હૈદરાબાદની ટીમે સારી બોલિંગ કરી હતી પરિણામે પંજાબની ટીમ માત્ર ૧૨૬ રન જ બનાવી શકી હતી. જેમાં રશિદ ખાને પોતાની ૪ ઓવરમાં માત્ર ૧૪ રન આપી ૨ વિકેટ લીધી હતી તમજ જેસન હોલ્ડરે ૪ ઓવરમાં ૨૭ રન આપી ૨ વિકેટ અને સંદીપ શર્માએ ૪ ઓવરમાં ૨૯ રન આપી ૨ વિકેટ લીધી હતી.

૧૨૭ રનનો પીછો કરતા હૈદરાબાદની ટીમ ૧૯.૫ ઓવરમાં માત્ર ૧૧૪ રન બનાવી શકી હતી અને ઓલઆઉટ થઈ ગઈ હતી. જેમાં હૈદરાબાદના કેપ્ટન ડેવિડ વોર્નરે સૌથી વધુ ૩૫ રન બનાવ્યા હતા. ત્યાર પછી તેની ટીમમાંથી કોઇ બેટ્સમેન સારુ પ્રદર્શન ન કરી શક્યો અને હૈદરાબાદની ટીમ ઓછો ટાર્ગેટ હોવા છતાં ૧૨ રને હારી ગઈ હતી. પંજાબમાંથી ક્રિશ જોર્ડને પોતાની ૪ ઓવરમાં માત્ર ૧૭ રન આપી ૩ વિકેટ લીધી હતી તમજ અર્ષદીપ સિંગે ૩.૫ ઓવરમાં ૨૩ રન આપી ૩ વિકેટ લીધી હતી.

અત્રે ઉલ્લેખનીય છે કે આ મેચ રમવા પંજાબની ટીમ હાથ પર કાળા કલરની પટ્ટી બાંધીને મેદાને ઉતરી હતી. આની પાછળનું કારણ એ હતું કે પંજાબની ટીમના બેટ્સમેન મંદીપસિંહના પિતા હરદેવસિંહનું ગયા શુક્રવારે અવસાન થયું હતું. તેઓ છેલ્લા ઘણા સમયથી બિમાર હતા. તેમને શ્રદ્ધાંજલિ આપવા પંજાબની ટીમ બ્લેક બેંડ – કાળી પટ્ટી હાથ પર બાંધી મેદાનમાં ઉતરી હતી.

ઉલ્લેખનીય છે કે IPL 2020 ની ૪૩મી મેચમાં વોર્નર Kings XI Punjab વિરુધ્ધ ૨૦ બોલમાં ૩૫ રન બનાવીને આઉટ થઈ ગયો. પોતાની આ ઇનિગ્સ થકી તેણે આઇપીએલમાં કિંગ ઇલેવન પંજાબ વિરુધ્ધ કુલ ૯૦૬ રન બનાવી લીધા હતા. આ ઉપરાંત વોર્નરે આઇપીએલમાં કોલકતા નાઈટ રાઈડર્સ KKR વિરુધ્ધ ૯૧૨ રન બનાવ્યા છે. ઉલ્લેખનીય છે કે હિટ મેન રોજિત શર્માએ પણ KKR સામે આઈપીએલની મેચોમાં કુલ ૯૩૯ રન બનાવ્યા છે, પણ આ રોહિત માત્ર એક જ ટીમ સામે કરી શક્યો છે પણ વોર્નરે આ બે ટીમ સામે ૯૦૦ કરતા વધારે રન નોંધાવ્યા છે. જે એકે મહા રેકોર્ડ છે. ઉલ્લેખનીય છે કે ડેવિડ વોર્નર પંજાબ સામે ૧૯ અને કોલકત્તા સામે ૨૩ ઇનિગ્સ રમી ચૂક્યો છે.

આ ઉપરાંત આઈપીએલના ઇતિહાસમાં સૌથી વધારેવાર ૫૦ અથવા તેનાથી વધારે રન બનાવનાર બેટ્સમેન પણ વોર્નર જ છે. વર્ષ ૨૦૧૪માં પહેલીવાર વોર્નર આઇપીએલ સાથે જોડાયો અને હૈદરાબાદની ટીમનો સભ્ય બન્યો હતો. તેની કેપ્ટનશીપમાં હૈદરાબાદે ૨૦૧૬માં આઈપીએલનો કપ પણ જીત્યો હતો.