Cockroach janata party | આજકાલ દેશના રાજકીય અને સામાજિક વાતાવરણમાં ‘કોકરોચ જનતા પાર્ટી’ શબ્દ ભારે ચર્ચામાં છે. આ કોઈ સામાન્ય ટ્રેન્ડ નથી, પણ દેશના યુવાનોની લાગણીઓ અને વર્તમાન વ્યવસ્થા સામેના આક્રોશને વટાવી ખાવાનું એક સુનિયોજિત ષડયંત્ર છે. તાજેતરમાં ભારતના મુખ્ય ન્યાયાધીશે પણ તંત્ર પર હુમલો કરનારા કે અરાજકતા ફેલાવનારા તત્વોની સરખામણી વંદા સાથે કરી અને આ બાબતે ભારે વિવાદ પણ થયો, ન્યાયાધીશે પોતાની વાત પણ મૂકી. પરંતુ આ આખી ચર્ચાની આડમાં કેટલાક લોકો દેશના ભવિષ્ય એવા યુવાનોને જ ‘વંદા’ ચિતરવાની કોશિશ કરી રહ્યા છે, જે બિલકુલ અયોગ્ય અને આઘાતજનક છે.
એક વાત કાન ખોલીને સાંભળી લો—આ દેશનો યુવાન વંદો નથી જ! વંદારૂપી ગંદકી અને નકારાત્મકતા તો એ ‘કોકરોચ જનતા પાર્ટી’ના સ્થાપકો અને વિદેશી આકાઓના મગજમાં છે, જેઓ યુવાનોના પવિત્ર આક્રોશને મોહરું બનાવીને પોતાનો રાજકીય સ્વાર્થ સાધવા નીકળ્યા છે.
નીટ (NEET) પેપર લીકનો આક્રોશ અને યુવાનોની મજબૂરી
આજે દેશનો યુવાન ગુસ્સામાં છે અને તેનો ગુસ્સો વ્યાજબી છે. નીટ (NEET) જેવી દેશની સૌથી મોટી પરીક્ષાનું પેપર લીક થાય, ત્યારે વર્ષો સુધી રાત-દિવસ એક કરનારા લાખો વિદ્યાર્થીઓની મહેનત પર પાણી ફરી વળે છે. સિસ્ટમની આ ખામી અયોગ્ય છે અને તેની સામે અવાજ ઉઠાવવો એ યુવાનોનો અધિકાર છે. પરંતુ, આ ગંભીર મુદ્દાનો ઉપયોગ કરીને જો કોઈ ‘કોકરોચ જનતા પાર્ટી’ના સ્થાપકો એમ વિચારતા હોય કે તેઓ યુવાનોના આ ભોળપણ અને ગુસ્સાને ‘વોટબેંક’ કે ‘દેશ તોડવાના હથિયાર’ તરીકે વાપરી લેશે, તો એ તેમની ભારે ભૂલ છે.
વિદેશી ફંડિંગના જોરે એજન્ડા ચલાવનારા આ સ્થાપકોને એમ લાગે છે કે સોશિયલ મીડિયા પર ડિજિટલ વિરોધ પ્રદર્શન જોઈને ભારતનો યુવાન તેમની જાળમાં ફસાઈ જશે.
આ બાંગ્લાદેશ, શ્રીલંકા કે નેપાળ નથી; આ ભારત છે!
કાવતરાખોરોને લાગે છે કે જેમ પડોશી દેશોમાં ‘જેન-જી’ (Gen-Z) એટલે કે આજની નવી પેઢીએ આંદોલનો કરીને આખા દેશને અસ્થિરતાની ખીણમાં ધકેલી દીધો—જેમ કે બાંગ્લાદેશ, શ્રીલંકા કે નેપાળમાં થયું—એવું જ કંઈક ભારતમાં પણ નીટ (NEET) કે અન્ય મુદ્દાઓ આસપાસ કરી શકાશે. ત્યાં આંદોલનોથી જનતાનું કંઈ ભલું નથી થયું, માત્ર વિનાશ થયો છે.
પરંતુ ભારત વિરોધી એજન્ડાના આ ‘કોકરોચ સ્થાપકો’ એ ભૂલી જાય છે કે આ પડોશી દેશોનો યુવા નથી, આ ભારતનો સુપર-સ્માર્ટ યુવાન છે. ભારતના યુવાનો સોશિયલ મીડિયા પર સિસ્ટમ સામે અવાજ જરૂર ઉઠાવશે, પણ કોઈ દેશવિરોધી પાર્ટીના એજન્ડાના ગુલામ ક્યારેય નહીં બને. તેઓ મનોરંજન અને આક્રોશ વ્યક્ત કરવા માટે સોશિયલ મીડિયા વાપરે છે, કોઈના હાથનું રમકડું બનવા માટે નહીં.
દેશ કોણ ચલાવી શકે અને કોણ તોડી શકે, યુવાન બધું જાણે છે
જે દેશના યુવાનોની બુદ્ધિ ચાતુર્ય, આઈટી સ્કિલ્સ અને મેનેજમેન્ટના ડંકા આખી દુનિયામાં વાગતા હોય, તેને ગુમરાહ કરવા અશક્ય છે. ભારતનો યુવાન બહુ સારી રીતે જાણે છે કે:
• વ્યવસ્થાની ખામીઓ (જેમ કે પેપર લીક) સામે લડવાનું કામ દેશની અંદર રહીને લોકતાંત્રિક રીતે થાય.
• વિદેશી ફંડથી દેશને તોડવાની કોશિશ કરનારા અસલી ‘વંદાઓ’ કોણ છે, જેઓ ગટરના ખૂણામાંથી નીકળીને દેશની શાંતિ ડહોળવા માંગે છે.
જ્યારે પણ દેશની અખંડિતતાની વાત આવશે, ત્યારે પેપર લીકથી પીડિત યુવાન પણ પોતાના બધા દુઃખ બાજુ પર મૂકીને સૌથી પહેલાં કહેશે: “કોઈનામાં ભારત દેશને તોડવાની તાકાત નથી!” જ્યા રે પણ દેશની અખંડિતતા કે સુરક્ષાની વાત આવશે, ત્યારે આ દેશનો યુવાન પક્ષબાજી કે મીમ્સની દુનિયાથી ઉપર ઊઠીને સૌથી પહેલાં એક જ અવાજે કહેશે: “કોઈના બાપમાં તાકાત નથી કે આ ભારત દેશને તોડી શકે!”
વિદેશી ફંડિંગના ‘વંદાઓ’ અને ભારતનો સુપર-સ્માર્ટ યુવા
આજે દુનિયાભરમાં ભારતની આઈટી એક્સપર્ટ્સ, મેનેજર્સ અને સ્ટાર્ટઅપ ફાઉન્ડર્સ તરીકે જે યુવાનોની બુદ્ધિ ચાતુર્યના ડંકા વાગે છે, એ યુવાનોને કોઈ વિદેશી ફંડથી ચાલતી ‘કોકરોચ બ્રાન્ડ’ ગુમરાહ કરી શકે? ક્યારેય નહીં. વિદેશી ધરતી પર બેસીને ભારતને તોડવાના સપના જોનારા અને વંદારૂપી ગંદકી ફેલાવી દેશમાં અરાજકતા પેદા કરવા નીકળેલા લોકોને ખબર નથી કે ભારતનો યુવાન આજે પળેપળની ખબર રાખે છે.
ઉપસંહાર | Cockroach janata party
મુખ્ય ન્યાયાધીશની ટિપ્પણી હોય કે સોશિયલ મીડિયાનો આક્રોશ, વાતનો મર્મ એટલો જ છે કે ગંદકી ફેલાવવાનું કામ ‘કોકરોચ જનતા પાર્ટી’ના સ્થાપકો કરી રહ્યા છે, દેશનો યુવાન તો દેશને સ્વચ્છ અને મજબૂત બનાવવા માંગે છે. વિદેશી ફંડિંગના જોરે કૂદતા આ સ્થાપકોને દેશનો યુવાન બહુ જ સરળ ભાષામાં ચેતવણી આપી રહ્યો છે: “અમે અમારી સિસ્ટમ સુધારી લઈશું, પણ તમારા આ દેશ તોડવાના ટ્રેપમાં ક્યારેય નહીં ફસાઈએ. ભારતનો યુવાન જાગૃત છે, સક્ષમ છે અને દેશભક્ત છે!”
વિદેશી ફંડિંગના જોરે સોશિયલ મીડિયા પર ગંદકી ફેલાવનારા કાવતરાખોરોને આ દેશનો યુવાન બહુ જ નમ્રતાથી અને કટાક્ષમાં એટલું જ કહેવા માંગે છે: “તમે વંદાની પાર્ટી ચલાવો કે ગમે તે ટ્રેન્ડ લાવો, અમારું મનોરંજન પૂરું થશે એટલે અમે ફોન લોક કરીને અમારા કામે વળગી જઈશું. તમારા આ ગંદા ટ્રેપમાં ફસાવા જેટલા અમે ભોળા નથી.”
ભારતનો યુવાન દેશને જોડવાનું જાણે છે, તોડનારાઓને તો એ ચપટીમાં મસળી નાખવાની તાકાત રાખે છે! એટલે કોકરોચ પાર્ટીવાળાઓ, તમારા એજન્ડાના પેસ્ટ કંટ્રોલનો સમય પાકી ગયો છે!