32 forms of ganesha | શ્રી ગણેશની ૩૨ પ્રકારની મૂર્તિઓ પ્રચલિત છે! જાણો આ ૩૨ મૂર્તિઓની વિશેષાતા

32 forms of ganesha | ૧૯મી સદીમાં મૈસૂરના રાજા જે વાડિયાર સામ્રાજ્યના હતા તેમણે રાજ્યના વિદ્વાનોને ભગવાનની મૂર્તિઓની એક સંકલિત યાદી બનાવવાનું કહ્યું. આના પરિણામ સ્વરૂપ એક યાદી તૈયાર થઈ જેને શ્રી-તત્ત્વ-નિધિ કહેવાઈ જે કન્નડ ભાષામાં લખાઇ છે, જેમાં હિન્દુ ભગવાનના અનેક સ્વરૂપો જેની મોટે ભાગે પૂજા થાય છે, તેને સમાવવામાં આવ્યા છે. આ યાદીમાં ગણેશના ૩૨ જુદા જુદા સ્વરૂપો મળે છે. કદાચ આ મૂર્તિઓને કારીગરોએ જુદા જુદા મંદિરો, ઘરોમાં અને રાજ્યોમાં પૂજાતા જોઇ હશે. આ ગણેશના અનેક સ્વરૂપો નીચે આપ્યા છે.

૧. બાલ ગણપતિ – બાળક જેવા ગણેશ.
૨. તરૂણ ગણપતિ – યુવાન ગણેશ.
૩. ભક્તિ ગણપતિ – સમર્પણને યોગ્ય ગણેશ.
૪. વીર ગણપતિ – પરાક્રમી ગણેશ.
૫. શક્તિ ગણપતિ – સ્ત્રી સ્વરૂપને ડાબા ખોળામાં લઇને બેઠેલા શક્તિશાળી ગણેશ.
૬. દ્વીજ ગણપતિ – બે વખત જન્મેલા અથવા વિદ્યાર્થી ગણેશ.
૭. સિદ્ધિ ગણપતિ – સંપૂર્ણ ગણેશ.
૮. ઉચ્ચીષ્ઠ ગણપતિ – પ્રસાદ સ્વીકારતા ગણેશ.
૯. વિઘ્ન ગણપતિ – અડચણો હટાવતા ગણેશ.
૧૦. ક્ષીપ્રા ગણપતિ – ઝડપથી કાર્ય કરતા ગણેશ.
૧૧. હેરમ્બ ગણપતિ – ભયંકર ગણેશ.
૧૨. લક્ષ્મી ગણપતિ – સમૃદ્ધિની દેવી સાથે ગણેશ.
૧૩. મહા ગણપતિ – મહાન ગણેશ.
૧૪. વિજય ગણપતિ – વિજયી ગણેશ.
૧૫. નૃત્ય ગણપતિ – નૃત્ય કરતા ગણેશ.
૧૬. ઉર્ધ્વ ગણપતિ – અંકુશમાં રાખતા ગણેશ.
૧૭. એકાક્ષરા ગણપતિ – એક ક્રમવાળા ગણેશ.
૧૮. વર ગણપતિ – વરદાન આપતા ગણેશ.
૧૯. ત્રિક્ષરા ગણપતિ – ત્રણ ક્રમવાળા ગણેશ.
૨૦. ક્ષીપ્રા પ્રસાદ ગણપતિ – ઝડપથી રીઝતા ગણેશ.
૨૧. હરિદ્ર ગણપતિ – સુવર્ણના ગણેશ.
૨૨. એકદન્ત ગણપતિ – એક દંતશૂળવાળા ગણેશ.
૨૩. સૃષ્ટિ ગણપતિ – વૈશ્વિક ગણેશ.
૨૪. ઉદંડ ગણપતિ – શિસ્તપાલનકર્તા ગણેશ.
૨૫. રણમોચન ગણપતિ – દેવું ફેડવાવાળા ગણેશ.
૨૬. દંડી ગણપતિ – ઇચ્છાવાળા ગણેશ.
૨૭. દ્વિમુખ ગણપતિ – બે મસ્તકવાળા ગણેશ,
૨૮. ત્રિમુખ ગજ્રપતિ – ત્રણ મસ્તકવાળા મહેશ.
૨૯. સિંહ ગણપતિ – સિંહ ઉપર સવાર ગણેશ.
૩0. યોગ ગણપતિ – યોગી સ્વરૂપે ગણેશ.
૩૧. દુર્ગા ગણપતિ – અજેય ગણેશ.
૩૨. સંકટહર ગણપતિ-સંકટને હરનાર ગણેશ.

નોંધ – દેવદત્ત પટ્ટનાયક નામના લેખકે “૯૯ ગણેશ વિચાર” નામની એક પુસ્તક લખી છે. તેમાં શ્રી ગણેશજી પર વિગતે માહિતી આપવામાં આવી છે. આ ૩૨ મૂર્તિઓ વિશે પણ આ પુસ્તકમાં માહિતી આપવામાં આવી છે. અહીં આપેલી માહિતી આ પુસ્તકના આધરે જ લખાયી છે…32 forms of ganesha

Learn from Mahabharata | મહાભારતને સમજો માત્ર ૯ વાક્યોમાં…આ નવ સૂત્રો આજે કળયુગમાં ખૂબ ઉપયોગી છે

‘મહાભારત’નાં સારસૂત્રો | Learn from Mahabharata

વિશ્વનો મહાગ્રંથ ‘મહાભારત’ વાંચવા-સમજવા-શીખવા જેવો છે. સમય અને રસ ના હોય તોપણ તેનાં માત્ર ૯ સાર-સૂત્રો જ દરેકના જીવનમાં ઘણાં ઉપયોગી નીવડે તેવાં છે.

Learn from Mahabharata

૧) સંતાનોની ખોટી જીદ અને માગણીઓ ઉપર તમારો જો સમયસર અંકુશ નહિ હોય તો, જીવનમાં છેલ્લે તમે
નિઃસહાય થઈજશો. – કૌરવો

૨) તમે ગમે તેટલા બળવાન હો,પણ તમે અધર્મનો સાથ આપશો તો તમારી શક્તિ, અસ્ત્ર-શસ્ત્ર, વિદ્યા, વરદાન, બધું જ નકામું થઈ જશે. – કર્ણ

3) સંતાનોને એટલાં મહત્ત્વાકાંક્ષી ન બનાવો કે વિદ્યાનો દુરુપયોગ કરીને સર્વનાશ નોતરે. – અશ્વત્થામા

૪) ક્યારેય કોઈને એવાં વચન ના આપો કે જેનાથી તમારે અધર્મીઓની સામે સમર્પણ કરવું પડે. -ભીષ્મપિતા

૫) સંપત્તિ, શક્તિ, સત્તા, સંખ્યાનો દુરુપયોગ અને દુરાચારીઓનો સથવારો, અંતે સર્વનાશ નોતરે છે.
-દુર્યોધન

૬) અંધ વ્યક્તિ .. અર્થાત્ ..સ્વાર્થાંધ, વિત્તાંધ, મદાંધ, જ્ઞાનાન્ધ, મોહાન્ધ અને કામાન્ય વ્યક્તિના હાથમાં સત્તાનું સુકાન ના સોંપાવું જોઈએ, નહીં તો તે સર્વનાશ નોત૨શે. –ધૃતરાષ્ટ્ર

૭) વિદ્યાની સાથે વિવેક હશે તો તમે અવશ્ય વિજયી થશો. – અર્જુન

૮) બધા સમયે-બધી બાબતોમાં છળકપટથી તમે બધે બધી બાબતમાં દરેક વખત સફળ નહીં થાવ. – શકુનિ

૯) જો તમે નીતિ/ધર્મ, કર્મ, સફળતાપૂર્વક નિભાવશો તો વિશ્વની કોઈ પણ શક્તિ તમારો વાળ પણ વાંકો નહીં કરી શકે. – યુધિષ્ઠિર

હિંદુ ધર્મમાં ‘108’ નંબરનું શા માટે ખૂબ મહત્વ છે? 108 Number nu mahatva in gujarati

108 Number nu mahatva in gujarati 108 એક એવો અંક છે, જે હિંદુ ધર્મમાં અત્યંત મહત્વનું સ્થાન ધરાવે છે.હિંદુ ધર્મમાં 108 મંત્ર જાપ કરવા અથવા 108 મણકાની માળા ધારણ કરવા પર ઘણો ભાર આપવામાં આવ્યો છે. ઈશ્વરનું નામ ત્યારે જ સંપૂર્ણ ગણાય છે જ્યારે તેને 108 વાર બોલવામાં આવે. માત્ર હિંદુ ધર્મમાં જ નહીં, બૌદ્ધ ધર્મમાં પણ 108 નંબરને ખૂબ જ શુભ માનવામાં આવે છે. હિંદુ અને બૌદ્ધ ધર્મમાં 108 શા માટે આટલું મહત્વનું છે? શું તમે આનું કારણ જાણો છો? જો તમને તેનું કારણ ખબર ન હોય તો આજે અમે તમને તેનું સંપૂર્ણ રહસ્ય જણાવીશું.

1) ‘108’ શિવજીનો અંક-

મુખ્ય શિવાંગોની સંખ્યા 108 છે. માટે ‘108’ અંકને શિવનો અંક માનવામાં આવે છે. લિંગાયત સંપ્રદાયકમાં રૂદ્રાક્ષની માળામાં કુલ 108 મણકા હોય છે. જેનો જાપ કરવામાં આવે છે. રૂદ્રાક્ષની માળા અને મંત્રોનો જાપ આ બન્નેમાં એક વસ્તુ સામાન્ય છે. એ છે 108નો અંક.

2) રૂદ્રાક્ષની માળા સાથે સંબંધ-

એવું કહેવાય છે કે રુદ્રાક્ષની ઉત્પત્તિ ભગવાન શિવના આંસુમાંથી થઈ હતી.. શિવજીની પૂજા પણ રૂદ્રાક્ષની માળાથી કરવામાં આવે છે. શિવ ઉપાસનામાં 108 વિભાગો હોવાથી આ માળામાં રૂદ્રાક્ષ પણ 108 રાખવામાં આવે છે. કહેવાય છે કે જો તમે જપમાળાની 108 માળા ફેરવો છો, તો તમે તેમની પૂજાના તમામ 108 વિભાગોની પ્રશંસા કરી છે. આમ કરવાથી તમને ભોલેનાથના સંપૂર્ણ આશીર્વાદ મળે છે.

3) ભગવાન શિવનું તાંડવ નૃત્ય-

જ્યારે ભગવાન શિવ અત્યંત ક્રોધિત થાય છે અને અલૌકિક તાંડવ નૃત્ય શરૂ કરે છે, ત્યારે તેમની 108 નૃત્ય મુદ્રાઓ રચાય છે. આ મુદ્રાઓ અને ભોલે શંકરના 108 ગુણોનું વર્ણન પુરાણોમાં કરવામાં આવ્યું છે. આ જ કારણ છે કે સનાતન ધર્મમાં 108 નંબરને ખૂબ મહત્વ આપવામાં આવ્યું છે.

4) ગોપીઓની સંખ્યા પણ 108-

108 નંબરનું રહસ્ય પણ ભગવાન કૃષ્ણ સાથે સંબંધિત છે.વૈષ્ણવ સંપ્રદાય હેઠળ વિષ્ણુ ભગવાનના 108 દિવ્ય ક્ષેત્ર જણાવવામાં આવ્યાં છે. જેને 108 દિવ્યદેશમ કહે છે. એવું કહેવાય છે કે વૃંદાવનમાં ઘણી ગોપીઓ હતી, જેઓ ભગવાન કૃષ્ણને પસંદ કરતી હતી, પરંતુ કૃષ્ણ 108 ગોપીઓને ખૂબ પ્રેમ કરતા હતા. તેનું કારણ એ હતું કે કાન્હાએ તેનું બાળપણ આ 108 ગોપીઓ સાથે વિતાવ્યું હતું. એટલા માટે આ નંબરને શુભ માનવામાં આવે છે.જો 108 ગોપીઓના નામનો જાપ કરવામાં આવે તો તે ખૂબ જ શુભ, ફળદાયી અને પવિત્ર માનવામાં આવે છે.

5) નંબર 108 શ્વાસની સંખ્યા-

એવું કહેવાય છે કે એક સ્વસ્થ વ્યક્તિ દિવસમાં 21,600 વખત શ્વાસ લે છે. દર 12 કલાકે 10,800 શ્વાસ લે છે. દિવસનો સમય રોજિંદા કાર્યોમાં જતો રહે છે અને બાકીના સમયમાં ધ્યાન કરવું જોઈએ પરંતુ આ શક્ય નથી તેથી જપમાળામાં 108 મણકા બનાવવામાં આવ્યા છે. જેથી આપણે ધ્યાન કરતી વખતે સરળતાથી જપ કરી શકીએ.

6) જ્યોતિષીઓ અનુસાર-

જ્યોતિષશાસ્ત્ર અનુસાર, વિશ્વમાં કુલ 12 રાશિઓ છે અને જેમાં 9 ગ્રહો વિચરણ કરે છે. જ્યારે આ 12 સંખ્યાઓને 9 વડે ગુણાકાર કરવામાં આવે તો 108 નંબર આવે છે. આ 108 નંબરને શુભ માનવામાં આવે છે કારણ કે બ્રહ્માંડમાં હાજર 9 ગ્રહોની કૃપા તમામ 12 રાશિઓ પર હંમેશા બની રહે છે. એટલા માટે આ નંબરને ઘણું મહત્વ આપવામાં આવે છે.

7) સૂર્ય અને 108 નંબર-

વિજ્ઞાન અનુસાર, સૂર્ય એક વર્ષમાં 21,6000 તબક્કાઓ બદલે છે. આ સાથે વર્ષમાં બે વાર સૂર્યની સ્થિતિ પણ બદલાય છે. સૂર્ય દર 6 મહિને 1,08,000 કલાઓ બદલે છે. આ સિદ્ધાંત પર, માળામાં 108 માળા સ્થાપિત કરવામાં આવી છે, જેમાંથી દરેક માળા સૂર્યની કળાનું પ્રતીક છે.

બૌદ્ધ ધર્મમાં 108 નંબરનું મહત્વ

માત્ર હિંદુ ધર્મ જ નહીં, બૌદ્ધ ધર્મમાં પણ 108 નંબરને ખૂબ મહત્વ આપવામાં આવે છે.

જાપાનમાં બૌદ્ધ ધર્મના અનુયાયીઓ નવા વર્ષના આગમનને ચિહ્નિત કરવા અને પસાર થતા વર્ષને વિદાય આપવા માટે મઠની ઘંટ 108 વખત વગાડે છે. આમ કરવાથી, તેઓ માને છે કે માનવ જીવનમાં કુલ 108 લાગણીઓ છે, જેને તેઓ વર્ષ બદલાતા શુભ કરવા માંગે છે.

1) બુદ્ધને 108 સવાલ-

લંકાવત્ર સૂત્રમાં કહેવામાં આવ્યું છે કે, બોધિસત્વ મહામતી, બુદ્ધને 108 સવાલ પૂછ્યા હતા. તેમાં બૌદ્ધવાદે 08 પ્રતિબંધો પણ જણાવ્યા હતા. તેથી બૌદ્ધ ધર્મમાં 108ને શુભ અને મહત્વના માનવામાં આવે છે. એટલું જ નહી પણ બોદ્ધ ધર્મના મંદિરમાં 108 સીડી ચઢવાની હોય છે.

2) મનમાં 108 ભાવનાઓ-

બૌદ્ધ ધર્મ અનુસાર વ્યક્તિના મનમાં કુલ 108 પ્રકારની ભાવનાઓ હોય છે. આ સંખ્યા સૂંઘવા, કહેવા, સાંભળવા, જમવા, પ્રેમ, નફરત, દર્દ, ખુશી વગેરેને ભેગા કરીને બનાવવામાં આવી છે.

Hanumanteshwar Temple | ગુજરાતમાં નર્મદા કિનારે આવેલું હનુમંતેશ્વર – જ્યાં હનુમાનજીએ તપ કર્યુ હતું! Hanumanteshwar Poicha Narmada Tourism

તમને ખબર છે? ગુજરાતમાં એક સ્થળ એવું છે જ્યાં ખુદ હનુમાનજીએ આવીને શિવજીનું તપ કર્યુ હતું. આ ગામ નર્મદા જિલ્લામાં નર્મદા નદીના કિનારે આવેલું છે. અહીં હનુમાનજીનું એક મંદિર પણ છે. આવો જાણીએ આ મંદિર અને હનુમાનજીના તપ પાછળની કથા… Hanumanteshwar Poicha Narmada Tourism

રાવણનો વધ થયા પછી બ્રહ્મહત્યાના દોષમાંથી મુક્ત થવા શું કરવું તેની વિચારણા ચાલી. આ માટે હાજર સૌએ અલગ અલગ ઉપાયો પણ સૂચવ્યા. અંતે બધાએ નક્કી કર્યુ કે બ્રહ્મહત્યાના પાપથી મુક્ત થવા તપ કરવું પડશે.

એવું કહેવાય છે આ પછી સૌએ તપ કર્યું અને હત્યાના દોષમાંથી તેઓ મુક્ત પણ થાયા.. આ બધામાં હનુમાનજીએ જ તપ ન કર્યું. તેમને લાગ્યું કે હું હત્યાનું નિવારણ કોઈ પણ દેવની પાસેથી કરાવી શકું છું.

રામચંદ્રજીને જ્યારે આ વાતની જાણ થઈ ત્યારે તેમણે કહ્યું- ‘હનુમાન, બ્રહ્મહત્યાના દોષમાંથી મુક્તિ તો મેળવવી જ રહી. તમે શિવજીનું તપ કરો અને એમાંથી મુક્ત બની જાવ.

હનુમાને કહ્યું- “મારે તપ કરવાની શી જરૂર છે? હું તો ઊડીને જ શિવજી પાસે જઈને મારા અપરાધ ક્ષમા કરાવી શકું છું.’
આટલું કહી તેઓ ઊડીને કૈલાસમાં પહોંચ્યા. શિવજીનાં દર્શન કરવા તેઓ જેવા અંદર પ્રવેશ્યા ત્યાં જ ચોકી કરતા નંદીએ તેમને રોક્યા.
તેણે પૂછ્યું- ક્યાં જાવ છો.?

હનુમાનજીએ કહ્યું કે , ભગવાન શંકરનાં દર્શન કરવા.

‘નહિ જઈ શકો.’ ’–

‘કારણ ? ‘ભગવાનની આજ્ઞા છે.’

‘ભગવાનની આજ્ઞા? શા માટે?’હનુમાને આશ્ચર્યની સાથે પૂછ્યું.

‘તમારા હાથથી બ્રહ્મહત્યા થઈ છે. તમે રાવણના પુત્રને માર્યા છે. લંકાને સળગાવી દીધી છે. આ દોષ દૂર કરો પછી જ ભગવાનનાં દર્શન થઈ શકશે. હનુમાનના દિલને આઘાત લાગ્યો. તેમણે કહ્યું- ‘આ દોષ મારે કેવી રીતે દૂર કરવો તે જણાવો.’

રેવાને તીરે જાવ. ત્યાં તપ કરો. તમને મુક્તિ મળી જશે. હનુમાન રામચંદ્રજી પાસે આવ્યા અને તપ કરવા જવા માટે આજ્ઞા માગી. એ તરત જ મળી. હનુમાને રેવાને તીરે તપ કર્યું, જ્યાં તેમણે તપ કરી મુક્તિ મેળવી તે સ્થળે આજે ગામ વસ્યું છે. એનું નામ પડ્યું છે કપિસ્તિથાપુર અને તીર્થનું નામ હનુમંતેશ્વર પડ્યું છે. અહીં હનુમાનજીનું મંદિર પણ છે..

Hanumanteshwar Poicha Narmada Tourism | જીગોરથી ૪ માઈલ દૂર નર્મદાના દક્ષિણ કાંઠા ઉપર કઠોર નામનું ગામ છે. અહીં હનુમંતેશ્વરનું મંદિર જ્જે. ( આ વાતનો સ્કંદપુરાણ-રેવાખંડ-અધ્યાય ૧૦૩માં ઉલ્લેખ થયો છે )

સ્વામી યોગાનંદજીએ શ્રી મહાબલી હનુમાન નામનો ગ્રંથ લખ્યો છે તમા પણ આ વિગતો વાંચવા મળે છે…

આ અઠવાડિયાનું ભવિષ્યફળ | Bhavishyafal in Gujarati

મેષ
આ સપ્તાહમાં તમને સહકારની જરૂર પડશે. પૈસાની લેવદ-દેવડમાં ખૂબ ધ્યાન રાખવું. આત્મવિશ્વાસ વધે. પ્રવાસનું આયોજન કરવું હોય પણ મુશ્કેલ લાગે. પરિવાર માટે ખર્ચ થાય અને પ્રશંસા પણ મળશે.

વૃષભ
પરિવાર સાથે જોડાયેલા રહેશો, આ આનંદનો સમય છે. ખૂબ પ્રેમ મળશે. નિરાશા દૂર થશે, આનંદના કારણે સ્વસ્થ પર સારુ થશે. ખરાબ અનુભવમાંથી બહાર આવશો. આત્મવિશ્વાસ વધશે. તમારો સારો સમય છે. થોડા ગંભીર બનો

મિથુન
સંબંધો સાચવજો, ધ્યાન રાખીને બોલવાનું રાખજો, સંબંધો બગડી શકે છે. ઉર્જા જળવાઈ રહેશે. નિર્ણય શાંતિથી લેજો તો સારા નિર્ણય લેવાશે. ઉત્સાહ ખૂબ વધશે. ભાવાત્મક બનશોમ લાગણીશીલ બનશો.

કર્ક
તમારી ચિંતાઓ ઘટી શકે છે. તમે આગળ વધવા કપટરહિત પ્રયાસ કરશો. આ પ્રયાસના કારણે તમારમાં ક્રિએટીવીટી વધશે. મન પ્રફૂલ્લીત રહેશે. સંબંધ સુધરશે જેની સાથે સારા સંબંધ છે તે વધુ સારા થશે. વિવાદ અને મતભેદ દૂર થશે.

સિંહ
કાર્ય કરીને તમારી કાર્યક્ષમતા બતાવવાનો આ સમય છે. વાતચીત કરવાથી સંબંધો વધુ સુધરે તેમ છે. આ સમય પસિદ્ધ થવાનો છે. ઓળખાણ વધી શકે છે. વધુ ખર્ચ ન થઈ જાય તેનું ધ્યાન રાખો. બચત કરવી પડશે.

કન્યા
જીતનો અવસર છે. તમામ ઇચ્છાઓ પૂર્ણ થઈ શકે છે. બસ જે મેળવું છે તેની મનથી ઇચ્છા કરો અને તે દિશામાં કામ કરો. નવા ટાર્ગેટ બનાવો, તેના પર કામ કરો, આગાળ વધશો. બધાને માન આપજો, તમારું કામ અટકવાનું નથી

તુલા
આ સમયમાં તમારામાં એક ગજબનો ઉત્સાહ હશે. આ ઉત્સાહને લાભમાં ફેરવાનો પ્રયત્ન કરજો. ગુસ્સો બિલકુલ ન કરતા. શાંતિથી બધુ કામ કરજો. રોકાયેલા કામ પૂર્ણ થઈ શકે તેમ છે. મિત્રો સાથે પણ સારુ બનશે.

વૃશ્ચિક
આપના માટે થોડો ચિંતાનો સમય છે. સ્વાસ્થ ખૂબ જાળવજો. ઉપવાસ કરવાથી ફાયદો થાય એમ છે. તમારી ક્ષમતામાં તો વધારો જ થશે. ક્ષમતા દેખાડવાનો આ સમય છે. શાંતિ માટે સજાગ બનો. શરીર પર પણ ધ્યાન આપો

ધન
આ સમયમાં તમારો ખર્ચ વધી શકે છે. કોઇની મદદ કરવામાં તમારો ખર્ચ વધી શકે છે. મદદ કરવાથી આનંદ અને સંતોષમાં વધારો થશે. લાગણીઓને કાબૂમાં રાખજો. સંવેદનશીલ હોવાના કારણે મન થોડું વ્યાકૂળ રહી શકે છે.

મકર
વ્યવસાયમાં સફળતા મળવાનો સંજોગ છે. થોડું ધ્યાન આપો. બસ મનથી કામ કરતા રહો આ સમય તમારો છે. તમારા પ્રયત્નોનું ફળ તમને મળવાનું છે. બસ શ્રેષ્ઠ બનીને શ્રેષ્ઠ કામ કરતા રહો. આ સમય પ્રગતિશીલ છે.

કુંભ
આનંદમાં રહેવાનો આ સમય છે. સમસ્યાઓ આવશે છતા તમે ચિંતા વગર આનંદમાં રહી શકશો. આત્મવિશ્વાસ વધશે. પરિવારનો સારો સાથ મળશે. પરિપક્વતા વધશે જેની અસર સંબંધો પર પરશે. સંબંધ હૂંફાળા બનશે.

મીન
તમારી જીવનશૈલી સુધારવાનો આ સમય છે. જીવનશૈલી સુધરશે જેના કારણે તમારું સ્વાસ્થ્ય પર સુધરશે. આત્મવિશ્વાસ વધશે. ટીકાથી દૂર રહેજો. લોકોનું બહુ ના વિચારતા. બોલવા વાળાને બોલવા દો. તમે કામમાં ધ્યાન આપો. ઘણો સુધાર તમે લાવી શકશો.

શનિવાર શનીદેવ અને હનુમાનજીનો દિવસ છે. આ બંને દેવ જલ્દી કોપાયમાન પણ થઈ જાય છે. તેથી તમારે તેમને પ્રસન્ન રાખવા હોય તો શનીવારના દિવસે નાની – નાની ઘણી બધી વસ્તુઓનું ધ્યાન રાખવું પડે છે. જ્યોતિષ શાસ્ત્રો કહે છે કે, ‘શનિદેવ અને હનુમાનજીની કૃપાદૃષ્ટિ જીવન માટે ખૂબ જરૂરી છે. શનીદેવની કૃપા દૃષ્ટીથી માનવી ધન-ધાન્યથી પૂર્ણ બને છે અને મહાબલી હનુમાનજીની કૃપાથી દુશ્મનો અને કષ્ટો રહેતા નથી. શનીવાર ખરેખર તો એવો દિવસ છે જાે તમે આ દિવસે શ્રદ્ધા પૂર્વક અમુક વસ્તુઓ કરો તો કષ્ટો દૂર થાય છે અને તમારું જીવન એકદમ સુખમય બની જઈ શકે છે.

હનુમાન ચાલીસાના પાઠ અને તમામ કષ્ટો દુર

જો તમારા જીવનમાં ખૂબ કષ્ટો હોય તો શનિવારના દિવસે કષ્ટ ભંજક હનુમાનજીની પૂજાથી એ દૂર થઈ શકે છે. શનીવારના દિવસે ચાલીને નજીકના હનમાનજી મંદિરે જાવ! હનુમાનજીને સિંદુર અને આંકડાની માળા ચડાવો તથા તેલનો દીવો કરો. ત્યારબાદ ત્યાંજ બેસીને હનુમાન ચાલીસના પાઠ કરો. શનિવારનો ઉપવાસ કરો. બસ આટલું કાર્ય શ્રદ્ધા પૂર્વક કરવાથી તમારા જીવનના ઘણા બધા કષ્ટો દૂર થઈ જશે.

શનીદેવના મંત્રો કરશે તમામ આફતો દૂર

શનિવારે હનુમાનજીના મંદીરના દર્શન બાદ શનીદેવના દર્શને પણ જાવ. શનિદેવની મૂર્તિ ઉપર કાળા તલનું તેલ ચડાવો અને ‘ઓમ શનીશ્વરાય નમઃ’ના મંત્રોની એક માળા કરો. આ મંત્રો તમારી બધી જ આફતો દૂર કરી દેશે. સાંજના સમયે સૂર્યાસ્ત બાદ પીપળાના વૃક્ષ પાસે ચોમુખી દીપક પ્રગટાવો અને પૂજા કરો. ઉપરાંત શનિવારના દિવસે કાળા તેલ, અડધની દાળ અને સરસિયાનું તેલ કોઈ ગરીબ વ્યક્તિને દાનમાં આપો. આ પ્રયોગથી તમારા પર શનીદેવની કૃપા બની રહેશે.

લોખંડની કોઈ ચીજ ખરીદી તો કોપ ઉતરશે

શનિવાર શની દેવનો વાર છે. આ દિવસે એક ખાસ વાત ધ્યાન રાખો કે લોખંડની કોઈ જ વસ્તુ ના ખરીદો. કાર, બાઈક કે નાની સાણસી પણ નહીં. આવું કરવાથી શનીદેવનો કોપ તમારા પર ઉતરે છે. એટલું જ નહીં શનિવારના દિવસે મીઠુ અને કાળા તલ કે તેલ પણ ના ખરીદો. તેલ દાનમાં આપવું હોય તો આગલા દિવસે જ ખરીદી લો. કારણ કે શાસ્ત્રો અનુસાર આ દિવસે મીઠુ ખરીદવાથી તમારા પર કર્જ વધે છે. તમે દેવાદાર બની જાવ છો અને તમને જીવનમાં પરેશાની થાય છે.

ગ્રહનો ખરાબ અસર દૂર કરશે પથ્થર

ઘણા લોકો પર કોઈને કોઈ કારણો સર ગ્રહોની અને દેવતાઓની અકૃપા થઈ ગઈ હોય છે. શની, રાહુ કે કેતુની ખરાબ અસર હોય તો તમારે શનિવારના દિવસે એક કાળો પથ્થર લઈને તેને તલના તેલમાં ડુબાડી રાખવાનો છે. થોડીવાર એ પથ્થર તેલમાં ડુબાડી રાખ્યા બાદ એને ભડકતી આગમાં શેકાવા મુકો. પથ્થર સેકાઈને લાલ ઘુમ થઈ જાય પછી એને આગમાંથી બહાર કાઢીને ઠંડો પડવા મુકી દો. પથ્થર ઠંડો થઈ જાય પછી એને ઘરથી દુર કોઈ કુવામાં અથવા તો વહેતી નદીમાં નાંખી દો. આ કાર્ય કરવાથી તમારા પરથી ગ્રહોની ખરાબ અસર તાત્કાલિક દૂર થઈ જશે.

જીવનમાં મજા નથી આવતી? એનો ય ઉપાય છે!

જો તમને સતત ટેન્શન રહેતું હોય. માનસિક રીતે તમને કોઈ જ વસ્તુ કરવામાં, ખાવામાં કે જીવવામાં જ મજા ના આવતી હોય તો એ બહું જ મોટો દોષ છે અને એનું નિવારણ શનિવારે થઈ શકે છે. જો તમને આવી માનસિક પરેશાની હોય તો સતત અગિયાર કે એકવીસ શનીવાર સુધી દર શનિવારે સવારે ઉઠીને, સ્વચ્છ જળથી સ્નાન કરીને ઘરના મંદીર પાસે બેસીને શાંતિ પૂર્વક ‘ ઓમ પ્રાં પ્રીં પ્રૌં સઃ શનૈશ્ચરાય નમઃ’ આ મંત્રની, એકસોને આઠ મણકાની પાંચ માળા કરો. આ પ્રયોગ કરવાથી તમારી માનસિક અશાંતિ સદંતર દૂર થઈ જશે.

બીમારી ભાગશે સો કોસ દૂર

તમારુ શારિરીક સ્વાસ્થ્ય સારુ ના રહેતું હોય તો દર શનિવારે તમારે એક ખાસ પ્રયોગ કરવાનો છે. શનિવારના દિવસે વહેલી સવારે સૂર્યોદય વખતે ઉઠીને ઠંડા પાણીમાં કપૂરના તેલના અગિયાર ટીપા અને ત્યારબાદ ચમેલીના તેલના અગિયાર ટીપા નાંખીને એ પાણી વડે સ્નાન કરો. આ પ્રયોગથી બીમારી તમારા શરીરથી હંમેશાં સો કોસ દૂર જ રહેશે.

મહેનત છતાં સફળતા ના મળતું હોય તો

ઘણા વ્યક્તિઓ રાત- દિવસ સખત અને સતત મહેનત કરતાં હોય છે છતાં સફળતા મળતી હોતી નથી. તમને પણ જો આવું થતું હોય તો હનુમાન જયંતીના દિવસે એક લીંબુ અને ચાર લવીંગ લઈને હનુમાનજીના મંદિરે જાવ. મંદિરમાં હનુમાનજી સન્મુખ ઉભા રહીને એ લીંબુમાં ચારે ચાર લવિંગ ખોસી દો. ત્યારબાદ શ્રી હનુમાન ચાલીસાના પાઠ કરો. પછી એ લીંબુને તમારા કાર્ય સ્થળે લઈ જઈને મુકી દો. એક વર્ષ સુધી આ લીંબુ તમારા સ્થાન પર રાખો. પછી બીજી હનુમાન જયંતિએ આ પ્રયોગ નવા લીંબુ અને નવા લવીંગ સાથે ફરી કરો અને જુનુ લીંબુ જળમાં પરધાવીને નવું લીંબુ કાર્ય સ્થળે મુકી દો. પછી જુઓ કે આ નાનકડો પ્રયોગ તમને કેવી સફળતા અપાવે છે.

ઘોડાની નાળ અને હોડીની ખીલી

જીવનમાં અનેક પ્રકારની મુશ્કેલીઓ અને પડકારો આવતા હોય છે. જેમકે આર્થિક મુશ્કેલી, સમાજિક મુશ્કેલી, વ્યાવસાયિક અને માનસિક તમામ પ્રકારની મુશ્કેલીઓ. આ બધી સમસ્યાઓના નિકાલ માટે સૌથી શ્રેષ્ઠ ઉપાય શનીવારના દિવસે થઈ શકે છે. શનીવારના દિવસે ઘોડાની નાળ અને હોડીની ખીલીનો ઉપયોગ સૌથી ઉત્તમ પુરવાર થયો છે. શુક્રવારના ઘોડાની નાળ ખરીદી લાવો અને આખી રાત એને સરસિયાના તેલમાં ડુબાડી રાખો. એ પછી શનીવારે સવારે સ્નાન કરી, સ્વચ્છ વસ્ત્રો ધારણ કરીને એ નાળને તેલમાંથી બહાર કાઢીને અંગ્રેજી ‘યુ’ આકારના શેપમાં ઘરના દરવાજા પર લગાવી દો. ઉપરાંત શનીવારે બીજુ પણ એક કામ કરો. કોઈ પણ જગ્યાએ હોડી ચાલતી હોય ત્યાંથી તેમાં લગાવેલી ખીલી કાઢીને ઘરે લઈ આવો. એ ખીલીને ટીપીને એની તમારી તર્જની આંગળીની સાઈઝની વીંટી બનાવો. શનિવારના દિવસે ધૂપ-દીપ કરીને એ વીંટી અનામિકા આંગળીમાં ધારણ કરી લો. આ વિશેષ પ્રયોગ દ્વારા જીવનમાં કોઈ પણ પ્રકારના કષ્ટ નહીં રહે.

મિત્રો, શનિવાર ભલે ભારે વાર કહેવાતો હોય પણ આ પ્રયોગ એટલા સિદ્ધ છે કે એ કરવાથી તમારા ઘર પર વારનો ભાર તો નહીં જ રહે પણ ઉલ્ટાનું જીવન હળવું ફુલ થઈ જશે. જીવનમાં કષ્ટનું નામો નિશાન નહીં રહે.

***

ગુજ્જુલોજી Gujjulogy તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સળફતા મેળવતા રહો.

તણાવ । Depression control tips | તમને બીમારી સંબંધિત તણાવ હોય, નોકરી – ધંધા સંબંધિત તણાવ હો કે બીજો કોઈ. આ ઉપાયો તમને શાંતિ આપશે એ નક્કી છે.

માનવીની જિંદગી ઘણી બધી દોડધામથી ભરેલી હોય છે. તણાવના જુદા જુદા અનેક પ્રકારો હોય છે. આહાર, વિહાર, વિચાર, વ્યવહાર અને સંસ્કાર પણ એના કારણો હોય છે. ક્યારેક તણાવ ( Depression ) અસલી પણ હોય છે તો ક્યારેક માત્ર કાલ્પનિક પણ. જિંદગીનો આધાર માત્ર માનવીના કાર્યો પર નથી એના પર ગ્રહોની સારી ખરાબ અસરો પણ થતી હોય છે. માનવીની જિંદગીમાં ઘણીવાર ગ્રહો એવી ચાલ ચાલતા હોય છે કે એ તણાવથી ઘેરાઈ જાય છે. કોઈ બાબત એવી નથી બચતી જેમાં એને તણાવ ( Depression ) ના હોય. આપ પણ જાે એવા જ તણાવોનો શિકાર થયા હો તો ચિંતા કરવાની કોઈ જરૂર નથી. આ ઉપાયો એ તણાવ દૂર કરી દેશે.

સ્વાસ્થ્ય સંબંધિત તણાવ…

તમને જો સ્વાસ્થ્ય સંબંધિત તણાવ રહેતો હોય. હંમેશાં એવું જ લાગતું હોય કે તમે બીમાર જ છો. તો શક્ય છે કે તમારા આઠમાં ભાવમાં ચંદ્રમા હોઈ શકે. એવું હોય તો જ વગર કારણે સ્વાસ્થ્ય સંબંધિત પરેશાની રહી શકે. હાથમાં ચંદ્રના પર્વત પર દાગ-ધબ્બા હોય તો પણ જીવનમાં સ્વાસ્થ્ય સંબંધિત પરેશાની અને ભયંકર તણાવ રહે છે. આવું હોય તો તમારે આ મુજબ ઉપાય કરવા.

દર સોમવારના દિવસે વહેલી સવારે ચોખા અને દૂધની ખીર બનાવીને ભગવાન શિવને ચડાવો. આખો દિવસ ઉપવાસ કરો અને સાંજે આ ખીરના ભોજનથી ઉપવાસ છોડો. સવા માસ કે વધુ સમય સુધી રાત્રે સુતા પહેલાં નવ વખત ગાયત્રી મંત્રનો જાપ કરો. શક્ય હોય તો ચાંદીના ચેઈનમાં ચંદ્ર ગ્રહ મઢાવીને પહેરો. આમ કરવાથી તમારો સ્વાસ્થ્ય સંબંધિત તણાવ ( Depression ) સાવ દૂર થઈ જશે.

નોકરી કે ધંધામાં તણાવ….

જો કુંડળીમાં ચંદ્ર અગ્નિ રાશીમાં હોય તો નોકરી કે ધંધામાં ખૂબ જ તણાવ રહે છે. તમે સારુ કમાતા હોય, નોકરી – ધંધો વ્યવસ્થિત ચાલતો હોય તો પણ તમને માનસિક તાણ સતત રહ્યાં કરે છે. ઉપરાંત સૂર્યનો ચંદ્ર સાથે સંબંધ હોય તો પણ આવો તણાવ ઉદ્‌ભવે છે. તમારા હાથમાં ચંદ્ર પર્વતની રેખાઓ તૂટેલી હોય તો પણ નોકરી – ધંધા વિશેનો તણાવ તમને શાંતિ લેવા દેતો નથી. આ તણાવ ( Depression ) દૂર કરવા નીચે મુજબ ઉપાય કરવા.

દર શનિવારના દિવસે પાણી અને દૂધ અરધા ભાગે ભેગા કરીને પ્રાતઃકાળે શિવલિંગ પર ચડાવવું. તે ચડાવ્યા બાદ ‘ઓમ ચંદ્રશેખરાય નમઃ’ના મંત્રોની એક માળા કરવી. વધારે કરો તો પણ ફાયદાકારક છે. એ પછી સાંજના સમયે એ જ દિવસે પીપાળના વૃક્ષ નીચે રાઈના તેલનો એક દીવો પ્રગટાવીને ઈશ્વરને પ્રાર્થના કરો કે તમારો માનસિક તણાવ જે નોકરી – ધંધા સંબંધિત છે એને દૂર કરે. સતત પાંચ શનીવાર આ પ્રયોગ કરવાથી તમારો આ પ્રકારનો તણાવ સંપૂર્ણ દુર થઈ જશે.

વૈવાહિક જીવનમાં તણાવ…

કુંડળીમાં ચંદ્રમા સાથે બૃહસ્પતિ કમજોર હોય તો ખાસ કરીને વૈવાહિક જીવનમાં મહિલાઓ તણાવથી ઘેરાયેલી રહી છે. અને ચંદ્રમા સાથે શુક્ર કમજોર હોય તો વૈવાહિક જીવનમાં પુરુષ સતત આ પ્રકારના તણાવથી ઘેરાયેલો રહે છે. હસ્તરેખામાં શુક્ર અને ચંદ્રના પર્વત પર જાળું હોય, જાળ જેવી રેખાઓ હોય તો વૈવાહિક જીવનમાં શંકા અને વહેમને લઈને સ્ત્રી અને પુરુષ બંને તણાવનો ભોગ બને છે. આ તણાવ દૂર કરવા માટે નીચે મુજબના ઉપાયો કરવા.

સોમવારના દિવસે સાંજના સમયે ભગવાન શિવના મંદીરે જઈને તેમની પૂજા કરો અને શિવલિંગ પર અત્તર ચડાવો. અત્તર ચડાવ્યા પછી થોડો સમય પસાર થવા દઈને શિવલિંગ પર સ્વચ્છ જળનો અભિષેક કરો. અભિષેક બાદ ‘ઓમ નમો ભગવતે સોમનાથાય નમઃ’ મંત્રની ઓછામાં ઓછી એક માળા કરો. ખાસ યાદ રાખો કે શુક્રવારના દિવસે ખાટી ચીજ ના ખાશો. આ પ્રયોગથી તમારો વૈવાહિક તણાવ ( Depression ) ગાયબ થઈ જશે.

સંતાન બાબતે તણાવ…

સંતાનો નાના હોય કે મોટા, એમના બાબતે માતા-પિતાને તણાવ રહેતો હોય છે. ચંદ્રમા રાહુ કે શનિથી પીડિત હોય તો સંતાન સંબંધિત તણાવ રહે છે. હાથમાં ચંદ્ર પર્વત પર મણિબંધ રેખા પર તારાનું નિશાન હોય તો સંતાન સંબંધિત તણાવથી માતા-પિતા બંને ત્રસ્ત રહે છે. જો ચંદ્રમાનો સંબંધ લગ્નના બારમાં ભાવ સાથે હોય તો સંતાનના વિવાહ સંબંધિત તણાવ રહે છે. આ તણાવ દૂર કરવા માટે નીચે મુજબના ઉપાયો કરી શકાય.

સોમવારના દિવસે શિવલિંગ પર પંચામૃત ચડાવો. ત્યારબાદ સ્વચ્છ જળ ચડાવીને શિવ ચાલિસાના પાઠ કરો. એ પછી ‘ઓમ નમઃ શિવાય’ની એક માળા કરીને સંતાન સંબંધિત તમામ સમસ્યા ખતમ કરવા માટે ભગવાનને પ્રાર્થના કરો. આમ કરવાથી તમારી સંતાન સંબંધિત સમસ્યા પૂર્ણ થઈ જશે.

મિત્રો, તણાવ ( Depression ) ની સમસ્યામાં આ ઉપાયો તમને શાંતિ આપશે. આ ઉપાયો અચૂક કરો અને સુખેથી જીવન જીવો…

***

ગુજ્જુલોજી તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સફળતા મેળવતા રહો.

Love Marriage | આ મંત્રોનો જાપ કરો નક્કી સારું પરિણામ મળશે. પ્રેમિકાના માતા-પિતા નથી માનતા કે પ્રેમીના કુટુંબીઓ નારાજ છે, એવી કોઈ પણ પ્રકારની મુશ્કેલીઓનો ઉપાય ચપટી વગાડતામાં થઈ જશે.

પ્રેમ દુનિયા ( Love Marriage )ની સૌથી પવિત્ર ચીજ છે. શરત બસ એટલી છે કે એ પ્રેમ નિઃસ્વાર્થ અને સાચ્ચો હોવો જોઈએ. તેમાં કોઈ પ્રકારનું આકર્ષણ, લોભ-લાલચ, વાસના ના હોવા જોઈએ. જે યુગલ સાચ્ચા મનથી એકમેકને પ્રેમ કરતાં હોય તેઓ વિવાહ કરીને એ પ્રેમને વધારે ઉજાસભર્યો બનાવે છે. પરંતું કેટલીક વાર એવું બને છે કે પ્રેમ ગમે તેટલો શુદ્ધ, સાચ્ચો, નિઃસ્વાર્થ હોય પ્રેમીઓ એકબીજા સાથે લગ્ન નથી કરી શકતા. પ્રેમ લગ્નની રાહમાં કોઈને કોઈ અડચણો આવ્યા જ કરે છે. એ અડચણો દૂર કરવાના ઉપાયો અહીં દર્શાવ્યા છે.

Love Marriage માં અડચણ આવે છે? આ રહ્યા ઉપાયો

# જો યુવક યુવતી બંને તરફથી પ્રેમ લગ્ન બાબતે મુશ્કેલીઓ ઉભી થતી હોય. પ્રેમ લગ્ન ના થતાં હોય તો કોઈ પણ માસના શુક્લ પક્ષના ગુરુવારના દિવસે ભગવાન વિષ્ણુ અને લક્ષ્મીની મૂર્તિ કે ફોટા સામે બેસીને ‘ઓમ લક્ષ્મી નારાયણ નમો નમઃ’મંત્રની ત્રણ માળા કરો. યાદ રહે કે આ માળા સ્ફટિકની જ હોવી જોઈએ અને એકસોને આઠ મણકાની હોવી જોઈએ. આવું તમારે કુલ ત્રણ માસ સુધી દર ગુરુવારે કરવાનું છે. ઉપરાંત રાધા-કૃષ્ણ મંદીરે જઈને વાંસળી અને રેશમી ચુંદડીની ભેટ ધરાવવી. આમ કરવાથી તમારા પ્રેમ લગ્ન આડેથી અડચણો દૂર થઈ જશે.

#  ભગવાન શ્રી કૃષ્ણ પ્રેમના પ્રતિક છે. પ્રેમ લગ્ન માટે ભગવાન શ્રી કૃષ્ણ અને રાધાની ભક્તિ ખૂબ અનિવાર્ય છે. શુક્રવારના દિવસે રાધા-કૃષ્ણના મંદીરે જઈને તેમની સન્મુખ બેસીને ‘કેશવી કેશવારાધ્યા કિશોરી કેશવસ્તુતા, રુદ્ર રુપા, રુદ્ર મૂર્તિઃ રુદ્રાણી રુંદ્ર દેવતા.’ મંત્રની પાંચ માળાઓ કરો.

# જો કોઈ યુવક બાબતે જ પ્રેમ લગ્નમાં અડચણ આવતી હોય. એટલે કે યુવતીના પક્ષે કોઈ વાંધો ના હોય, માત્ર યુવકના પક્ષે જ હોય તો યુવકે ‘કલીં કૃષ્ણાય ગોવિંદાય ગોપીજન વલ્લભાય સ્વાહા’ મંત્રની રોજ એક માળા સવા મહિના સુધી કરવી. યુવક પક્ષેથી પ્રેમ લગ્ન આડેથી બધી બાધાઓ દૂર થઈ જશે.

#  જો યુવક પક્ષ રાજી હોય અને અડચણો માત્ર યુવતીના પક્ષે જ આવતી હોય તો યુવતીએ ભગવાન શિવના મંદીરે જઈ ‘ઓમ શ્રીં વર પ્રદાય શ્રી નમઃ’ આ મંત્રની રોજ એક માળા સવા મહિના સુધી કરવી.

# પ્રેમ લગ્ન માટે દુર્ગા માતાની પૂજા પણ બહું જ કારગત નીવડે છે. સવા બે મહિના સુધી નિયમિત દર ગુરુવારે દુર્ગામાતાના મંદીરે જઈને તેમને લાલ રંગની ધજા તથા પ્રસાદ ચડાવનારના પ્રેમ લગ્ન જલ્દીથી થઈ જતા હોય છે.

#  ભગવાન શંકર ખુબ ભોળા છે એટલે એમને ભોળાનાથ પણ કહેવામાં આવે છે. પ્રેમ લગ્ન માટે તેમને પણ વિનંતી કરો. દર સોમવારે શંકરના મંદીરે જઈને શિવલિંગ પર ગંગાજળ અને દૂધનો અભિષેક કરો. અભિષેક બાદ રૂદ્રાક્ષની માળા લઈને ‘ઓમ સોમેશ્વરાય નમઃ’ મંત્રની એક માળા પણ કરો અને ભોળાનાથને વિનંતી કરો કે તમારા પ્રેમ લગ્ન જલ્દીથી કરાવી દે.

#  કદાચ એવું પણ બને કે તમે પ્રેમ લગ્ન કરવા માંગતા હોય પણ તમારી જ હરકતોને લીધે તમારા પ્રેમ લગ્ન શક્ય ના બનતા હોય. જો તમે તમારા પ્રેમીને કોઈ ધારદાર ચીજ કે પછી કાળા રંગની ચીજો ભેટ આપશો તો એની નકારાત્મક અસર તમારા પ્રેમ લગ્ન આડે આડખીલી બનશે. માટે એવી કોઈ ચીજ ભેટ આપી હોય તો એને જળમાં વહાવી દો અને ભગવાન શિવ-પાર્વતી અથવા તો રાધા-કૃષ્ણની તસવીર ભેટમાં આપો. લગ્ન આડેથી આડખીલી દૂર થઈ જશે.

# પ્રેમ લગ્ન માટે વિરોધ હોય અને કોઈને કોઈ કારણસર વાત અટકી જતી હોય એવા પ્રેમીઓએ એકબીજાને લાલ રંગના વસ્ત્રો ભેટ આપવા. આમ કરવાથી ભાગ્ય ખૂલે છે અને જલ્દીથી પ્રેમ લગ્ન થાય છે.

#  જે કન્યા દર ગુરુવારે પોતાના હાથમાં લીલા રંગની બંગડી અને શુક્રવારે સફેદ વસ્ત્રો ધારણ કરે છે તથા જે સોળ સોમવારના વ્રત કરે છે એના પ્રેમ લગ્ન આડેથી બધી જ બાધાઓ દુર થાય છે.

#  યુવકે પ્રેમ લગ્નમાં સફળતા મેળવવા માટે પન્નાના ગ્રહની વીંટી પહેરવી અને યુવતીએ હીરાની વીંટી પહેરવી જોઈએ. આમ કરવાથી પ્રેમ લગ્ન જરૂર થાય છે.

# પ્રેમી યુગલોએ અવાવરૂ જગ્યાએ કદી ના મળવું. ખાસ કરીને અમાસના દિવસે તો મળવાનું ટાળવું જ જોઈએ. કારણ કે અવાવરૂ જગ્યાએ અને અમાસના દિવસે નકારાત્મક શક્તિઓ ખૂબ જોરમાં હોય છે. એમાં પણ યુવાન હૈયાઓનો પ્રેમ જોઈને તરત જ તેઓ તેમનામાં પ્રવેશ કરે છે અને તેમના જીવનમાં બાધા ઉભી કરે છે. એના કારણે પણ ઘણી વાર પ્રેમ લગ્ન થતાં હોતા નથી.

# પ્રેમી યુગલોએ ખાસ કરીને શુક્રવારના દિવસે અને પૂનમના દિવસે અચૂક મળવું. આ દિવસ પ્રેમીઓ માટે શુભ માનવામાં આવે છે અને લગ્ન જલ્દીથી થાય છે.

મિત્રો, પ્રેમ લગ્ન માટે અહીં જે કોઈ પણ ઉપાયો દર્શાવવામાં આવ્યા છે એ બધા જ સાર્થક છે. આપ આપની સ્થિતી અને અનુકળતા મુજબ એ કરીને તમારા પ્રેમને અમર બનાવો.

***

નોંધ – આ માત્ર આમની માહીતી માટે જ છે…

ગુજ્જુલોજી ( Gujjulogy ) તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સફળતા મેળવતા રહો.

Panoti dur karavana upay | બધાં જ પ્રકારના દુઃખોનો ઈલાજ નમકના આ સાત પ્રયોગો કરી દેશે….શું તમે બીમાર છો? ઘનનો પ્રવાહ અટકી ગયો છે? વાસ્તુદોષ કે શનીદોષથી પીડિત છો? તો નમકના આ પ્રયોગો તમારી બધી જ મુશ્કેલીઓ દૂર કરી દેશે.

Panoti dur karavana upay | નમક એટલે કે મીઠું આપણા જીવનનો એક મહત્વનો હિસ્સો છે. આપણું ભોજન ગમે તેટલાં મસાલા નાંખીને ખૂબ મહેનત કરીને બનાવેલું હોય પણ જો એમાં નમક ના હોય તો એનો કોઈ સ્વાદ નથી રહેતો. જેમ મીઠાં વિના ભોજન ફિકુ અને અર્થહિન લાગે છે તેમ જીવન પણ નમક યાને કી મીઠાં વિના ફિકુ બની જાય છે. મીઠાના ઉપયોગ પર આપણા જીવનના સુખ અને દુઃખનો પણ આધાર રહેલો છે. આપણા અનેક સિદ્ધ પુરુષોએ સાબિત કર્યુ છે કે મીઠાના પ્રયોગો દ્વારા તમે તમારા જીવનના દુઃખોને સંપૂર્ણ દૂર કરી શકો છો. અહીં નમકના એવા સાત અચુક પ્રયોગો આપ્યા છે જેનાથી તમારા જીવનમાં કોઈ પણ પ્રકારનું દુઃખ ટકશે નહીં. આવો જોઈએ….

કોઈના પણ ઘરે નમક ખાતા પહેલાં સો વાર વિચારો

આપણા રોજિંદા સંસાર જીવન દરમિયાન આપણે અનેક સગા-સંબંધી-મિત્રોને ત્યાં આવવા જવાનું અને ભોજન કરવાનું થતું હોય છે. ઘણા લોકોને આદત હોય છે કે તેઓ ઉપરથી મીઠું લેતા હોય છે. કોઈ વ્યક્તિ શાકમાં, દાળમાં, સલાડ કે છાશમાં ઉપરથી મીઠું માંગીને નાંખે છે તો કોઈ વ્યક્તિ અન્ય રીતે. પણ એ ટેવ ખૂબ જ ખરાબ છે. એમાં ગ્રહદોષ ઉત્પન્ન થાય છે અને સામેવાળાના ખરાબ અને નકારાત્મક પાસા તમારા જીવનમાં આવી જાય છે. એમાંય સામેવાળો માણસ જો પાપી હોય, દુઃખી હોય, બહારથી આપણો મિત્ર હોય પણ અંદરખાને આપણા પર ખાર ખાતો હોય તો એના ત્યાં કદી ઉપરથી નમક ના માંગશો. આવું કરવાથી એના બધા જ દુઃખો તમારા ભાગે આવે છે અને તમારા નાના નાના દુઃખો પણ મોટું સ્વરૂપ ધારણ કરે છે. આપણે લોકોને ઓળખતા હોતા નથી કે કોણ આપણો દોસ્ત છે અને કોણ દુશ્મન? કોણ પુણ્યશાળી છે અને કોણ પાપી. આથી કોઈના પણ ઘરે નમક ખાતા પહેલા સો વાર વિચાર કરજો. બને તો કોઈને ત્યાં કદી ઉપરથી મીઠું ના લેવું કે ના માંગુવું. આ એક પ્રયોગ તમારા જીવનમાં નવા દુઃખો આવતા અટકાવશે.

તમારો ગૃહ કલેશ તો ચપટીમાં દૂર થઈ જશે

જો તમારા જીવનમાં ગૃહ કલેશનું મોટું દુઃખ હોય. પતિ-પત્ની વચ્ચે હંમેશાં ઝઘડા જ થતાં હોય અને નાની નાની વાતે અણબનાવ રહેતો હોય તો નમકનો એક પ્રયોગ તમારે કરવા જેવો છે. તમારા જીવનમાંથી ગૃહ કલેશ દૂર કરવા માટે તમારે સેંધા લુણ, એટલે કે ફરાળી મીઠું કહેવાય તેનો એક ટૂકડો લેવાનો છે. યાદ રહે એ નમક પાવડર રૂપે એટલે કે દળેલું ના હોવું જોઈએ. આખું જ હોવું જાેઈએ. આમ સેંધા લૂણનો એક આખો ટૂકડો લો અને કોઈ પણ હિન્દુ માસની એકમના દિવસે શયનખંડના કોઈ પણ એક ખુણામાં કોઈને દેખાય નહીં તેમ છુપાવી દો. પછી મહિનો પુરો થાય એટલે એ ટૂકડાને નદીમાં વહાવી દો અને એકમના દિવસે બીજો ટૂકડો મુકી દો. આ પ્રયોગ સતત ચાલું રાખો. તમારા જીવનમાં ગૃહ કલેશનું દુઃખ સાવ સમાપ્ત થઈ જશે અને પતિ-પત્ની વચ્ચે પ્રેમ વધશે.

ધનનો પ્રવાહ અટકી જતો હોય તો શું કરવું?

દુઃખના પ્રકાર અનોખા હોય છે. કેટલાંક લોકો સારુ કમાતા પણ હોય છે પણ ક્યારેક એવું બને છે કે ધનનો પ્રવાહ અટકી જાય. બધું હોય પણ ધન આવે જ નહીં. ગમે તેટલી આવક હોય પણ મહિનાના અંતે ખેંચ જ પડે. આમ જો તમે પણ આ દુઃખથી પરેશાન હોવ તો અહીં આપેલો પ્રયોગ ખાસ કરો. કોઈ પણ હિન્દુ માસની પૂનમના દિવસે કાચના ગ્લાસમાં સ્વચ્છ પાણી ભરી દો. પછી એ પાણીમાં નમક મીલાવીને એને ઘોળી લો. ઘરના નૈઋત્ય ખુણામાં એ ગ્લાસ મુકી દો અને એની પાછળ લાલ રંગની રોશની કરો. એટલે કે લાલ રંગના ઝીરોના બલ્બ આગળ એ ગ્લાસ મુકી દો. દર પંદર દિવસે આ પ્રયોગ કરો. છ મહિના સુધી આ પ્રયોગ કરો. તમારા ઘરમાં ધનનો પ્રવાહ ધસમસવા માંડશે.

વાસ્તુદોષના નિવારણ માટે

ઘણા પરિવારોમાં બધું જ બરાબર હોય, કુંડળી સારી હોય, જીવનમાં સુખ પણ લખ્યુ હોય, કમાણી અને સંસ્કાર પણ સારા હોય છતાં પણ દુઃખોનો પાર ના હોય. આવું તમે જ્યાં રહેતા હોય એ જગ્યાના વાસ્તુદોષને કારણે બનતું હોય છે. આ વાસ્તુદોષ નિવારવા માટે પણ નમકનો એક સિદ્ધ પ્રયોગ જાણકારોએ સુચવ્યો છે. પ્ગુરુવાર છોડીને દરરોજ સવારે મીઠાના પાણીના પોતા ઘરમાં મારવાનું શરૂ કરી દો. એટલે સવા મહિનામાં તમારો વાસ્તુદોષ મોટા ભાગે ખતમ થઈ જશે. જો વાસ્તુદોષ બહું કપરો હોય તો કાંચની એક કટોરીમાં આખુ મીઠુ ભરીને એ કટોરીને બાથરૂમ અને ટોઈલેટમાં મુકી દો. દર મહિને એ કટોરીનું નમક બદલી નાંખો. બસ આ બે પ્રયોગોથી તમારો તમામ વાસ્તુદોષ નાશ પામશે અને એના લીધે ઉભા થનારા દુઃખો પણ દૂર થઈ જશે.

ઘરમાંથી બીમારી જતી જ ના હોય તો

તમારા પરિવારમાં જો કોઈ વ્યક્તિ લાંબા સમયથી બીમાર રહેતો હોય, અથવા તો એક સાજો થાય અને બીજો બીમાર પડે એવું થતું હોય તો એ બહું મોટા દુઃખની વાત છે. આમ જાે ઘરમાંથી બીમારી જતી જ ના હોય તો તમારે નમકનો આ પ્રયોગ કરવો જોઈએ. એ પ્રયોગ મુજબ જે વ્યક્તિ બીમાર હોય એના માથે રાત્રે સુતી વખતે એક કટોરીમાં મીઠુ ભરીને મુકી દો. એક અઠવાડિયા બાદ એ કટોરી બદલી નાંખો. જેટલાં લોકો બીમાર પડે તેમના માટે આ પ્રયોગ કરો. તમે જોશો કે ટૂંક જ સમયમાં તમારા ઘરમાંથી બીમારી ગાયબ થઈ જશે.

મન બેચેન રહેતું હોય તો…

ઘણીવાર કોઈ પણ કારણ સર આપણું મન બેચેન રહે છે. એના માટે દર રવિવારે મીઠાવાળા ગરમ પાણીથી સ્નાન કરો અને મંગળવારે બંને હાથોમાં આખા મીઠાના બે બે ટૂકડા રાખીને પાંચેક મિનિટ સુધી દબાવી રાખો. એ દરમિયાન કશું જ બોલો નહીં. પાંચ મિનિટ પછી એ ટૂકડાને ટોઈલેટ કે વોશ બેસિનમાં નાંખીને પાણી નાંખી દો. આ પ્રયોગોથી તમારા મનની બેચેની અને અશાંતિ તાત્કાલિક દૂર થઈ જશે.

શનીનો દૂષ્પ્રભાવ દૂર કરવા માટેનો પ્રયોગ

આપણાથી શનીદેવની કોઈ ભુલ ગઈ હોય અથવા તો આપણા ગ્રહો ખરાબ હોય તો આપણા જીવનમાં શનીનો દુષ્પ્રભાવ આવી શકે છે. શનીનો દુષ્પ્રભાવ એટલો આકરો હોય છે કે તમારા જીવનમાં એક એક કરીને બધા જ પ્રકારના દુઃખો માજા મુકે છે. શનીના દુષ્પ્રભાવથી બચવા માટે તમારે નમકનો એક ખાસ પ્રયોગ કરવાનો છે. જમતી વખતે જો દાળ, શાક વગેરેમાં મીઠું ઓછું હોય તો ઉપરથી કદી ના લો. હા, અનિવાર્ય જ હોય તો પણ સિંધા લૂણ એટલે કે ફરાળી મીઠાનો ઉપયોગ કરી શકો છો. ઉપરાંત દર શનીવારે તમારા માથેથી આખુ મીઠું ઉતારીને ચાર રસ્તે મુકી આવો. આવું કરવાથી શનીનો દૂષ્પ્રભાવ ઓછો થાય છે અને તમારા જીવનના દુઃખો દૂર થાય છે.

મિત્રો, નમકના આ સાત પ્રયોગો આપ અચૂક કરો. જેથી કરીને તમારા જીવનમાંથી બધા જ દુઃખોનો નાશ થાય અને તમે ઘર-પરિવાર સાથે સુખ-શાંતિથી રહી શકો.

***

આ માત્ર આપની માહીતી માટે જ છે.  Panoti dur karavana upay । ગુજ્જુલોજી ( Gujjulogy ) તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સળફતા મેળવતા રહો.