Health Quotes in Gujarati | Health Thoughts in Gujarati | સારા સ્વાસ્થ્યને લગતા આ ૩૧ વાક્યો લોકો સુધી પહોંચાડવા જેવા છે…

પહેલું સુખ તે જાતે નર્યા. જીવનનું બધું સુખ એક તરફ અને સારા સ્વાસ્થ્યનું સુખ એક તરફ. જીવનમાં સ્વાસ્થ્ય જ બધું છે. આજે આપણે આ આર્ટિકલમાં ૩૧ જેટલા Health Quotes in Gujarati અને Health Thoughts in Gujarati માં જોઇશું. આ વાક્યો વાંચીને યાદ રાખવા જેવા છે. આ વાક્યો સ્વાસ્થ્યનું મહત્વ સમજાવે છે. આવો જોઇએ…

૧ જેની પાસે સારું સ્વાસ્થ્ય નથી એ સૌથી ગરીબ માણસ છે અને જેની પાસે સારું સ્વાસ્થ્ય છે તેની પાસે પૈસા ન હોવા છતા તે દુનિયાનો સૌથી અમીર માણસ છે

૨ સફળતા મેળવવા માટે પણ સારું સ્વાસ્થ્ય હોવું ખૂબ જરૂરી છે.

૩ સ્વાસ્થ્ય વગરનું જીવન દુઃખ અને પીડાથી ભરેલું હોય છે.

૪ કોઇ રોગ થયા પછી જ આપણને સ્વાસ્થ્યની કદર થાય છે.

૫ જીવનને આનંદથી પસાર કરવું હોય તો સ્વાસ્થ્ય પર ધ્યાન આપો.

૬ સારા સ્વાસ્થ્યને આપણે ખરીદી નહી શકીએ પણ જો શરીરને સાચવશું તો તે આપણી મિલકત ઓછી નહી થવા દે…

૭ સવારે વહેલા પથારી છોડી દેવાથી શરીર તો સારું રહે જ છે પણ તે માણસ સફળ પણ ઝડપથી થાય છે.

૮ હું હંમેશાં ખુશ રહેવાનું જ પસંદ કરું છું કેમ કે હું મારી તંદુરસ્તીને પ્રેમ કરું છું.

૯ હંમેશાં યાદ રાખો કે ખાવા માટે જીવવાનું નથી પણ જીવવા માટે ખાવાનું છે.

૧૦ દરેક વ્યક્તિ પોતાનું સ્વાસ્થ્ય પોતાની જાતે જ લખે છે.

૧૧ જે વ્યક્તિ પોતાની જીભ પર કાબૂ રાખી શકતો નથી તેના કાબૂમાં તેનું સ્વાથ્ય પણ રહેતું નથી.

૧૨ તમારા શરીરની કાળજી લો કેમ કે આ એજ જગ્યા છે જ્યાં તમારે આજીવન રહેવાનું છે.

૧૩ જરૂર કરતા વધારે ભોજન કરવાથી સ્વાસ્થ્ય સારું રહેતું નથી, માટે ભૂખ કરત થોડું ઓછું ખાવાનું રાખો.

૧૪ સ્વાસ્થ્ય – સારું શરીર ભગવાને આપણને આપેલી સૌથી અનમોલ ભેટ છે માટે તેને સાચવો…

૧૫ જીવન જીવવું અને સ્વસ્થ્ય જીવન જીવવું એ બન્નેમાં ખૂબ મોટો ફરક છે.

૧૬ એક દેશ ત્યારે જ વિકાસ કરી શકે જ્યારે તેના નાગરિકો સ્વસ્થ હોય.

૧૭ બીમારી આવ્યા પછીની મુશ્કેલીમાંથી માનવી ઘણું બધુ શીખી તો લે છે પણ યાદ રાખતો નથી.

૧૮ સ્વાથ્ય જાળવવા તમારે કરવાનું શું છે? માત્ર યોગ્ય જીવનશૈલી જ તો અપનાવાની છે.

૧૯ પોતાના શરીરને પોતાનું પવિત્ર મંદિર બનાવી દો.

૨૦ જ્યારે તમારું મન આનંદિત હોય છે ત્યારે તમારું શરીર પણ સ્વસ્થ થવાની ક્રિયામાં હોય છે.

૨૧ સાધારણ ભોજન અને ચિંતામુક્ત મન સારા સ્વાસ્થ્યની નિશાની છે.

૨૨ સુખનો મુખ્ય સિદ્ધાંત સ્વાસ્થ્ય છે અને સ્વાસ્થ્યનો મુખ્ય સિદ્ધાંત યોગ્ય કસરત છે.

૨૩ સ્વાસ્થ નાગરિક જ જે તે દેશની સૌથી મૂલ્યવાન સંપત્તિ છે.

૨૪ તંદુરસ્તી વિનાનું જીવન પીડા સિવાય બીજુ કંઇ આપી શકે નહી.

૨૫ સ્વસ્થ રહેવાની સૌથી સસ્તી અને અસરકારક દવા સ્માઇલ છે.

૨૬ આપણું આરોગ્ય જ આપણી સૌથી મોટી સંપત્તિ છે, અને દુઃખની વાત એ છે કે આ સંપત્તિ આપણે ખોઈ બેસીએ છીએ પછી જ તેનું મૂલ્ય સમજાય છે.

૨૭ સારું સ્વાસ્થ્ય અને સારી સમજ – આ બે ભગવાને આપેલી સૌથી ઉત્તમ ભેટ છે.

૨૮ તમારું શરીર જ તમારી ખરી સંપત્તિ છે તેનું ધ્યાન રાખવાની તમાર પોતાની જવાબદારી છે.

૨૯ સ્વાસ્થ્ય અને શરીરને તંદુરસ્ત રાખજો આના વગર તમારું મગજ બરાબર કામ નહી કરી શકે.

૩૦ સારા સ્વાથ્યનો આનંદ લેવો હોય તો નિયમિત કસરત કરવી અનિવાર્ય છે.

૩૧ સારું સ્વાસ્થ્ય આંતરિક શક્તિ, આનંદ, શાંત મન અને આત્મવિશ્વાસ વધારે છે. જે આપણા જીવન માટે ખૂબ જરૂરી છે.

Health Tips in Gujarati | બિમાર ન પડવું હોય તો આહારને સમજો…આહાર એ જ ઔષધિ છે, ભોજન આ રીતે કરો, હંમેશાં તંદુરસ્ત રહેશો…

 

ભુખ ન હોય તો ક્યારેય પણ આહાર ગ્રહણ કરવો નહિ. વધારે ખાશો તો અકળામણ થશે. આપણે વધારે ખાવાની આદત છોડી દેવી જોઇએ. તમારી અડધી સમસ્યા તો આનાથી જ દૂર થઈ જશે

 

જંગલના પ્રાણીઓ આવું જ કરે છે…

યાદ રાખો જીવન ખાવા માટે નહી પણ ખોરાક જીવન માટે છે, ધણા લોકોનું આનાથી ઉલટું હોય છે. આખો દિવસ ખા-ખા જ કરતા હોય છે. જીવન જીવવું હોય તો આહાર લેવો જરૂરી છે પણ આજ કાલ આપણે એવું સમજી બેઠા છીએ કે ખાવા માટે જ ભગવાને જીવન આપ્યું છે. આપણે સમજવું પડશે. શરીરને જોઇએ એટલો જ આહાર લેવો જોઇએ. જંગલના પ્રાણીઓ આવું જ કરે છે…

સ્વાદ માટે ન ખાવ પણ…

સ્વાદ માટે ન ખાવ પણ ખોરાકને ઔષધિ ગણી શરીરને શક્તિ આપે તેવો જ ખોરાક ખાવ, આપણે બિમાર પડીએ તો જે દવા ખાઇએ છીએ એ કેવી હોય છે? કડવી? કડવી હોવા છતાં આપણે તેને કેમ પ્રેમથી ગળી જઈએ છીએ? કેમ કે આપણને ખબર છે કે આ કડવી ગોળી જ આપણી બિમારી દૂર કરશે. પણ આહારમાં આપણે આ વાત સમજતા નથી. આજે પણ દરેક પ્રાણીઓ માટે આહાર એ જ તેમના માટે ઔષધિ છે. યોગ્ય ખોરાક થકી તમે બિમારીને દૂર કરી શકો છો. આયુર્વેદથી લઈને નેચરોપથી સુધી તમને આ જ કહેવામાં આવશે. હવે તો નવી ભોજન પદ્ધતિ પણ વિકસી છે. આ લોકો માત્ર ભોજનથી કેન્સર જેવા રોગ દૂર કરવાની વાત કરી રહ્યા છે.

ભૂખ કરતા ઓછું ખાવાનું રાખો

ભરપેટ કે તેના કરતા વધારે ભોજન ન લો, ભૂખ કરતા ઓછું ખાવાનું રાખો. તમને ક્યારેય આનો અનુભવ થયો છે. તમારાથી વધારે ખવાઇ ગયું હોય તો શું થાય છે? તમે તરત સોડા પીવા નીકળી પડો છોને? સોડા પણ શરીર માટે સારી તો નથી જ. માટે યોગ્ય રીતે આહાર પચે તે માટે ભૂખ હોય એના કરતા ઓછું ખાવાનું રાખો. આનાથી આહાર પચશે અને ઓછા આહારથી પણ તમારા શરીરને વધારે પોષણ મળશે

તેમા સ્વાદ છે પણ સ્વાસ્થ્ય નથી…

વધારે મસાલાવાળું, ચટપટા આહાર, સેવ, મમરા, નમકીન, બિસ્કીટ, તળેલું, ગળ્યુ ખાવાનું બંધ કરી દો યાદ રાખો તેમા સ્વાદ છે પણ સ્વાસ્થ્ય નથી. આ બધુ જોઇએને તમને ભૂખ લાગી હોય એવું લાગશે પણ એ ભૂખ કુત્રિમ હોય છે. આવું ખાવાથી ન તો તમારી ભૂખ મટે છે અને ન તો તમારા શરીરને શક્તિ મળે છે. માત્ર તમારા શરીરમાં ગંદકી ભેગી થાય છે. જે સારી વાત નથી

નુકશાન કારક હોય તે શરીરમાં કેમ નાંખી શકાય?

બહારનું ખાવાનું સદતંર બંધ કરી દો, ઠંડા પીણા – પેપ્સી, કોલા, કોક વગેરે ક્યારેય ન પીવા જોઇએ. આ બધ આપણા શરીર માટે નથી માત્ર મનને મનવાવા અને સ્વાદ માટે જ આપણે આરોગીએ છીએ. આ બધુ શરીર માટે નુકશાન કારક છે. અને જે નુકશાન કારક હોય તે શરીરમાં કેમ નાંખી શકાય?

આવા ખોરાકથી દૂર રહો…

ક્યારેય કોઈનું એઠું, વાસી અને વધારે પડતા ઠંડા ખોરાકથી બચવું જોઇએ. આમાં વેક્ટેરિયા તમારા શરીરમાં જવાનો ખતરો રહે છે. હાલના કોરોનાકાળમાં તમને આ બધી ખબર જ હશે! માટે આવા ખોરાકથી દૂર રહો…

ઓછો અને યોગ્ય આહાર લેવો જ હિતકારી

ભોજન લેવામાં કોઇના આગ્રહને વશ ન થવુ, ખવાય એટલું જ ખાવું, ખોટો દેખાડો કરવો નહી. આપણે ત્યાં એક શબ્દ છે તાણ કરવી. પ્રસંગમાં ખાવા માટે કે મહેમાનને ખાવા માટે તાણ કરવાનો રીવાજ છે પણ આ આગ્રહમાં વધારે ખાવું શરીર માટે યોગ્ય નથી. આપણે દેખા દેખીમાં વધારે ખાવાનો ડોળ પણ કરાતા હોઇએ છીએ અને પછી પછતાવાનો વારો આવે છે. યાદ રાખો એ જમાનો બીજો હતો. ત્યાંરે શુધ્ધ હવા અને ખોરાક હતો, સગવડ ઓછી હતી અને મહેનત વધરે હતી. ત્યારે ખોરાક વધારે ખવાય તો વાંધો આવતો ન હતો પણ હાલ સમય અલગ છે. માટે ઓછો અને યોગ્ય આહાર લેવો જ હિતકારી છે

મીઠાઈ ખાવાનું મન થાય તો…

મીઠાઈ ખાવાનું મન થાય તો કુદરતે આપેલી મીઠાઈ ખજૂર, કિશમિશ ખાવાનું રાખો જે મીઠાઈ કરતા સસ્તી અને હેલ્દી છે.

ભોજનની સાથે ખરાબ વિચાર કે વિચિત્ર વિચાર અંદર ન જવા જોઇએ

યાદ રાખો ભોજન કરતી વખતે માત્ર અને માત્ર ખાવામાં ધ્યાન રાખો, ટીવી ના જુવો, છાપુ કે ચોપડીના વાંચો,ભોજન કરતી વખતે શાંત અને પ્રફુલ્લિત રહો અને નકામી ચર્ચાઓથી બચો. ભોજન સાથે એકચિત થઈ જાવ, ભોજનની સાથે ખરાબ વિચાર કે વિચિત્ર વિચાર અંદર ન જવા જોઇએ.

પાણી પીવું જ હોય તો…

ભોજન બાદ તરત પાણી ન પીવો, પાણી પીવું જ હોય તો ભોજનની ૩૦ મિનિટ પહેલા અને ભોજનની ૩૦ મિનિટ પછી પાણી પીવો અને એ પણ ઘૂંટડે…ઘૂંટડે…

અને છેલ્લે…

“આહાર એ જ ઔષધ છે” નું સૂત્ર જીવનમાં અપનાવો

Coronavirus health Tips | દરરોજ બે-બે લાખ કેસ કોરોનાના આવી રહ્યા છે. ગુજરાત સહિત ભારતમાં અનેક રાજ્યોની સ્થિતિ ખરાબ છે. લોકો એલોપેથી, હોમિયોપેથીથી લઈને આયુર્વેદ સુધીના બધા જ ઉપાય કોરોનાથી બચવા કરી રહ્યા છે, લોકો માસ્ક પહેરતા પણ થયા છે. લોકો તકેદારી રાખતા પણ થયા છે. છતા કોરોના થઈ રહ્યો છે. હવે થઈ ગયો તો શું કરવાનું?

કવાનું કંઇ નહી, ડોક્ટર પાસે જવાનું, ડોકટરની સલાહ મુજબ બધુ જ કરવાનું. આમા જ આપણને ફાયદો થાય છે. આ બધાની વચ્ચે ડોકટરની સલાહ સાથી પણ તમારે થોડી હેલ્દી ક્રિયા કરવી હોય તો કરી શકાય છે. છેલ્લા એક વર્ષથી અનેક ડોક્ટરો, નિષ્ણાંતો કોરોનાને સમજવાની કોશિશ કરી રહ્યા છે, કોરોના સંપૂર્ણ રીતે સમજાયો નથી પણ આ એક વર્ષના અભ્યાસ-અનુભવ પછી કોરોના વિશે થોડું આપણે સમજતા થયા છીએ. આ અભ્યાસના તારાણો સત્તાવાર તો જાહેર નથી થયા પણ આ સમજવા જેવા છે… કોરોના થઈ ગયા પછી શું કરવું જોઇએ? આનો જવાબ અહીં મળે છે…તમે પણ જાણો, કોરોના થયો હોય અને તમે હોમ કોરન્ટાઈન હોવ તો આટલું કરો.

ઊંધું સૂવું

મોટા ભાગના નિષ્ણાંતોનું માનવું છે કે કોરોના થાય તો બને એટલું ઊંધું સૂવું જોઇએ. બે કલાક, ૪ કલાક તમે આ રીતે ઊંધા સૂવો. આવું કેમ? તો તેના જવાબમાં કહેવાયું છે કે વાઈરસ ફેંફસાની પાછળની બાજુ અને નીચે સુધી પહોંચેલો હોય છે. માટે જો ઊંધા સૂવાનું રાખશો તો તમારા શ્વાસો-શ્વાસ થકી તે વત્તા-ઓછા પ્રમાણમાં બહાર નીકળે છે. સીધા સુતા હસો તો તે બહાર નહી નીકળે. શ્વાસ થકી તે વાઈરસ બહાર નીકળશે તો તમારા શરીરમાં વાઈરસ લોડ ઘટી જશે અને વધારે નુકશાન નહી થાય. માટે શક્ય હોય એટલું ઊંધું સૂવાનું રાખો.

મૌન પાળો…

કોરોના થયો હોય તો બોલવાનું બંધ કરી દો. તમે કહેશો ન બોલવાથી શું ફાયદો થવાનો? પણ ફાયદો થાય છે. તમે બોલો એટલે સ્વર પેટીથી લઈને ફેંફસા સુધી એક ધ્રુજારી પેદા થાય છે. એક કંપારી ઉભી થાય છે. જેના કારણે વાઈરસને આગળ વધવામાં મદદ મળે છે. જેમ કે વાઈરસ ગળામાં હોય અને તમે બોલ-બોલ કરો તો તે કંપારીના કારેણે ઝડપથી ગળાથી ફેંફસા સુધી પહોંચી શકે છે. ફેંફસામાં હશે તો ત્યાંથી આગળ વધશે. માટે બોલી બોલીને તમે વાઈરસને આગળ વધવામાં મદદ કરો છો, મૌન રહીને વાઈરસને મળતી આ મદદ બંધ કરવાની છે. માટે મૌન પાળો….શક્ય હોય એટલું ઓછુ બોલો…

પાણી પીવો

દિવસ દરમિયાન ૨ થી ૨.૫ લિટર જેટલું પાણી પીવો. જેનાથી તમારા શરીરનું સંતુલન જણવાશે. વારંવાર પેશાબ લાગશે અને શરીરનો કચરો પણ બહાર ઠલવાશે. તો ખૂબ પાણી પીવો…

આ ત્રણ વસ્તુ કરવા જેવી છે. આનાથી ફાયદો થાય છે. આ ઉપરાંત નાસ લેવો, ઉકાળા પીવા, ગરમ પાણી પીવું, પૌષ્ટિક આહાર લેવો જોઇએ. આ બધાની સાથે મનને મજબૂત કરવું પણ એટલું જ જરૂરી છે. મજબૂત મન રાખી લોકોએ ગંભીર રોગોને નાબૂદ કર્યા છે, આ તો માત્ર કોરોના છે. આરામથી કોરોનાને હરાવી શકાય છે.

નોંધ – આ બધા માટે ડોકટરની સલાહ લેવી ખૂબ જરૂરી છે. ડોકટર કહે એ પહેલા કરવાનું છે એ ધ્યાન રાખવું જરૂરી છે. કેટલાંક લોકો ઉંધા ન પણ સુઈ શકે, વધારે પાણી ન પણ પી શકે, માટે આ લોકોએ તો ખાસ ડોકટરની સલાહ મૂજબ ઉપાય કરવો યોગ્ય રહેશે…