કોરોનાને હરાવવા વિશ્વના દેશોએ આ વેક્સિન બનાવતી કંપનીઓને ૧૦ અબજ વેક્સિન ડોસ માટેનો ઓર્ડર પણ આપી દીધો છે…

જો કોરોના વાઈરસ માનવનિર્મિત હોય તો એવું કહેવાય કે વિજ્ઞાનના ખોટા ઉપયોગની ભેટ છે અને એવું પણ કહી શકાય કે કોરોનાવાઈસ અને વિજ્ઞાનના સદઉપયોગની ભેટ છે તેની વેક્સિન. આ વાઈરસ આજે ૧૪ મહિનાનો થયો છે અને તેના જન્મની સાથે તે વિજ્ઞાન સાથે જંગ લડી રહ્યો છે. કોરોના અને વિજ્ઞાનની આ લડાઈમાં જીત વિજ્ઞાનની થશે કેમ કે વિજ્ઞાને આ ૧૪ મહિનામાં (એપ્રિલ ૨૦૨૧ સુધીમાં) ૧૪ વેક્સિન બનાવી લીધી છે અને ૩૦૮ જેટલી વેક્સિન તો ટ્રાયલ ફેજમાં છે.

વિજ્ઞાનીઓ એ શોધેલી આ વેક્સિન કોરાના પર કારગત સાબિત પણ થઈ છે અને ઇઝરાયલ, બ્રિટન જેવા દેશ આ વેક્સિનની મદદથી કોરોના મુક્ત થવાની દિશામાં છે. મીડિયા અહેવાલ પણ કહી રહ્યા કે વિજ્ઞાને કોરોનાની દવા પણ શોધી લીધી છે. તેના પણ કરવા પડે એ પરીક્ષણમાંથી હાલ તે પસાર થઈ રહી છે.

નેશનલ હેલ્થ એજન્સીના રીપોર્ટ પ્રમાણે ૭ મે સુધીમાં ૭.૫ અબજ લોકોની આ દુનિયામાં ભારતના ૧૭ કરોડ સહિત ૧.૨૬ અબજ લોકોએ કોરોનાની રસી લીધી છે. વિશ્વના દેશોએ આ વેક્સિન બનાવતી કંપનીઓને ૧૦ અબજ વેક્સિન ડોસ માટેનો ઓર્ડર પણ આપી દીધો છે…
ટૂંકમાં કોરોના સામેની લડાઇમાં વિજ્ઞાન જ માનવને બચાવશે. એટલે જ દુનિયાભરમાં વેક્સિનેસનનું કામ એકદમ ઝડપથી કરવામાં આવી રહ્યું છે. ભારતમાં અત્યાર સુધીમાં ૧૭ કરોડ લોકો રસી લઈ ચૂક્યા છે.

ભારતમાં પહેલા ૪૫ વર્ષથી મોટી ઉમરના લોકોને વેક્સિન આપવામાં આવી પણ કોરોનાની બીજી લહેર યુવાનોમાં પણ ઘાતક સાબિત થઈ એટલે હવે કેન્દ્ર સરકારે ૧૮થી મોટી ઉમરના લોકોને પણ રસી આપવાનો નિર્યણ કર્યો છે. જોકે આ સંખ્યા ખુબ વધારે હોવાથી વેક્સિનની અછત સર્જાઈ છે. આશા રાખીએ ટૂંક સમયમાં આ અછત દૂર થશે અને બધાને વેક્સિન મળી રહે…

બે દિવસ પહેલા ગુજરાતી ફિલ્મ જગતના પ્રખ્યાત ગાયક અને પૂર્વ સાંસદ મહેશ કનોડિયા ( Mahesh Kanodiya ) નું અવસાન થયું અને તેના ત્રીજા જ દિવસે તેમના નામા ભાઈ ગુજરાતી ફિલ્મ ( Gujarati Film Industry ) જગતના સુપરસ્ટાર નરેશ કનુડિયાનું ( Naresh Kanodiya ) પણ કોરોનાના કારણે દુઃખદ અવસાન થયું છે.

છેલ્લા બે-દિવસથી કનોડિયા પરિવારના સમાચાર મીડિયામાં આવી રહ્યા છે. પહેલા કોરોનાની સારવાર લઈ રહેલા નરેશ કનુડિયાનો એક ફોટો વાઈરલ થયો આ ફોટોની થોડા સમય પછી એક સમાચાર સોશિયલ મીડિયામાં વાઈરલ થયા કે કોરોનાના કારણે નરેશ કનુડિયાનું અવસાન થયું. પણ આ સમાચાર ફેક હતા. તેમના પુત્ર હિતુ કનુડિયાએ ખુદ સોશિયલ મીડિયા ( Social Media ) પર આવી ને કહેવું પડ્યું કે મારા પપ્પા જીવે છે અને સ્થિતિ સુધારા પર છે.

હિતુ કનુડિયાના ( Hitu Kanodiya ) આ બહાન પછી બીજા એક સમાચાર આવ્યા કે લાંબી માંદગી બાદ ગુજરાતી ફિલ્મ જગતના પ્રખ્યાત ગાયક અને પૂર્વ સાંસદ મહેશ કનુડિયાનું અવસાન થયું છે. આ સમાચાર પહેલાતો ફેક લાગ્યા પણ તે સાચા હતા. સાચે જ નરેશ કનુડિયાના મોટાભાઈ મહેશ કનુડિયાનું અવસાન થયું હતું. બીજા દિવસે સમાચાર પાત્રોમાં અહેવાલ પણ છપાયા કે મહેશ-નરેશની જોડી થઈ ખંડિત… મહેશ કનુડિયાનું અવસાન.

આ બન્ને ભાઇએ તેમના સંઘર્ષનું એક પુસ્તક પણ પ્રકાશિત કર્યું છે જેનું નામ છે સૌના દિલમાં હર હંમેશ – મહેશ- નરેશ…તેમણે સાથે જ જીવવા મરવાનો સંકલ્પ લીધો હતો. ૭૦ વર્ષ સાથે સંઘર્ષ કરી સામાન્યથી અસામાન્ય સુધીની સફર પૂરી કરી હતી. પણ અચાનક મહેશ કનુડિયાના અવસાન થવાથી લાગ્યું કે આ જોડી ખંડિત થઈ પણ મહેશ કનુડિયાના અવસાન પછી બે દિવસમાં જ એક દુઃખદ સમાચાર આવ્યા કે કોરોનાના કારણે નરેશ કનુડિયાનું પણ અવસાન થયુ છે…

સાચે જ આ અમર જોડીને કોઇ ખંડિત કરી શક્યું નહી. મૃત્યુ પણ નહી. આ ભાઇઓ પોતાના પ્રોગ્રામમાં હંમેશાં એક ગીત ગાતા કે “સાથે રહીશું , સાથે મરશુ” અને સાચે જ તેઓ સાથે જીવ્યા અને સ્વર્ગમાં પણ સાથે જ ગયા.

તેમના અવસાનથી ગુજરાતી ફિલ્મ જગતના એક યુગનો અંત આવ્યો છે. સુપરસ્ટાર હોવા છતાં આ મહાન વ્યક્તિઓની સાદગી આપણને પ્રેરણા આપે તેવી હતી. આજના ગુજરાતી કલાકારોએ, આપણી યુવા પેઢીએ આ ભાઇઓમાંથી પ્રેરણા લેવા જેવી છે.

તેમની આ વિદાઈ શરીરથી ભલે થઈ હોય પણ તેમણે જે કામ કર્યું છે તેનાથી, તેમની સાદગીથી, તેમના ફિલ્મો, સંગીતથી તેઓ સૌના દિલમાં હર હંમેશ રહેશે છે. ઈશ્વરને એમની સદ્દગતિ માટે પ્રાર્થના…