Gujarat Rain Alert | ગુજરાતના અનેક જિલ્લાઓમાં ગાજવીજ સાથે ભારે વરસાદ
ગુજરાતના અનેક જિલ્લાઓમાં આગામી ત્રણ કલાકમાં ગાજવીજ સાથે ભારે વરસાદ અને ઝડપી પવનની સંભાવના હવામાન વિભાગે વ્યક્ત કરી છે. રાજ્યના નાગરિકોને સુરક્ષિત રહેવા અને જરૂરી સાવચેતીનાં પગલાં લેવા સૂચના આપવામાં આવી છે.
રેડ એલર્ટ: ભારે વરસાદની ચેતવણી । Gujarat Rain News
અમદાવાદ, રાજકોટ, જામનગર, સુરેન્દ્રનગર, મોરબી, દેવભૂમિ દ્વારકા, પોરબંદર, સાબરકાંઠા અને બનાસકાંઠા જેવા જિલ્લાઓમાં હવામાન વિભાગે ‘રેડ એલર્ટ’ જાહેર કર્યું છે. આ વિસ્તારોમાં 40 કિ.મી./કલાકથી ઓછી ઝડપે તોફાની પવન ફૂંકાઈ શકે છે, સાથે જ પ્રતિ કલાક 15 મી.મી.થી વધુ ભારે વરસાદ અને 60%થી વધુ સંભાવના સાથે વીજળી પડવાની આશંકા છે. લોકોને ઘરની બહાર ન નીકળવા અને સલામત સ્થળે રહેવાની સલાહ આપવામાં આવી છે.
ઓરેન્જ એલર્ટ: મધ્યમ વરસાદની શક્યતા
પાટણ, મહેસાણા, ગાંધીનગર, કચ્છ, અરવલ્લી, બોટાદ, જૂનાગઢ, અમરેલી, ભાવનગર, ગીર સોમનાથ, સુરત, નવસારી, વલસાડ, ડાંગ, તાપી, દમણ અને દાદરા નગર હવેલીમાં ‘ઓરેન્જ એલર્ટ’ જારી કરાયું છે. આ વિસ્તારોમાં હળવા તોફાન સાથે 40 કિ.મી./કલાકથી ઓછી ઝડપના પવન, 5થી 15 મી.મી.નો મધ્યમ વરસાદ અને 30-60% સંભાવના સાથે વીજળી પડવાની આશંકા છે.
યલો એલર્ટ: હળવો વરસાદ
મહિસાગર, ખેડા, આણંદ, વડોદરા, પંચમહાલ, દાહોદ, છોટા ઉદેપુર, ભરૂચ અને નર્મદા જિલ્લાઓમાં ‘યલો એલર્ટ’ જાહેર થયું છે. અહીં પ્રતિ કલાક 5 મી.મી.થી ઓછો હળવો વરસાદ થવાની શક્યતા છે.
આગામી સાત દિવસનું હવામાન
ભારતીય હવામાન વિભાગ (IMD)ના જણાવ્યા મુજબ, ગુજરાતમાં આગામી સાત દિવસ સુધી ચોમાસું સક્રિય રહેશે. હાલમાં ત્રણ વરસાદી સિસ્ટમ સક્રિય હોવાથી રાજ્યભરમાં સારો વરસાદ નોંધાઈ શકે છે. ખાસ કરીને આજે, ગુરુવારે, કચ્છ, જામનગર, દેવભૂમિ દ્વારકા, બનાસકાંઠા, પાટણ, મહેસાણા અને સાબરકાંઠામાં ભારેથી અતિભારે વરસાદની આગાહી છે.
ભારે વરસાદની સંભાવનાવાળા અન્ય જિલ્લાઓ
ઉપરોક્ત જિલ્લાઓ ઉપરાંત, પોરબંદર, રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, મોરબી, અમદાવાદ, ગાંધીનગર, અરવલ્લી, મહીસાગર, સુરત, તાપી, નવસારી, વલસાડ, ડાંગ, દમણ અને દાદરા નગર હવેલીમાં પણ ભારે વરસાદની શક્યતા છે. આ વિસ્તારોના રહેવાસીઓને સાવચેત રહેવા અને બિનજરૂરી મુસાફરી ટાળવા સૂચના આપવામાં આવી છે.ખેડૂતો માટે ફાયદો, શહેરોમાં સાવચેતી જરૂરીઆ વરસાદી સિસ્ટમ ખેડૂતો માટે ફાયદાકારક સાબિત થશે, પરંતુ નીચાણવાળા વિસ્તારો અને શહેરોમાં પાણી ભરાવાની સંભાવના છે. તંત્ર અને નાગરિકોને આગામી સાત દિવસ સુધી સતર્ક રહેવા અપીલ કરવામાં આવી છે.