાર થયો હોય, તાવ આવ્યો હોય, સ્રીરોગ માટે ખૂબ ઉપયોગી થઈ શકે છે. તજના ઉપયોગથી આ રોગો પર કાબૂ મેળવી શકાય છે. મહત્વની વાત એ છે કે ભોજનમાં તેને મસાલા તરીકે ઉપયોગ કરો તો તે સ્વાદમાં પણ ઉમેરો કરી શકે છે.

#૨ આદુ । Ginger

સંસ્કૃતમાં તેને સિંગબેર કહેવાય છે. અંગ્રેજીમાં Ginger કહેવાય છે. હિન્દીમાં તેને અદરક કહેવાય છે. આપણે તેને આદુ કહીએ છીએ. સ્વાદમાં તે તીખું લાગે છે. પાચન માટેની તે દુનિયાની સૌથી શ્રેષ્ઠ ઔષધિ છે. તમારો સ્વભાવ ચિડિયો થઈ ગયો હોય તો આદુના યોગ્ય ઉપયોગથી તમે તમાર સ્વભાવને શાંત કરી શકો છો. આદુ પીડાનાશક અને સ્વાદિષ્ટ પણ છે.

#૩ મીઠો લીમડો । Curry Leaf

સંસ્કૃતમાં તેને કૃષ્ણા નિંબા કહેવાય છે. અંગ્રેજીમાં Curry Leaf કહેવાય છે. હિન્દીમાં તેને કરી પત્તા કહેવાય છે. આપણે તેને મીઠો લીમડો કહીએ છીએ. એજ લીમડો જે આપણે ૧૦ રૂપિયાનો મસાલો એટલે કે કોથમિર લેવા જઈએ છીએ ત્યારે લારી વાળો લીમડાની એક ડાળી મફતમાં આપે છે. આ લીમડામાં ઔષધિય અને સૌંદર્ય એમ બન્ને ગુણ છે. લીમડો શરીરના કીટાણુંઓને મારી શકે છે. તાવ આવ્યો હોય કે ગરમી હોય આ લીમડો ખૂબ ઉપયોગી છે. પાચનશક્તિ વધારવા ઉપયોગી છે. વિકારમાં પણ ઉપયોગી છે. સુંદર વાળ માટે ખૂબ ફાયદાકારક છે. જો તમે દાજી ગયા હોવ તો આ લીમડાની પેસ્ટ લગાવાથી ઠંડક મળે છે. મીઠો લીમડો ખૂબ ગુણકારી છે.

8 Powerful Ayurvedic Herbs With Their Great Benefits

#૪ આંબલી । Tamarind

સંસ્કૃતમાં તેને અમ્બિકા કહેવાય છે. અંગ્રેજીમાં Tamarind Indica (imli) કહેવાય છે. હિન્દીમાં તેને ઇમલી કહેવાય છે. આપણે તેને આંબલી કહીએ છીએ. પિત્ત, ગેસ, કબજિયાત માટે તે ખૂબ કારગત સાબિત થઈ શકે છે. જો યોગ્ય માત્રામાં અને યોગ્ય સમયે આબંલીનો ઉપયોગ કરવામાં આવે તો તે અતિ ગુણકારી સાબિત થઈ શકે છે. આંબલીમાં વિટામીન સી ભરપૂર માત્રામાં હોય છે. જે રોગપ્રતિકારક શક્તિ વધારે છે.

#૫ કોથમિર । Coriander

સંસ્કૃતમાં તેને અમ્બિકા કહેવાય છે. અંગ્રેજીમાં Coriander કહેવાય છે. હિન્દીમાં તેને ધનિયા કહેવાય છે અને આપણે તેને કોથમિર તરીકે ઓળખીએ છીએ. કોથમિર પાચનશક્તિ વધારવા, કોલેસ્ટ્રોલ લેવલને માપમાં રાખવા, ડાયાબિટીસ, કિડનીની બિમારી ઉપરાંત અનેક રોગો માટે અસરકારક સાબિત થઈ શકે છે. કોથમિરમાં પ્રોટીન, વસા, ફાઈબર, કાર્બોહાઈડ્રેટ, મિનરલ ખૂબ માત્રામાં હોય છે. જે આપણા શરીર માટે શ્રેષ્ઠ ઔષધિ સાબિત થઈ શકે છે.

#૬ લસણ । Garlic

અંગ્રેજીમાં તેને Garlic કહેવાય છે અને હિન્દીમાં તેને લહસૂન કહેવાય છે આપણે તેને લસણ કહીએ છીએ. લસણ આ સૃષ્ટિની કુદરતે બનાવેલી એન્ટીસેપ્ટિક દવા છે. શ્વાસની બિમારીમાં , વિકારમાં, પાચન વિકારમાં, હાઈ બીપીમાં, હ્યદય રોગમાં અને કેન્સર જેવા રોગમાં લસણ ખૂબ ઉપયોગી સાબિત થઈ શકે છે. નિયમિત યોગ્ય માત્રામાં યોગ્ય સમયે લસણ ખાવાથી અનેક રોગો મટી શકે છે.

#૭ સરગવો । Moringa Oleifera

અંગ્રેજીમાં તેને Moringa Oleifera કહેવાય છે અને હિન્દીમાં તેને સહજન કહેવાય છે આપણે તેને સરગવો કહીએ છીએ. એવું કેહેવાય છે કે દૂધમાં જેટલું કેલ્સિયમ હોય છે એના કરતા વધારે કેલ્સિયમ સરગવમાં હોય છે. આપણે રોજ સરગવાના પાનનો અને સરગવાની સિંગનો ઉપયોગ આહારમાં કરવો જોઇએ. આનાથી તમારા હાંડકા ખૂબ મજબૂત બને છે. સરગવાનો ઉપયોગ અન્ય રોગોમાં પણ ખૂબ ઉપયોગી છે.

#8 હળદર । Turmeric

અંગ્રેજીમાં તેને Turmeric કહેવાય છે અને હિન્દીમાં તેને હલ્દી કહેવાય છે આપણે તેને ફળદર કહીએ છીએ. રસોડાની સૌથી ઉત્તમ ઔષધિ આ હળદર જ છે. શરદીથી લઈને કેન્સર સુધીની બિમારી હળદર દ્વારા મટી શકે છે. અમેરિકાએ તો હળદરમાંથી કેન્સરની દવા બનાવી પેટન્ટ પણ નોંધાવી છે. હળદર એન્ટીસેપ્ટિક છે. બેક્ટેરિયા, કીટાણુંઓને મારવાની તેનામા ગજબની શક્તિ છે. શરીર પર ઘા પડ્યો હોત તો આપણે પહેલા તેના પર હળદર જ લગાવીએ છીએ.

8 Powerful Ayurvedic Herbs With Their Great Benefits

કુદરતે દવા નથી બનાવી દવા તો આપણે બનાવી. એજ રીતે કુદરતે ડોકટર નથી બનાવ્યા ડોક્ટર તો આપણે બનાવ્યા. ડોક્ટર હતા નહી માટે ભગવાને આ જીવસૃષ્ટિ માટે વનસ્પતિ રૂપે આપણને અનેક ઔષધિ આપી છે અહીં તો માત્ર આઠ જ આપવામાં આવી છે. જેનો ઉપયોગ હજી પ્રાણીઓ કરે છે પણ આપણે હવે ઓછો કરીએ છીએ. જે દુઃખની વાત છે.

How to Lose Weight Fast | વજન ઘટાડવાના અસરકારક ઘરેલું ઉપાય. વજન ઘટાડવું છે આ ઘરેલું ઉપાય અજમાવી જુવો નક્કી ફરક પડશે. જો પરિણામ મેળવવું હોય તો આપણે માત્ર થોડું નિયત્રંણ રાખી જીવનશૈલી પર ધ્યાન આપવાનું છે.

સંતુલિત જીવન આજે કોનુ છે? આ પ્રશ્ન પૂછવામાં આવે તો હા પાડવા કોઇ આગળ નહી આવે. આરોગ્યની જ વાત કરીએ તો કોઇ તમને સંપૂર્ણ ફિટ નહી લાગે. કોઇનું વજન ખૂબ ઓછુ છે તો કોઇનું વજન ખૂબ વધારે છે. ભારતીય ચિકિત્સા પદ્ધતિમાં જેમ કે આયુર્વેદમાં, નેચરોપેથીમાં વજન ઘટાડવાના અને વજન વધારવાના અનેક ઘરેલું ઉપાય છે. જો પરિણામ મેળવવું હોય તો આપણે માત્ર થોડું નિયત્રંણ રાખી જીવનશૈલી પર ધ્યાન આપવાનું છે. આવો અહીં આપણે વજન કઈ રીતે ઘટાડવું (How to Lose Weight Fast ) તેની વાત કરીએ…

How to Lose Weight

કેલેરીના ગણિત ને સમજો

એકવાત યાદ રાખો શરીર વધારવું હોય તો વધારે કેલેરીવાળો ખોરાક ખાવો પડે અને ઘટાડવું હોય તો આ કેલેરીનું પ્રમાણ ઘટાડવું પડે. આ સરળ નિયમ છે. હવે ધારો કે તમારે વજન ઘટાડવું છે. તમે રોજ ભોજન લો છો તે ૪૦૦૦ કેલેરીનું થઈ જતું હોય તો વજન ઘટાડવા આ કેલેરીનું પ્રમાણ ઘડાડો. રોજ માત્ર ૨૫૦૦ કેલેરી જેટલું જ ખાવાનું રાખો. ખાવાનું બંધ નથી કરવાનું પણ ઓછુ કરવાનું છે. હવે કયા ખોરાકમાં કેટલી કેલેરી છે એ કેવી રીતે ખબર પડે? તો એ માટે ગૂગલનો સહારો લો. કેલેરી ચાર્ટ ફૂડ ( Calorie chart food ), કેલેરી ચાર્ટ ( Calorie chart ) આ શબ્દો મારી ગૂગલ ( Google ) પર સર્ચ ( Search ) કરો. અઢળક માહિતી (Information) મળશે. બસ તમારે તેને અનુસરવાની છે. આ ઉપરાંત વજન ઘટાડવા (Lose Weight ) આટલું કરી જુવો. નક્કી ફરક પડશે

ગરમ પાણીનો પ્રયોગ…

ઠડું પાણી પીવાનું બંધ કરી દો. ગરમ પાણી પીવાનું રાખો. ગરમ એટલે ફળફળનું નહી પણ તમારા રૂમનું તાપમાન જેટલું હોય એટલું ગરમ પાણી પીવો. પાણી વધારે પીવાનું રાખો. અને હા પાણીને ચાવીને ખાવાનું રાખો. પાણી ખાવાનુ? નવાઈ લાગીને? પાણી પીધા પછી તેને ચાવવાનું છે. પાણી ઘૂંટડે ઘૂંટડે પીવાનું છે. પાણીના ઘૂંટડા સાથે મોઢાની લાળ બરાબર ભળી જાય પછી જ તેને ગળા નીચે ઉતારવાની ટેવ પાડો. આટલું કરી જુવો. તમારા શરીરમાં જોરદાર પરિવર્તન તમને દેખાશે. પાણી પીવાની આજ સાચી રીતે છે.

લીંબુ, મધ અને ગરમ પાણી…

લીંબુ, મધ અને ગરમ હુંફાળું પાણી આ ત્રણેય તમારા શરીરની ચરબી ઉતારવામાં તમારી મદદ કરે છે. આ ત્રેણયનું મિશ્રણ એટલું બધું પાવરફૂલ છે કે તે તમારા શરીરનો કચરો પણ સાફ કરી નાખે છે. સવારે ઉઠતા વેત આ હુંફાળા લીંબુ પાણીમાં થોડું મધ નાખીને ધૂંટડે, ઘૂંટડે પીવાનો નિયમ બનાવો. થોડાક જ દિવસમાં તમને લાગશે કે મારું શરીર ઘડી રહ્યું છે. સ્ફૂર્તિ આવશે એ વધારાની…

ગ્રીન ટી…

અનેક સંશોધનોનું તારણ આવ્યું છે કે ગ્રીન ટી શરીર ઘટાડવામાં મદદરૂપ થઈ શકે છે. નિયમિત યોગ્ય માત્રમાં ગ્રીન ટી પીવામાં આવે તો શરીર ઘટાડવામાં ખૂબ મદદ મળે છે. ઉપરાંત ગ્રીન ટીના ફાયદા પણ અનેક છે. ચાની તેવ હોય યો તેની જગ્યાએ તમે આ ગ્રીન ટી લઈ શકો છો. જેનાથી તમે ખાંડ અને દુધથી દૂર રહી શકો છો. ગ્રીન ટી પણ તમારા શરીરનો કચરો સાફ કરવામાં તમારી મદદ કરે છે.

થોડું પણ નિયમિત ચાલવાનું રાખો…

રોજ સવારે અથવા તો રાત્રે તમને સમય મળે ત્યારે પણ નિયમિત રીતે થોડું ચાલવાનું રાખો. રોજ પાંચ કિલોમીટર ચાલી શકો તો અતિ ઉત્તમ. યાદ રાખો ચાલતી વખતે ધ્યાન માત્ર ચાલવામાં જ રાખો. રોજ એક જ ગતિથી ચાલો. નિયમિત ચાલવાથી તમને થોડાક જ દિવસમાં ફરક દેખાશે અને તમને સારું પરિણામ મળતા તમારો આત્મવિશ્વાસ પણ વધશે.

ફાસ્ટફૂડ બંધ કરી દો

ફાસ્ટફૂડમાં સૌથી વધારે કેલેરી હોય છે. વજન ઘટાડવું હોય તો ફાસ્ટફૂડ તો ઘટાડવું જ પડે. સાવ બંધ કરી દેશો તો અતિ ઉત્તમ. તમને પરિણામ પણ ઝડપથી મળશે. ફાસ્ટફૂડ અનેક રોગોનું પણ મૂળ છે. ફાસ્ટફૂડ ખાવાથી પેટને લગતા રોગ વધારે થાય છે. આથી જો તેને ખાવાનું બંધ કરશો તો અનેક રોગો તમને થશે જ નહી. અને વજન પણ નહી વધે.

ગ્રીન જ્યુશ

રોજ ગ્રીન જ્યુશ પીવાનું રાખો. પાલક, લીમડો, સરગવાના પાન, કોથમીર, ભાજીનુ જ્યુસ બનાવીને રોજ પીવાનું રાખો. આનામાં અઢળક વિટામીન હોય છે. આ જ્યુસ પીવાથી તમારા શરીરને જેટલી માત્રામાં વિટામીનની જરૂર હશે તે મળી જશે અને તમારે ખાવાનું પણ ઓછુ ખવાશે. માટે નિયમિત ગ્રીન જ્યુસ પીવાનું રાખો. ફાયદો મળશે.

કસરત કરો

જીમમાં જઈને ભારેભરખમ વજનીયા ઉંચકવાની જરૂર નથી. સાદી કસરત કરશો તો પણ પરિણામ મળશે. કસરત કરશો તો ઝડપથી અને યોગ્ય પરિણામ મળશે.

How to Lose Weight Fast

યાદ રાખો એકવાર વજન વધી ગયું પછી તેને ઉતારવું પડકાર જનક છે. તેના માટે મક્કમ મન જોઇએ. એટલે વજન વધી રહ્યું હોય ત્યારે જ સચેત થઈ જાવ અને તેના પણ કાબૂ મેળવી લો. આજ ઉત્તમ ગણાશે.

Health Quotes in Gujarati | Health Thoughts in Gujarati | સારા સ્વાસ્થ્યને લગતા આ ૩૧ વાક્યો લોકો સુધી પહોંચાડવા જેવા છે…

પહેલું સુખ તે જાતે નર્યા. જીવનનું બધું સુખ એક તરફ અને સારા સ્વાસ્થ્યનું સુખ એક તરફ. જીવનમાં સ્વાસ્થ્ય જ બધું છે. આજે આપણે આ આર્ટિકલમાં ૩૧ જેટલા Health Quotes in Gujarati અને Health Thoughts in Gujarati માં જોઇશું. આ વાક્યો વાંચીને યાદ રાખવા જેવા છે. આ વાક્યો સ્વાસ્થ્યનું મહત્વ સમજાવે છે. આવો જોઇએ…

૧ જેની પાસે સારું સ્વાસ્થ્ય નથી એ સૌથી ગરીબ માણસ છે અને જેની પાસે સારું સ્વાસ્થ્ય છે તેની પાસે પૈસા ન હોવા છતા તે દુનિયાનો સૌથી અમીર માણસ છે

૨ સફળતા મેળવવા માટે પણ સારું સ્વાસ્થ્ય હોવું ખૂબ જરૂરી છે.

૩ સ્વાસ્થ્ય વગરનું જીવન દુઃખ અને પીડાથી ભરેલું હોય છે.

૪ કોઇ રોગ થયા પછી જ આપણને સ્વાસ્થ્યની કદર થાય છે.

૫ જીવનને આનંદથી પસાર કરવું હોય તો સ્વાસ્થ્ય પર ધ્યાન આપો.

૬ સારા સ્વાસ્થ્યને આપણે ખરીદી નહી શકીએ પણ જો શરીરને સાચવશું તો તે આપણી મિલકત ઓછી નહી થવા દે…

૭ સવારે વહેલા પથારી છોડી દેવાથી શરીર તો સારું રહે જ છે પણ તે માણસ સફળ પણ ઝડપથી થાય છે.

૮ હું હંમેશાં ખુશ રહેવાનું જ પસંદ કરું છું કેમ કે હું મારી તંદુરસ્તીને પ્રેમ કરું છું.

૯ હંમેશાં યાદ રાખો કે ખાવા માટે જીવવાનું નથી પણ જીવવા માટે ખાવાનું છે.

૧૦ દરેક વ્યક્તિ પોતાનું સ્વાસ્થ્ય પોતાની જાતે જ લખે છે.

૧૧ જે વ્યક્તિ પોતાની જીભ પર કાબૂ રાખી શકતો નથી તેના કાબૂમાં તેનું સ્વાથ્ય પણ રહેતું નથી.

૧૨ તમારા શરીરની કાળજી લો કેમ કે આ એજ જગ્યા છે જ્યાં તમારે આજીવન રહેવાનું છે.

૧૩ જરૂર કરતા વધારે ભોજન કરવાથી સ્વાસ્થ્ય સારું રહેતું નથી, માટે ભૂખ કરત થોડું ઓછું ખાવાનું રાખો.

૧૪ સ્વાસ્થ્ય – સારું શરીર ભગવાને આપણને આપેલી સૌથી અનમોલ ભેટ છે માટે તેને સાચવો…

૧૫ જીવન જીવવું અને સ્વસ્થ્ય જીવન જીવવું એ બન્નેમાં ખૂબ મોટો ફરક છે.

૧૬ એક દેશ ત્યારે જ વિકાસ કરી શકે જ્યારે તેના નાગરિકો સ્વસ્થ હોય.

૧૭ બીમારી આવ્યા પછીની મુશ્કેલીમાંથી માનવી ઘણું બધુ શીખી તો લે છે પણ યાદ રાખતો નથી.

૧૮ સ્વાથ્ય જાળવવા તમારે કરવાનું શું છે? માત્ર યોગ્ય જીવનશૈલી જ તો અપનાવાની છે.

૧૯ પોતાના શરીરને પોતાનું પવિત્ર મંદિર બનાવી દો.

૨૦ જ્યારે તમારું મન આનંદિત હોય છે ત્યારે તમારું શરીર પણ સ્વસ્થ થવાની ક્રિયામાં હોય છે.

૨૧ સાધારણ ભોજન અને ચિંતામુક્ત મન સારા સ્વાસ્થ્યની નિશાની છે.

૨૨ સુખનો મુખ્ય સિદ્ધાંત સ્વાસ્થ્ય છે અને સ્વાસ્થ્યનો મુખ્ય સિદ્ધાંત યોગ્ય કસરત છે.

૨૩ સ્વાસ્થ નાગરિક જ જે તે દેશની સૌથી મૂલ્યવાન સંપત્તિ છે.

૨૪ તંદુરસ્તી વિનાનું જીવન પીડા સિવાય બીજુ કંઇ આપી શકે નહી.

૨૫ સ્વસ્થ રહેવાની સૌથી સસ્તી અને અસરકારક દવા સ્માઇલ છે.

૨૬ આપણું આરોગ્ય જ આપણી સૌથી મોટી સંપત્તિ છે, અને દુઃખની વાત એ છે કે આ સંપત્તિ આપણે ખોઈ બેસીએ છીએ પછી જ તેનું મૂલ્ય સમજાય છે.

૨૭ સારું સ્વાસ્થ્ય અને સારી સમજ – આ બે ભગવાને આપેલી સૌથી ઉત્તમ ભેટ છે.

૨૮ તમારું શરીર જ તમારી ખરી સંપત્તિ છે તેનું ધ્યાન રાખવાની તમાર પોતાની જવાબદારી છે.

૨૯ સ્વાસ્થ્ય અને શરીરને તંદુરસ્ત રાખજો આના વગર તમારું મગજ બરાબર કામ નહી કરી શકે.

૩૦ સારા સ્વાથ્યનો આનંદ લેવો હોય તો નિયમિત કસરત કરવી અનિવાર્ય છે.

૩૧ સારું સ્વાસ્થ્ય આંતરિક શક્તિ, આનંદ, શાંત મન અને આત્મવિશ્વાસ વધારે છે. જે આપણા જીવન માટે ખૂબ જરૂરી છે.

Pag na taliya ma baltara mate na upay in gujarati | તમારા પગના તળિયામાં બળતરા રહે છે? ખરાબ જીવનશૈલીથી લઈને ખરાબ ખાનપાન સુધીની આદતોના કારણે આવું થઈ શકે છે. ગભરાયા વિના આટલું કરી જુવો….

તમારા પગના તળિયામાં બળતરા રહે છે? જો જવાબ હા હોય તો ચિંતાની કોઇ વાત નથી. એક ઉમર પછી બધામાં આ સમસ્યા જોવા મળે છે. પણ ઉલ્લેખનીય છે કે હવે નાની ઉમરના યુવાનોમાં પણ આ સમસ્યા જોવા મળી રહી છે. જો કે આ કોઇ મોટો રોગ નથી પણ એકવાત પાક્કી છે કે શરીરમાં કોઇ ચોક્કસ પ્રકારના ફેરફાર થઈ રહ્યા છે જેના કારણે પગના તળિયામાં બળતરા થતી હોય છે. ખરાબ જીવનશૈલીથી લઈને ખરાબ ખાનપાન સુધીની આદતોના કારણે આવું થઈ શકે છે.

હવે વાત કરીએ બગના તળિયામાં બળતરા થાય છે કેમ? તો આગળ લખ્યુ તેમ ખરાબ જીવનશૈલીથી લઈને ખરાબ ખાનપાન સુધીની આદતોના કારણે આવું થઈ શકે છે. આ ઉપરાંત જો તમારા શરીરમાં પાણીની કમી હોય તો પણ આ સમસ્યા થઈ થકે છે. એટલે પહેલા તો પૂરતું પાણી પીવો. પાણી ઘુંટડે, ઘુંટડે સમય લઈએ પીવો. પાણીના ઘુંટડા સાથે મોઢાની લાળ પણ પેટમાં જવી જોઇએ.

આ ઉપરાંત તમારા શરીરને પૂરતા વિટામિન તમે જે આહાર લેતા હોવ તેમાંથી ન મળતા હોય તો પણ આ સમસ્યા થઈ શકે છે. એટલે જ કહેવાય છે કે યોગ્ય કેલેરીવાળો અને પોષણયુક્ત આહર રોજ આપણે લેવો જોઇએ.

વિટામિન બી૧૨ અને બી૬ ની કમી જો શરીરમાં જોવા મળે તો પણ તમારા પગના તળિયામાં બળતરા થઈ શકે છે.
કિડનીની બિમારી હોય, વધારે પડતી દવા ખાવામાં આવતી હોય તો પણ તમારા પગના તળિયામાં બળતરા થઈ શકે છે. દવાની ગરમી વધી જાય તો આવી સમસ્યા ઊભી થતી હોય છે.

તજા ગરમી હોય શકે છે….

શરીરમાં ખૂબ બળતરા થતી હોય અથવા તો પગના તળિયે કે માથામાં તાળવે આવી બળતરા થતી હોય તો આપણા વડવાઓ કહેતા કે તજા ગરમી વધી ગઈ છે. શરીરમાં અંદર ગરમી વધી જાય તો આવું થઈ શકે છે. ખૂબ ગરમી લાગવી, ખૂબ પરસેવો થવો, હાથેળીમાં, પગના તળિયામાં બળતરા થવી, નસકોરી ફૂટવી, ઠંડુ પાણી પીવાનું મન થવું, આ બધા તજા ગરમીના લક્ષણો છે. એટલે કે તમારા શરીરમાં ગરમી વધી ગઈ છે. જે ઘટાડવામાં પાણી તમારી મદદ કરી શકે છે.

સૌથી પહેલા આહારશૈલી બદલો

આપણા આયુર્વેદમાં આ માટેના અનેક ઘરગથ્થુ ઉપાય છે. જેને નિયમિત કરવાથી આ તજા ગરમીથી છુટકારો મેળવી શકાય છે. પણ આ પહેલા આપણે આપણી આહારશૈલી બદલવી પડે. એટેલે જો તમારી સાથે આવું કઈ થતું હોય તો સૌથી પહેલા આહારશૈલી બદલો. સવારે ખાવું હોય એટલું, બપોરે થોડું ઓછુ અને રાત્રે નહીવત ખાવાનું રાખો. આ સમસ્યા હોય ત્યા સુધી બહુ તીખુ, તળેલુ ખાવાનું બંધ કરી દો. હંમેશાં માટે બંધ કરશો તો પણ ચાલશે. શરીરમાં પિત્ત વધી જવાથી પણ શરીરમાં ગરમી વધી જાય છે તો પિત્તનાશક ખોરાક જેવા કે ખજૂર, દ્રાક્ષ, ટાંમેટા, કાકડી, તરબૂચ, ટેટી ખાવાનું રાખો. અને હા હળવી કસરત કરો…

પગના તળિયામાં બળતરા અને તેના આયુર્વેદમાં જણાવેલા ઉપાય | Pag na taliya ma baltara mate na upay

હવે આયુર્વેદ પ્રમાણે તમારે શું કરવાનું છે? લીલા ઘાસમાં ઉઘાડા પગે રોજ ચાલવાનું રાખો. આવું કરવાથી પગના તળિયાની બળતરા તો ઓછી થશે પણ તમારી આંખ અને માનસિક સ્થિતિ માટે પણ ફાયદાકારક સાબિત થશે.

આપણા વડવાઓ કહે છે કે શુદ્ધ ગાયના ઘીથી પગના તળિયે માલિસ કરવાથી આ બળતરા દૂર થાય છે.

કાંસાની વાટકીના તળિયે ગાયનું ઘી લગાવી આ વાટકી પગના તળિયે ઘસવાથી તજા ગરમી દૂર થાય છે અને પગના તળિયામાં થતી બળતરા ઓછી થાય છે.

વધુ બળતરા થતી હોય તો કેમિકલ વગરની શુદ્ધ મહેદી પગના તળિયે ગલાવવાથી પણ આ બળતરામાં ફાયદો થાય છે. ગરમીથી બચવા આપણે માથામાં, વાળમાં મહેદી લગાવતા હોઇએ છીએ.

નાળિયેરના તેલની માલિસ કરવાથી પણ પગના તળિયમાં બળતરા ઓછી થાય છે.

નોંધ – આ આર્ટિકલમાં માત્ર તેના સીધા-સાદા ઘરેલું ઉપાય બતાવવામાં આવ્યા છે. પણ તેમ છતાં પગના તળિયે ખૂબ બળતરા થતી હોય તો તરત ડોક્ટર પાસે જવું જ વધુ યોગ્ય ગણાશે…

1 ઓટર્સ :

ઓટસમાંથી પૂરતા પ્રમાણમાં ફાઇબર્સ મળી રહે છે તથા તે હાનિકારક કોલેસ્ટ્રોલને ઓછું કરે છે અને પાચનશક્તિને વધારે છે.

2. સ્ટ્રોબેરી

સ્ટ્રોબેરી તથા બ્લુબેરી બ્લડ પ્રેશરને ઘટાડે છે તથા રુધિરવાહિનીઓને ક્લિન રાખે છે. સ્ટ્રોબેરીમાંથી ફાઇબર, એન્ટિઓક્સિડન્ટ્સ, અને પોટેશિયમ જરૂરી પ્રમાણમાં મળી રહે છે. સ્ટ્રોબેરીમાં વિટામિન C તથા E ભરપૂર પ્રમાણમાં હોય છે. સ્ટ્રોબેરીથી આંખને પણ ખુબ ફાયદો થાય છે.

3. ડાર્ક ચોકલેટ

ડાર્ક ચોકલૅટ બ્લડ પ્રેશરને નોર્મલ કરવા, રુધિરવાહિનીઓમાં લોહી જામતા અટકાવે છે. ચોકલૅટથી તણાવ પણ ઓછો થાય છે. કોકો જેમાંથી ચોકલૅટ બને છે તે યાદશક્તિ વધારે છે. ચોકલૅટ ત્વચાને અલ્ટ્રાવાયોલેટે કિરણોથી પણ રક્ષણ પ્રદાન કરે છે.

4. ડ્રાયફ્રુટ (કાજુ, બદામ વગેરે )

ડ્રાયફ્રૂઇટમાં એક પ્રકારના પ્રોટીન ફાઈબર હોય છે જે હ્રદયને ખુબ ફાયદો પોંહચાડે છે. બદામમાંથી વિટામિન E ભરપૂર પ્રમાણમાં મળી રહે છે. ડ્રાયફ્રુઇટને શરીર માટે યોગ્ય આહાર માનવામાં આવે છે

5. ગ્રીન ટી

ગ્રીન ટી મગજની કામ કરવાની ગતિને વધારે છે. ચરબીને ઘટાડવામાં તથા મેટાબોલિઝમ રેટને વધારવામાં મદદરૂપ થાય છે. કેટલાક પ્રકારના કેન્સરનો રિસ્ક પણ ગ્રીન ટી ઓછો કરે છે. રોજની એક કપ ગ્રીન ટી પીવાથી કોલેસ્ટ્રોલ પણ ઓછું થાય છે.

6. બ્રોકોલી અને પાલક

બ્રોકોલી તથા પાલકમાં ભરપૂર પ્રમાણમાં વિટામિનો, મીનેરલ્સ, ફાઈબર અને એન્ટિઓક્સિડન્ટ હોય છે. તે બ્લડ પ્રેશરને પણ નોર્મલ કરવામાં મદદરૂપ થાય છે. બ્રોકોલી ત્વચાને સૂર્યના હાનિકારક કિરણોથી રક્ષણ આપે છે, આંખોની જોવાની ક્ષમતાને સુધરે છે, એલરજીક રિએક્શનોથી પણ રક્ષણ આપે છે. પાલકમાંથી મૅન્ગેનીઝ, આર્યન, પોટાશિયમ, અને કેલ્શિયમ ભરપૂર પ્રમાણમાં મળે છે. વિટામિન A, વિટામિન C, વિટામિન B6 જેવા કેટલાય વિટામિન પાલક અને બ્રોકોલીમાંથી મળી રહે છે. જે આપણા હ્રદયને મજબૂત રાખે છે.

7. દાડમ

દાડમમાં એન્ટિઓક્સિડન્ટ્સ ભરપૂર પ્રમાણમાં હોય છે. તે બ્લડપ્રેશરને સામાન્ય કરે છે, બ્લડસર્ક્યુલેશન સુધારે છે તથા હિમોગ્લોબીનની માત્રા વધારે છે.

8. તરબૂચ

તરબૂચ કોલેસ્ટ્રોલ લેવલને નોર્મલ કરે છે. તેમાંથી એન્ટિઓક્સિડન્ટ્સ પણ મળી રહે છે. તરબૂચ વાળ તથા ત્વચા માટે ખુબજ ફાયદકારક સાબિત થાય છે.

9. લસણ

લસણ રક્તવાહિનીઓને પોહળી કરે છે, બ્લડપ્રેશરને ઘટાડે છે, પાચનશક્તિ વધારે છે. હ્રદયરોગના દર્દીઓને લસણા ખાવાની સલાહ આપવામાં આવે છે.

10. સફરજન અને બાબુપોચા

સફરજન તથા બાબુપોચામાંથી ફાઈબર ભરપૂર પ્રમાણમાં મળી રહે છે. સફરજન દાંત ને સફેદ તથા મજબૂત બનાવે છે. બાબુપોચા રોગપ્રતિકારક શક્તિને વધારે છે, પાચનશક્તિ પણ વધારે છે, તથા ઉર્જામાં પણ વધારો કરે છે.

ટૂંકમાં ઋતુગત ફળ ખાવા જોઇએ. ફળ ઝડપથી પચી જાય છે અને આપણા શરીરને શક્તિ આપે છે. એટલે જ ડોકટરો પણ રોજ એક ઋતુગત ફળ ખાવાની સલાહ આપે છે.

ઉલ્લેખનીય વાત એ છે કે આ બીમારી ખતરનાક છે. ધ્યાન રાખવું ખૂબ જરૂરી છે. શરીરમાં કોઇ ફેરફારનો અંદાજો તમને આવે અથવા તો હાર્ટ અટેકની સંભાવના તમને લાગે તો જરા પણ સમય બગાડ્યા વગર ડોક્ટર પાસે પહોંચી યોગ્ય તપાસ કરાવવી ખૂબ જરૂરી છે.

Shidharth Shukla | નાની ઉમરે હાર્ટ અટેકના કેસ વધવા લાગ્યા છે. આ ચિંતાનો વિષય છે. પહેલા મોટી ઉમરે હાર્ટ અટેક આવતા આજે યુવાનોને હાર્ટ અટેક આવી રહ્યા છે. આની પાછળ કદાચ આપણી બદલાયેલી જીવનશૈલી જવાબદાર છે. તમારે તમારા હ્રદયને સ્વસ્થ રાખવું હોય તો આ ૧૦ બાબતો પર બરાબર ધ્યાન આપો.

હાર્ટ અટેકથી દૂર રહેવા આ ૧૦ વસ્તુ ધ્યાનમાં રાખો…

#1 નિયમિત કસરત

હ્રદયને મજબૂત રાખવું હોય તો નિયમિત કસરત કરવી જ પડે. નિયમિત હળવી કસરત તમને ઘણા રોગોથી બચાવશે અને મજબૂત શરીર બનવાથી તમારો આત્મવિશ્વાસ પણ વધારશે. માટે રોજ ૩૦ નિમિટ કસરત કરો, દોડો, ચાલો, યોગા કરો…કઈ પણ કરો પણ શરીરને થોડું કષ્ટ આપો.

#2 તેલવાળું ખાવાનું ઓછું કરો

તેલ ખાવાથી શરીરમાં કોલેસ્ટ્રોલ વધે છે અને કોલસ્ટ્રોલના કારણે જ હાર્ટ અટેક આવે છે. બની શકે તો તેલ ખાવાનું ઓછું કરી દો. બંધ ન કરો પણ તેનું પ્રમાણભાન હોવું ખૂબ જરૂરી છે. જંકફૂડ ખાવાનું બંધ કરી દો.

#3 વજનને કાબૂમાં રાખો

શરીરનું વજન વધવા ન દો. શરીરના વજન પર કાબુ રાખો. વજન વધારે હોય તેને હાર્ટ અટેકનો ખતરો વધારે રહે છે. માટે પ્રમાણમાં ભોજન કરો. શરીરને જોઇએ એટલું જ ખાવાનું રાખો અને હેલ્દી ખાવાનું રાખો.

#4 પોષણયુક્ત આહાર

પોષણયુક્ત આહાર લેવાનું રાખો. આહારશૈલીની અસર વધારે હોય છે. સારુ અને પોષણયુક્ત ખાવાનું ખાશો તો હંમેશાં તંદુરસ્ત રહેશો.

#5 તણાવથી દૂર રહો

હાર્ટ અટેકનું મુખ્ય કારણ તણાવયુક્ત જીવનશૈલી પણ છે. સ્વયંને તણાવથી દૂર રાખવાની કોશિશ કરો. ગમે એવું કામ કરો. ગમે એવી પ્રવૃત્તિ માટે સમય ફાળવો. યોગા કરો, મેડિટેશન કરો જે તમને તણાવથી દૂર રાખવા મદદ કરશે.

#6 બ્લડ પ્રેશર કંન્ટ્રોલમાં રાખો

જો તમે હ્રદયની બિમારીથી દૂર રહેવા માગતા હોવ તો બ્લડ પ્રેસરને કાબૂમાં રાખો, બીપી વધવું પણ ન જોઇએ અને ઘટવું પણ ન જોઇએ. હાઈ બ્લડ પ્રેસરના દર્દીઓને હાર્ટ અટેકનો ખતરો વધારે જોવા મળે છે.

#7 માછલી છે ઉપયોગી

જાણકારો કહે છે કે અઠવાડિયામાં એકવાર માછલી ખાવાથી હાર્ટ એટેકનો ખતરો ઘટી જાય છે. કેમ કે માછલીમાં ઓમેગા ૩ ફેટી એસિડ વધારે હોય છે. જે આંખની સાથે હ્રદય માટે પણ ફાયદા કારક છે. માટે જાણકારો ડાઈટમાં માછલીનો ઉમેરો કરતા હોય છે.

#8 મીઠું (નમક) ખાવાનું ઓછું રાખો

બધા જ જાણે છે કે મીઠું વધારે પડતું ખાવાથી તે નુકસાન કરે છે. વધારે મીઠું ખતરનાક સાબિત થઈ શકે છે. વધારે મીઠું ખાવાથી હાઈ બ્લડ પ્રેશરની બિમારી થઈ શકે છે. અને હાઈ બ્લડપ્રેસરવાળા લોકોને હાર્ટ અટેક આવવાની સંભાવના વધી જાય છે. માટે જો હ્રદયને તંદુરસ્ત રાખવું હોય તો મીઠું ખાવાનું ઓછું રાખો.

#9 પૂરતી ઊંધ લો

સારા સ્વાસ્થ્ય માટે પૂરતી ઊંઘ ખૂબ જરૂરી છે. રોજ ૮ કલાકની ઊંઘ લો. પૂરતી ઊંઘ લેવાથી શરીરને આરામ મળે છે અને તેને શક્તિ મળે છે.

#10 વ્યસનથી દૂર રહો

વ્યશનથી દૂર રહો. તંબાકુ, દારૂ, સિગારેટથી દૂર રહેશો તો હાર્ટ અટેક પણ તમારાથી દૂર રહેશે. આજે નાની ઉમેરે હાર્ટ અટેક આવવાનું એક કારણ આ વ્યશન પણ છે. માટે હંમેશાં વ્યશનથી દૂર રહો…

Health | ભારતીય સંસ્કૃતિના વિશ્વમાં કેમ સ્વીકાર્ય છે? તેના કારણ અનેક છે, તે માનવીને આત્મનિર્ભર બનાવે છે. જીવન પોતાની જાતે એ પણ કોઇની મદદ લીધા વગર કેવી રીતે જીવી શકાય તેના દર્શન તમને ભારતીય સંસ્કૃતિ સિવાય બીજે ક્યાંય જોવા નહી મળે. આ મહામારીનો સમય છે ત્યારે ડોક્ટરો ભગવાનરૂપ સાબિત થયા છે. પણ અહીં વાત એવા સાત ડોક્ટરની કરવી છે જે તમારી પાસે જ છે. જે આપણી સંસ્કૃતિની દેન છે. થોડી કાળજી રાખો તો જીવન તંદુરસ્ત રીતે જીવી શકાય છે. કેમ કે આ સાત ડોકટરો તમારી પાસે જ છે. જે દવા વગર તમને રોગથી દૂર રાખે છે. આવો જોઇએ…

#૧ સૂર્યના કિરણો

આયુર્વેદ કહે છે કે સૂર્યના વહેલી સવારના કિરણો અનેક રોગો ને દૂર કરી શકે છે. નેચરોપેથીથી લઈને આયુર્વેદ સુધી બધે જ સૂર્યના તડકા નીચે હરવા ફરવાનું કહેવામાં આવે છે. સુર્યના કિરણો શરીર માટે ફાયદા કારક છે. વહેલી સવારે સુર્યનમસ્કાર કરવાથી ફાયદો થાય છે એનું કારણ પણ આ જ છે. સુર્યના સીધા કિરણો શરીર પણ પડવાથી શરીર અનેક હાનિકારક બેક્ટેરિયાથી મુક્ત થઈ જાય છે. સુર્યના કિરણથી શરીરને નવી ઉર્જા પ્રાપ્ત થાય છે.

#૨ રોજની ૭ થી ૮ કલાકની ગાઢ ઊંઘ

તંદુરસ્તીનું રહસ્ય યોગ્ય અને પૂરતી ઊંઘમાં છુપાયેલું છે. શરીરને આરામ જરૂરી છે. જો તમારે આખો દિવસ સ્ફ્રુર્તિમાં પસાર કરવો હોય તો પૂરતી ઊંઘ જરૂરી છે. રોગપ્રતિકારક શક્તિ ઓછી ઊંઘથી ઘટી જાય છે. એટલે જ ઉજાગરા ન કરવાની સલાહ આપવામાં આવે છે. માટે શરીરને તંદુરસ્ત રાખવા રોજ ૭ થી ૮ કલાકની ગાઢ ઊંઘ જરૂરી છે. આપણા જીવનમાં ઊંઘનું પણ મહત્વ છે તેને સમજવું ખૂબ જરૂરી છે.

#૩ શુદ્ધ અને સાત્વિક ભોજન

માનવ તરીકે આપણે હંમેશાં શુદ્ધ અને સાત્વિક આહાર જ લેવો જોઇએ. માંસાહારનો ત્યાગ કરવો જોઇએ. ભગવાને આપણી હોજરી જેના માટે બનાવી છે તેવો આહાર જ આપણે આરોગવો જોઇએ. જેનાથી આપણું પાચન સારુ રહે છે. આપને જે ભોજન શરીરને આપીએ છીએ તેમાથી ઊર્જા મળે છે. આપણે ભોજન ઊર્જા મેળવવા કરીએ છીએ પણ ખરેખર વિચારો ભોજન કર્યા પછી તમારી ઊર્જા વધે છે કે ઘટી જાય છે? હાલની જીવનશૈલી પ્રમાણે ઘટે જ જાય છે. કેમ કે આપણે શરીરને જે આહર જોઇએ છે એ આપતા નથી જ. હોજરીનું પર આ વણજોયતા આહારથી કામ વધી જાય છે અને આપણને ભોજનથી ઊર્જાની જગ્યાએ આળસ મળે છે. માટે થોડો દિવસ શુદ્ધ, સાત્વિક અને ભૂખ કરતા થોડું ઓછુ ખાઈ જુવો, નક્કી તમારા શરીરમાં તમને ફરક દેખાશે…

#૪ પૂરતું પાણી

બધાને ખબર છે કે આપણા શરીરમાં ૭૦ ટકા પાણી છે. આપણા શરીરમાં પૂરતું પાણી હોવું ખૂબ જરૂરી છે. માટે જ ડોક્ટરો વધારે પાણી પીવાનું કહે છે. વધારે પાણી પીવાથી આપણા શરીરનો કચરો સાફ થાય છે. શરીરના ઝેરી તત્વોની મુક્તિ આપણે પાણી અપાવે છે. શરીરમાં પાણીનું સંતુલન જાળવી રાખવું ખૂબ જરૂરી છે. માટે રોજ પૂરતું પાણી પીવો..પાણી ઘુંટડે ઘુંટડે પીવો.

#૫ યોગ, પ્રણાયામ, હળવી કસરત

શરીરને જેમ આરામની જરૂર છે તેમ પરિશ્રમની પણ જરૂર છે. આપણે રોજ જે ભોજન આરોગીએ છીએ તેને પચાવવા માટે થોડી કસરત જરૂરી છે, ચાલો, દોડો, પરિશ્રમ કરો. આ ખૂબ જરૂરી છે. આનાથી તમારા શરીરના અંગો બરોબર કામ કરશે. શરીરની સાથે મનની શુદ્ધી પણ જરૂરી છે. આ માટે યોગ કરો, પ્રાણાયામ કરો. કોરોનાકાળમાં યોગ, પ્રાણાયામની શક્તિ આખી દુનિયાએ સ્વીકારી છે.

#૬ સ્વયં પર વિશ્વાસ

જો તમને તમારા પર વિશ્વાસ હશે તો જ જીવનમાં તમે કંઇક કરી શકશો. તમને તમારામાં જ વિશ્વસ નહી હોય તો લોકો તમારા પર વિશ્વાસ કઈ રીતે કરી શકે. માટે સૌથી પહેલા સ્વયં પર વિશ્વાસ રાખો. આ ખૂબ જરૂરી છે

#૭ સારા સંબંધ, સારા મિત્રો

અમેરિકામાં સૌથી લાંબા સમય સુધી ચાલેલા એક સર્વેનું તારણ એવું નીકળ્યું છે કે જે વ્યક્તિના સંબંધો સારા હતા તે તંદુરસ્ત અને લાંબુ જીવનારા હતા. સંબંધ સારા હશે તો તમે તણાવમાં નહી આવો અને તમને તો ખબર છે તણાવ અનેક રોગોનું મૂળ છે. માટે તંદુરસ્ત રહેવું હોય તો સંબંધ સુધારો. અને વાત મિત્રોની તો તેના વિશે તો તમે જાણો જ છો. મિત્રો વિનાનું જીવન નકામું. તણાવ વગર અને મસ્તીમાં જીવન જીવવું હોય તો સારા મિત્રો બનાવો. જીવનમાં આ ખૂબ જરૂરી છે. મિત્રો જીવનના ઓક્સિજન જેવા હોય છે. જેમ જિવવા ઓક્સિજનની જરૂરે પડે છે તેમ મિત્રોની પણ એટલી જ જરૂર પડે છે.