એન્ટીબોડી કોકટેલ ( Antibody Cocktail ) એટલે કે એક કોકટેલ ડ્રગ્સથી મેળવાશે કોરોના પર કાબૂ. કોરોનાને માત આપનારી મોનોક્લોનલ એન્ટીબોડી એટલે કે કોકટેલ ડ્રગ્સનો ભારતમાં ઉપયોગ શરૂ થઈ ગયો છે. આ દવા લેવાથી કોરોનાના દર્દીએ હોસ્પિટલમાં દાખલ થવાની જરૂર પડતી નથી

કોરોના વાઈરસ સામેની આ વિશ્વવ્યાપી લડાઈમાં એક અસરકારક હથિયાર આ એન્ટીબોડી કોકટેલના રૂપે મળ્યું છે. આ દવા સ્વિટઝરલેન્ડની એક ડ્રગ કંપનીએ બનાવી છે. આ કંપનીનો ભારતની સિપ્લા કંપની સાથે કરાર થયો છે. ભારતમાં સિપ્લા કંપની આ દવા બનાવશે.

આ દવાને લઈને એટલે કે મોનોક્લોનલ એન્ટીબોડી કોકટેલને લઈને દાવો કરવામાં આવી રહ્યો છે કે આ દવા ૭૦ ટકા સુધી અસરકારક છે. આની મદદથી દર્દીને હોસ્પિટલમાં દાખલ થતા અટકાવી શકાય છે.

કેવી રીતે કમ કરે છે આ દવા?

હકીકતમાં આ “એન્ટીબોડી કોકટેલ” બે અલગ અલગ દવાઓનું મિશ્રણ છે જે કોરોના સામે લડવા કોઇ પણ દર્દીની શક્તિ વધારી દે છે. આ દવામાં કાસિરિવિમાબ (Casirivimab) અને ઇમ્દેવીમાબ (Imdevimab) નામની દવાનું મિશ્રણ છે. આ બન્ને ડ્રગ્સને ૬૦૦-૬૦૦ ગ્રામ ભેગા કરી એક એન્ટીબોડી કોકટેલ બનાવામાં આવે છે.

જાણકારોનું કહેવું છે કે આ દવા કોરોના વાઈરસને માનવીય કોશિકાઓમાં જતા રોકે છે, જેનાથી વાઈરસને પોષણ મળતું નથી અને તે ફેલાતો અટલી જાય છે. તેની ટ્રાયલ પણ થઈ છે અને તેના સારા પરિણામ પણ મળ્યા છે.

કેવી રીતે અપાય છે દવા?

એન્ટીબોડી કોકટેલ એક પ્રકારનું ઇમ્યુનિટિ બુસ્ટર છે. દર્દી કોરોના પોઝિટિવ આવે અને તેના ૪૮ થી ૭૨ કલાકમાં આ દવા તેને આપવામાં આવે છે. એવું કહેવાઈ રહ્યું છે કે આ દવા આપવામાં ૨૦ થી ૩૦ મિનિટનો સમય જાય છે અને દવા આપ્યા પછી દર્દીને થોડો સમય માટે દેખરેખ હેઠળ રાખવામાં આવે છે. એવો દાવો કરવામાં આવી રહ્યો છે કે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને કોરોના થયો ત્યારે ઝડપી રીકવરી માટે ટ્રમ્પને આ દવા આપવામાં આવી હતી અને તેઓ માત્ર બે દિવસમાં સાજા થઈ કામ પર લાગી ગયા હતા.

ભારતમાં આ દવા કેવી રીતે મળશે?

ભારતમાં આ દવાની સપ્લાયની જવબદારી સિપ્લા કંપનીની પાસે છે. આ દવા ભારતમાં હાલ બધે જ મળી રહી નથી. થોડા શહેરોમાં જ મળી રહી છે. જેમ જેમ આ દવાનો ઉપયોગ વધશે તેમ તેમ તે સરળતાથી મળતી થશે. ઉલ્લેખનીય વાત એ છે કે સિપ્લાની સાથે Zydus કંપનીએ પણ આ દવાની ક્લીનિકલ ટ્રાયલ માટેની મંજૂરી માંગી છે.

દવાની કિંમત કેટલી છે?

આ દવાની કિંમત ચોકવનારી છે. એન્ટીબોડી કોકટેલનો એક ડોઝ ૧૨૦૦ મિલીગ્રામનો હોય છે. જેમાં ૬૦૦ મિલીગ્રામ કાસિરિવિમાબ (Casirivimab) અને ૬૦૦ મિનિગ્રામ ઇમ્દેવીમાબ (Imdevimab) એમ ૧૨૦૦ મિલિગ્રામનો એક ડોજ હોય છે. આ એક ડોજની કિંમત ૫૯ હજાર ૭૫૦ રૂપિયા રાખવામાં આવી છે. આ દવાના એક પેકેટથી બે દર્દીઓનો ઉપચાર થઈ શકે છે.

કોરોનાની ચમત્કારી દવા | કૃષ્ણપટ્ટનમ ગામમાં હાલ આ દવાને લેવા હજ્જારોની સંખ્યામાં લોકો આવી રહ્યા છે. લાંબી લાંબી લાઇનોમાં ઉભા રહેલા લોકોને આ દવાનું વિતરણ કરવામાં આવી રહ્યું છે.

કોરોનાને લઈને દેશ-વિદેશમાં અવનવા સમાચાર આવી રહ્યા છે. કોરોનાના કેસ પણ ભારતમાં વધી રહ્યા છે અને બીજી બાજુ દેશમાં વેક્સિનેશનનું કામ પણ ચાલુ છે. સ્થિતિ એવી છે કે કોરોના કેસ એક રાજ્યમાં ઘટે છે તો બીજા રાજ્યમાં કેસ વધી રહ્યા છે. આજે દેશમાં કોરોના કેસ સતત ૨.૫૦ લાખ કરતા વધારે આવી રહ્યા છે. આ આંક ૪ લાખ સુધી જઈ આવ્યો છે. હવે જ્યા આટલા બધા કોરોનાના કેસ આવતા હોય ત્યાં સ્વાભાવિક છે સરકાર દ્વારા કોરોનાથી લોકોને બચાવવા કડક નિયમો બનાવ્યા હોય, સરકારે બનાવ્યા પણ છે. માસ્ક પહેરવું, સોશિયલ ડિસ્ટન્સ રાખવું, હાથ વારંવાર ધોવા, સેનિટાઈઝરનો ઉપયોગ કરવો વગેરે…લોકો આ બધુ કરી પણ રહ્યા છે પણ ક્યાંક આ પ્રોટોકોલ તૂટી પણ રહ્યો છે.

આ બધાની વચ્ચે કેટલાક ચમત્કારના દાવા પણ થઈ રહ્યા છે. અને જ્યારે લોકો કોરોના જેવી મહામારીનો સામનો કરી રહ્યા છે ત્યારે દવા અને દુઆ બન્ને કરવામાં માનતા હોય છે. જે કામે લાગી જાય એ બસ સારું થવું જોઇએ. આનાથી ઘણીવાર નુકશાન પણ થતું હોય છે.

આવામાં આંધ્રપ્રદેશના એક ગામમાંથી સમાચાર આવ્યા છે કે આ ગામમાં કોરોનાનો ઉપચાર કરી શકે તેવી આયુર્વેદીક દવા મળે છે. આંધ્ર પ્રદેશના નેલ્લોર જિલ્લામાં આવેલ આ ગામમાં આયુર્વેદ દવાથી કોરોના મટાડવાનો દાવો કરવામાં આવી રહ્યો છે. તમને જણાવી દઈએ કે હાલ આ વિસ્તારમાં આ દવાની માંગ એટલી બધી વધી ગઈ છે કે આંધ્ર પ્રદેશની સરકારે આ દવાની તપાસ કરાવવાનો નિર્યણ કર્યો છે અને તેને ભારતીય આયુર્વિજ્ઞાન અનુસંધાન પરિષડ (ICMR) માં તપાસ માટે મોકલવામાં આવશે.

આ આખી વાત એમ છે કે આંધ્ર પ્રદેશના નેલ્લોર જિલ્લામાં આવેલ કૃષ્ણપટ્ટનમ ગામમાં કોરોના સામે લડવા એક આયુર્વેદિક દવા આપવામાં આવી રહી છે. મીડિયા અહેવાલ પ્રમાણે આ ગામમાં આ દવાને ખરીદવા માટે ૧૦ હજાર લોકોની ભીડ ભેગી થઈ ગઈ હતી. આથી શુક્રવારે આંધ્ર પ્રદેશ સરકારે આ દવા કારગત છે કે કેમ તે જાણવા તેને ભારતીય આયુર્વિજ્ઞાન અનુસંધાન પરિષડ (ICMR) માં તપાસ માટે મોકલવાનો નિર્યણ પણ લીધો છે.

કૃષ્ણપટ્ટનમ ગામમાં હાલ આ દવાને લેવા હજ્જારોની સંખ્યામાં લોકો આવી રહ્યા છે. લાંબી લાંબી લાઇનોમાં ઉભા રહેલા લોકોને આ દવાનું વિતરણ કરવામાં આવી રહ્યું છે. ચિંતાનો વિષય એ છે કે અહીં કોરોનાથી બચવા જે નિયમો બનાવાયા છે તેના પર જરા પણ અમલ થઈ રહ્યો નથી. હદ કરતા વધારે ભીડ અહીં થઈ જાય છે. અહીં આ દવાનું વિતરણ આયુર્વેદિક ચિકિત્સક બી. આનંદૈયા દ્વાર કરવામાં આવી રહ્યું છે. જે પહેલા આજ ગામના સરપંચ હતા અને હવે મંડલ પરિષદના સભ્ય બન્યા છે.

ઉલ્લેખનીય વાત એ છે કે ઉપરાષ્ટ્રપતિ એમ વૈકૈયા નાયડૂએ પણ કેન્દ્રીય આયુષ મંત્રી કેરેન રિજિજૂ અને ભારતીય ચિકિત્સા અનુસંધાન પરિષદના નિર્દેશક બલરામ ભાર્ગવને આ દવા પર અધ્યન કરાવા જણાવ્યું છે. ઉપરાષ્ટ્રપતિ એમ વૈકૈયા નાયડૂએ આ બાબતે ઝડપથી રીપોર્ટ માંગ્યો છે.

આંધ્ર પ્રદેશના મુખ્યમંત્રી વાઈએસ જગન મોહન રેડ્ડીએ પણ કોરોના સંદર્ભે ઉચ્ચ સ્તરીય બેઠક બોલાવી હતી અને તેમાં આ દવા બાબતે તેમણે જાણકારી મેળવી હતી. ઉલ્લેખનીય છે કે આ સંદર્ભે આંધ્ર પ્રદેશ સરકારના કોવિડ – ૧૯ના વ્યવસ્થાપક રહેલા એક અધિકારીએ જણાવ્યું છે કે સરકારે આવા અંધવિશ્વાસને રોકવાની જરૂર છે, આ દંડનીય અપરાધ છે.

ભારતના લોકોને માસ્કમાંથી છુટકારો ક્યારે મળશે?

ઇઝરાયલે પોતાના નાગરિકોને કહી દીધુ છે કે માસ્ક નહી પહેરો તો ચાલશે, આ પછી અમેરિકાએ પણ આ સંદર્ભે થોડી છુટ છાટ પોતાના દેશના નાગરિકોને આપી છે. કોરોનાની આ મહામારીમાં વિશ્વમાંથી આવા સારા સમાચાર આવી રહ્યા છે ત્યારે ભારતની સ્થિતિ ખરાબ છે. આવા સંદર્ભે ભારતના નાગરિકોને પણ વિચાર આવતો હશે કે ભારતના લોકોને માસ્કમાંથી છુટકારો ક્યારે મળશે?  તો મીડિયા અહેવાલોમાં અને જાણકારોએ અનો જવાબ આપ્યો છે.

એકવાત સમજવી રહી કે અમેરિકા અને ઇઝરાયલ આવું કેમ કરી શેક છે? કેમ કે અહીંના મોટા ભાગના લોકોને રસી અપાઈ ગઈ છે. પણ ભારતની વાત અલગ છે. ભારતની વસ્તી આ બધા દેશો કરતા ખૂબ વધારે છે એટલે સરકાર પાસેથી પણ આપણે આ દેશો જેટલી ખૂબ વધારે અપેક્ષા ન રાખી શકીએ. આપણને થોડો સમય લાગશે. કેમ કે ભારતમાં હજી ૧૮ કરોડ રસી જ અપાઈ છે અને આમાં દેશની વસ્તીના ખૂબ એટલે ખૂબ ઓછા લોકો આવે છે.

જો ભારતના લોકોને માસ્કમાંથી અને કોરોનામાંથી મુક્તિ અપાવવી હોય તો હાલ તો બધા જ નિયમોનું પાલન અને બધા જ લોકોને રસી આપવી આજ ઉપાય છે. આપણે જેટલી ઝડપથી દેશને રસીયુક્ત કરી શકશું એટલી જ ઝડપથી દેશની સ્થિતિ સુધરશે. આ માટે દેશને રસીના ઉત્પાદન પર ધ્યાન આપવું પડશે. અને સરકારે કહ્યું પણ છે કે ડિસેમ્બર સુધીમાં ૨૦૦ કરોડ રસીના ડોઝ તૈયાર હશે અને દેશની મોટાભાગની વસ્તીને રસી અપાઈ જશે.

ભારતના લોકોને માસ્કમાંથી છુટકારો ક્યારે મળશે?

દેશના લોકોને માસ્કમાંથી ક્યારે મુક્તિ મળશે તેનો જવાબ જાણકારો આપે છે કે જો દેશ રસીયુક્ત થાય તો લોકોને માસ્કમાં થોડી છુટછાટ મળી શેક. દેશના ૧૦૦ કરોડ લોકોને રસી અપાય તો આ સમાચાર મળી શકે. એટલે પહેલા આપણે રસીકરણ પર ધ્યાન આપવું પડશે. નાગરિકોએ કોરોનાથી બચવા બધા જ નિયમોનું પાલન કરવાનું છે અને સરકારે બધાને ઝડપથી રસી મળી રહે તેવું આયોજન કરવાનું છે. આ જેટલું કરી શકીશું એટલી જ ઝડપથી નાગરિકોને માસ્કથી છુટકારો મળી શકે છે. બાકી કોરોના છે ત્યાં સુધી અચૂક માસ્ક પહેરવું જ યોગ્ય છે.

Coronavirus health Tips | દરરોજ બે-બે લાખ કેસ કોરોનાના આવી રહ્યા છે. ગુજરાત સહિત ભારતમાં અનેક રાજ્યોની સ્થિતિ ખરાબ છે. લોકો એલોપેથી, હોમિયોપેથીથી લઈને આયુર્વેદ સુધીના બધા જ ઉપાય કોરોનાથી બચવા કરી રહ્યા છે, લોકો માસ્ક પહેરતા પણ થયા છે. લોકો તકેદારી રાખતા પણ થયા છે. છતા કોરોના થઈ રહ્યો છે. હવે થઈ ગયો તો શું કરવાનું?

કવાનું કંઇ નહી, ડોક્ટર પાસે જવાનું, ડોકટરની સલાહ મુજબ બધુ જ કરવાનું. આમા જ આપણને ફાયદો થાય છે. આ બધાની વચ્ચે ડોકટરની સલાહ સાથી પણ તમારે થોડી હેલ્દી ક્રિયા કરવી હોય તો કરી શકાય છે. છેલ્લા એક વર્ષથી અનેક ડોક્ટરો, નિષ્ણાંતો કોરોનાને સમજવાની કોશિશ કરી રહ્યા છે, કોરોના સંપૂર્ણ રીતે સમજાયો નથી પણ આ એક વર્ષના અભ્યાસ-અનુભવ પછી કોરોના વિશે થોડું આપણે સમજતા થયા છીએ. આ અભ્યાસના તારાણો સત્તાવાર તો જાહેર નથી થયા પણ આ સમજવા જેવા છે… કોરોના થઈ ગયા પછી શું કરવું જોઇએ? આનો જવાબ અહીં મળે છે…તમે પણ જાણો, કોરોના થયો હોય અને તમે હોમ કોરન્ટાઈન હોવ તો આટલું કરો.

ઊંધું સૂવું

મોટા ભાગના નિષ્ણાંતોનું માનવું છે કે કોરોના થાય તો બને એટલું ઊંધું સૂવું જોઇએ. બે કલાક, ૪ કલાક તમે આ રીતે ઊંધા સૂવો. આવું કેમ? તો તેના જવાબમાં કહેવાયું છે કે વાઈરસ ફેંફસાની પાછળની બાજુ અને નીચે સુધી પહોંચેલો હોય છે. માટે જો ઊંધા સૂવાનું રાખશો તો તમારા શ્વાસો-શ્વાસ થકી તે વત્તા-ઓછા પ્રમાણમાં બહાર નીકળે છે. સીધા સુતા હસો તો તે બહાર નહી નીકળે. શ્વાસ થકી તે વાઈરસ બહાર નીકળશે તો તમારા શરીરમાં વાઈરસ લોડ ઘટી જશે અને વધારે નુકશાન નહી થાય. માટે શક્ય હોય એટલું ઊંધું સૂવાનું રાખો.

મૌન પાળો…

કોરોના થયો હોય તો બોલવાનું બંધ કરી દો. તમે કહેશો ન બોલવાથી શું ફાયદો થવાનો? પણ ફાયદો થાય છે. તમે બોલો એટલે સ્વર પેટીથી લઈને ફેંફસા સુધી એક ધ્રુજારી પેદા થાય છે. એક કંપારી ઉભી થાય છે. જેના કારણે વાઈરસને આગળ વધવામાં મદદ મળે છે. જેમ કે વાઈરસ ગળામાં હોય અને તમે બોલ-બોલ કરો તો તે કંપારીના કારેણે ઝડપથી ગળાથી ફેંફસા સુધી પહોંચી શકે છે. ફેંફસામાં હશે તો ત્યાંથી આગળ વધશે. માટે બોલી બોલીને તમે વાઈરસને આગળ વધવામાં મદદ કરો છો, મૌન રહીને વાઈરસને મળતી આ મદદ બંધ કરવાની છે. માટે મૌન પાળો….શક્ય હોય એટલું ઓછુ બોલો…

પાણી પીવો

દિવસ દરમિયાન ૨ થી ૨.૫ લિટર જેટલું પાણી પીવો. જેનાથી તમારા શરીરનું સંતુલન જણવાશે. વારંવાર પેશાબ લાગશે અને શરીરનો કચરો પણ બહાર ઠલવાશે. તો ખૂબ પાણી પીવો…

આ ત્રણ વસ્તુ કરવા જેવી છે. આનાથી ફાયદો થાય છે. આ ઉપરાંત નાસ લેવો, ઉકાળા પીવા, ગરમ પાણી પીવું, પૌષ્ટિક આહાર લેવો જોઇએ. આ બધાની સાથે મનને મજબૂત કરવું પણ એટલું જ જરૂરી છે. મજબૂત મન રાખી લોકોએ ગંભીર રોગોને નાબૂદ કર્યા છે, આ તો માત્ર કોરોના છે. આરામથી કોરોનાને હરાવી શકાય છે.

નોંધ – આ બધા માટે ડોકટરની સલાહ લેવી ખૂબ જરૂરી છે. ડોકટર કહે એ પહેલા કરવાનું છે એ ધ્યાન રાખવું જરૂરી છે. કેટલાંક લોકો ઉંધા ન પણ સુઈ શકે, વધારે પાણી ન પણ પી શકે, માટે આ લોકોએ તો ખાસ ડોકટરની સલાહ મૂજબ ઉપાય કરવો યોગ્ય રહેશે…

Inspirational quotes coronavirus | ચાલો ડર નહી હિંમત ફેલાવીએ | કોરોનાના આજના કપરા સમયમાં આટલું યાદ રાખો ફાયદામાં રહેશો

# આજે આપણે માનસિક રીતે મજબૂત રહેવાનું છે, કોરોના ( Coronavirus ) ની દવા નથી પણ મજબૂત મન કોરોનાની જ નહી પણ કોઇ પણ રોગની દવા ગણાય છે, અનેક ઉદાહરણ આપણી સામે છે જેણે મજબૂત મન રાખી ગંભીર રોગોનો સામનો કર્યો હોય અને સફળ પણ થયા હોય…

# વિજ્ઞાનીઓથી લઈને ડોક્ટરો સુધી બધા કહે છે કે કોરોના ( Coronavirus ) મજબૂત મન સામે હારી જાય છે

# માટે દવા ના હોય ત્યા સુધી મનને મજબૂત બનાવી લો, મનમાં એક વાક્ય ફિટ કરી દો કે કોરોના હારશે જ.

# બીજુ કે ચિંતા ના કરો, મહામારી વિશે બહુ ના વિચારો, માત્ર સચેત રહો, કોરોનાથી જ નહી પણ કોરોનાના ન્યુઝથી પણ દૂર રહો. કોરોના સંદર્ભે જેટલી જાગૃતિની જરૂર હતી એ આવી ગઈ છે. આપણને ખબર જ છે કે કોરોના ( Coronavirus ) થી બચવા શું – શું કરવાનું છે.

# બની શકે તો ઘરે રહો, રોજની જેમ તૈયાર થઈને ઘરમાં રહો, લગર વગર ના રહો, આનંદમાં રહો, સારા દેખાવો, આનાથી આત્મવિશ્વાસ વધે છે.

# આત્મવિશ્વાસ ટકાવી રાખો, હાલ આ ખૂબ જરૂરી છે. આ વધારવા તમને જે ગમતું હોય તે કામ કરો.

# ઘરે સમય હોય તો બેસી ન રહો, કંઇક નવું શીખો, અંગ્રેજી શીખો, સંગીત શીખો, નવી ભાષા શીખો, તમારા વેપારમાં કામ લાગે તેવી વતો જાણો, રમને રસ હોય તે કામ શીખો, આ માટે યુ-ટ્યુબનો ઉપયોગ કરો.

# જેમા તમે નબળા હોવ તે પાસાને મજબૂત કરવામાં આ સમય આપો, ગમતું આવું કામ કરશો તો નેગેટિવ વિચારો નહી આવે.

# એક વાત સમજી લો કે વેપાર-ધંધામાં નુકશાન માત્ર તમારે નથી થયુ આખી દુનિયાને થયુ છે. બધાનું જે થયું તે તમારું થયું છે અને થવાનું હશે તે થશે. માટે હિંમત રાખો.

# બધુ સમય પર છોડો, બધુ સારુ થઈ જશે. આશાવાદી બનવું ખૂબ જરૂરી છે

# કોઇ પણ સમસ્યા આવે ધીરજ રાખો, શાંતિથી વિચારો અને સમસ્યાનું સમાધાન શોધવાની કોશિશ કરો

# આપણા હાથમાં હાલ આજ છે, માસ્ક એ જ દવા છે

# ઇતિહાસ કહે છે કે આના કરતા વધારે ખરાબ આપદા આવી છે અને ગઈ પણ છે

# યાદ રાખો ગમે તેવો ખરાબ સમય હોય તે જતો જ રહે છે. સમય અટકી શકતો નથી અને નામ એનો નાશ છે. તો કોરોનાનો નાશ પણ થશે જ. એ કેટલો વહેલો – મોડો થશે તે આપણા હાથમાં છે, આપણે ધ્યાન રાખીશું તો કોરોનાના મૃત્યુનો સમય બહુ દૂર નથી.

# બસ ત્યા સુધી ડરવાનું નથી, નિયમોનું પાલન કરવાનું છે…

# તો ચાલો કોરોનાનો હિંમતથી સામનો કરીએ, ડર નહી હિંમત ફેલાવીએ…

યાદ રાખો, આવા કપરા સમયે જે પણ અવળચંડાઈ કરશે, કુદરત તેને માફ નહી કરે…જેનાથી જેટલી થઈ શકે એટલી મદદ કરો, કંઇ ના થઈ શકે તો ઘરે રહો, માસ્ક પહેરો, આ પણ એક સેવા જ છે…

25 ઓક્ટોબર સુધીની વાત કરીએ તો દેશમાં કુલ ૧૦ કરોડ ૩૪ લાખ ૬૨ જહાર ૭૭૮ કોરોનાના ટેસ્ટ થયા જેમાંથી ૭૯ લાખ ૧૩ હજાર ૨૬ કેસ કોરોના પોઝિટિવ આવ્યા જેમાથી ૭૧ લાખ ૩૬ હજાર ૯૧૧ લોકો કોરોના સામેની જંગ જીતી ગયા છે એટલે કે તેમને કોરોના મટી ગયો છે. હાલ દેશમાં માત્ર ૬ લાખ ૫૫ હજાર ૬૯૧ કોરોનાના એક્ટિવ કેસ છે.

આ તો થઈ કોરોનાની અપડેટની વાત. ૨૯ જાન્યુઆરીએ દેશમાં પહેલો કોરોનાનો કેસ આવ્યો અને આજે ૯ મહિનામાં દેશ આખાએ કોરોના સામે જે લડાઇ લડી છે તે અકલ્પનિય છે. ૧ લાખ ૧૯ હજાર ૮૧ લોકોએ આ લડાઇમાં પોતાનો જીવ ગુમાવ્યો છે, લાખો લોકોએ ઘર ગુમાવ્યા છે, લાખો લોકોએ વેદાનાઓ સહન કરી છે અને આ લડાઇ હજુ ચાલુ જ છે. આ લડાઇની સાથે આપણે સૌ વેક્સિનની રાહ જોઇ રહ્યા છીએ. અત્યાર સુધી આપણે આ લડાઈ માસ્ક, સામાજિક દૂરી અને સેનિટાઇકઝર અને સેંકડો કોરોના વોરિયર્સની મદદથી લડી છે. જેનું સારૂ પરિણામ પણ હવે મળતું દેખાઈ રહ્યું છે.

દેશમાં કોરોનાના આંકડા હવે સતત ઘટી રહ્યા છે. ગયા રવિવારે દેશમાં ૪૫ હજાર ૬૫ જેટલા કોરોનાના નવા કેસ નોંધાયા. આ આંકડો ખૂબ મોટો છે પણ મહત્વની વાત એ છે કે આ આંકડો છેલ્લા ૯૬ દિવસમાં સૌથી નીચો નોંધાયેલો આંકડો છે. બીજી મહત્વની વાત એ છે કે ગયા રવિવારે ૪૫ હજાર કેસ આવ્યા પણ તેની સામે 58 હજાર 180 દર્દી સાજા થયા. એટલે એવું કહી શકાય કે એ દિવસે કોરોનાનો એક પણ કેસ વધ્યો નહી પણ ૧૩ હજાર ૫૮૩ જેટલા કેસનો ઘટાડો થયો. જો કે આનાથી ઓછા 39 હજાર 170 કેસ 21 જુલાઈ મહિનામાં નોંધાયા હતા. આ જ રીતે મૃત્યુનો આંકડો પણ છેલ્લા 24 કલાકમાં 460 રહ્યો છે, જે છેલ્લા 106 દિવસમાં સૌથી ઓછો છે. આ પહેલાં 5 જુલાઈએ મૃત્યુના 421 કેસ નોંધાયા હતા. દેશમાં કોરોના હવે જવાની તૈયારીમાં, 112 દિવસમાં સૌથી ઓછો મૃત્યુઆંક નોંધાયો, 24 કલાકમાં 14 હજાર એક્ટિવ કેસ ઘટ્યા, હવે સતર્કતા એ જ સમજદારી છે.

કેન્દ્ર સરકાર તરફથી સંકેતો મળી રહ્યા છે કે જાન્યુઆરી સુધીમાં કોરોનાની વેક્સિન ઉપલબ્ધ થઈ જશે. પણ ત્યાં સુધી જો આમને આમ કેસ ઘટતા જશે તો ભારત વેક્સિન આવે ત્યાં સુધીમાં વધુ સારી સ્થિતિમાં આવી શકે છે. ઉલ્લેખનીય વાત એ પણ છે કે વસ્તીની દ્રષ્ટિએ આપણા દેશનો દુનિયામાં ચીન પછી બીજો નંબર આવે છે અને કોરોનાના કેસ ના સંદર્ભે પણ ભારતનો નંબર અમેરિકા પછી બીજા નંબરે આવે છે. અમેરિકામાં કોરોનાના કેસ 8,892,111 જેટલા નોંધાયા છે અને ભારતમાં 7,911,104 કેસ નોંધાયા છે. મહત્વની વાત એ છે અન્ય દેશો કરતા રીકવરી રેટ ભારતનો ખૂબ સારો છે.