Motivational – Gujjulogy.com

૧૬ થી ૨૭ વર્ષના યુવાનો માટે ખાસ સલાહ | Motivational For Youth

Admin — Tue, 07 May 2024 12:56:33 +0000

Motivational For Youth | ૧૬ થી ૨૭ વર્ષના યુવાનો માટે ખાસ સલાહ | જીવનમાં પછતાવું ન હોય તો આ સલાહ પર ધ્યાન આપો

#૧ આ સમય તમારો છે, માત્ર લક્ષ્ય પર ધ્યાન આપો

આ યુવાનીનો સમય છે. આપાણું તન અને મન શક્તિથી ભરપૂર હોય છે. આ સમય એવો હોય છે જેમાં તમે ધારો એ કામ કરી શકો છો. આ સમયમાં ઊંચું લક્ષ્ય બનાવો અને તેના પર કામ કરો. નક્કી તમે સફળ થશો.

#૨ યુવાનીમાં સમય બર્બાદ ન કરો

આ સમય નિકળી ગયો તો પછતાવા સિવાય તમારી પાસે કંઇ નહી બચે. આ સમય કંઇક મેળવવાનો, કંઇક એચિવ કરવાનો છે. હંમેશાં કામમાં વ્યસ્ત રહો, ફાલતું જગ્યાએ સમય બર્બાદ ન કરો. તમારા આ સમયની કિંમત અમૂલ્ય છે. તેનું ફાલતું જગ્યાએ રોકાણ ન કરો.

#૩ નવું નવું શીખતા રહો

જેટલું શીખશો એટલો જ ફાયદો થશે. આ ઉંમરે આપણું મન-મગજ ઉર્જાથી ભરેલું હોય છે. જે શીખશો તે યાદ રહેશે. સ્કીલ ડેવલપ કરો, કોઇ કામમાં મહારથ હાંશલ કરો. યાદ રાખો જીવનમાં શીખેલું કામ આવે જ છે.

#૪ સારા શ્રોતા બનો

જીવનમાં આગળ વધવું હોય તો સાંભળતા શીખો, સારા શ્રોતા બનો. ચારે બાજુ લોકો જ્ઞાન આપવા બેઠા જ છે. ખૂબ સાંભળો. નક્કી અનેક નવા વિચાર, આઈડિયા મળશે. કોઇને જવાબ આપવા નહીં પણ તે શું કહેવા માંગે છે તેને સમજવા સાંભળો. ખૂબ જાણાવા મળશે.

#૫ ખૂબ વાંચન કરો

આજની દુનિયામાં પુસ્તક તમારો સર્વશ્રેષ્ઠ શિક્ષક બની શકે છે. તમને ગમતા પુસ્તકો વાંચો, માહિતીના આ યુગમાં અપડેટ રહેવું જરૂરી છે. વાંચવાથી કલ્પના શક્તિનો વિકાસ થાય છે. જે દરેક જગ્યાએ કામ લાગે છે. તમે દુનિયા કરતા અલગ વિચારી શકશો. માટે આગળ વધવું હોય તો ખૂબ વાંચો.

#૬ સ્વચ્છ અને સુઘડ કપડા પહેરો

હંમેશાં કોન્ફિડન્સથી ભરપૂર રહો, આ ઉંમરે આત્મવિશ્વાસ હોવો ખૂબ જરૂરી છે. આ માટે સારા કપડાં પહેરવા ખૂબ જરૂરી છે. સારા કપડા એટલે મોંધા અને બ્રાન્ડેડ નહી પણ સ્વચ્છ અને સુઘડ કપડા. સારા કપડા પહેરવાથી આત્મવિશ્વાસ વધી જાય છે.

#૭ નકારાત્મક લોકોથી દૂર રહો

આ ખૂબ જરૂરી છે. આ તારાથી નહિ થાય, આ ખૂબ અઘરું કામ છે, રિસ્ક વધારે છે…આવું બધુ બોલનારા લોકોથી દૂર રહો. હંમેશાં તણાવમાં, ગુસ્સામાં રહેનારા લોકોથી દૂર રહો. જે લોકો તમારામાં નકારાત્મકતા ફેંલાવાની વાત કરે તેનાથી દૂર રહો. હંમેશા હકારાત્મક વિચારો

#૮ સ્વયં પર વિશ્વાસ રાખો

આ ઉંમરે સૌથી અગત્યની વાત એ છે કે શરીર તમને સાથ આપતું હશે. આ ઉંમર એવી છે કે દુનિયાનું કોઇ પણ લક્ષ્ય તમે મેળવી શકો છો. બસ સ્વયં પર વિશ્વાસ રાખો અને લક્ષ્યને મેળવવા પર ધ્યાન આપો. નક્કી સફળ થશો.

#૯ શરીર અને સ્વાસ્થ્યને સાચવો

શરીરને સાચવવું પણ જરૂરી છે. ખોરાક પર ધ્યાન આપો, ગમે તેવો કચરો પેટમાં ન નાખો. ખડતલ શરીર બનાવો, થોડી કસરત કરો અને પોષણયુક્ત આહાર લો. જીવનમાં સફળતા મેળવવા શરીરને સ્વસ્થ રાખવું ખૂબ જરૂરી છે. શરીર સ્વસ્થ નહી હોય તો સફળતા મેળવીને પણ તેનો આનંદ માણી શકશો નહી. માટે શરીર પર ધ્યાન આપો.

#૧૦ મનને શાંત રાખો, ધીરજ રાખો…

મનને શાંત રાખો. પડકાર જનક સમયમાં પણ જો તમે મનને શાંત રાખી શકો અને થોડી ધીરજ રાખશો તો સમજી લો કે તમારું અડધું કામ સરળ થઈ જશે. ધીરજ અને શાંત મન કળયુગના ગુણ છે. આ બે ગુણ તમારામાં હોવા જોઇએ. જીવનમાં ખૂબ અગળ વધશો…

આવી પ્રગતિ કદી ન કરશો, નહિંતર જીવનમાં ખૂબ દુઃખી થશો! Pramanikta sathe karo pragti

Admin — Sun, 10 Sep 2023 07:08:52 +0000

જીવનમાં સુખી થવું હોય તો આ છ પ્રકારના કામથી દૂર જ રહેજો! Pramanikta sathe karo pragti

પ્રગતિ માટે માણસ કોઈ વખત જ્યારે આડા પાટે ચડે છે ત્યારે એનું પતન થતું હોય છે. પ્રગતિ માટે જ્યારે કોઈ માણસ ખોટો રસ્તો પસંદ કરે છે ત્યારે, પ્રગતિની ભાવનાને બદલે કોઈ અન્ય લોભ કે લાલચથી આગળ વધે છે ત્યારે એની પડતી થાય છે.

પ્રગતિ માટે કદી સ્વાર્થ, ક્ષણિક સુખને વશ થવું ના જોઈએ. પ્રગતિ માટે કયા કયા ખોટા રસ્તા ના અપનાવવા એની થોડીક વાત કરીએ..

બીજાને દુઃખી કરીને…

બીજાને દુઃખ પહોંચાડીને કદી પ્રગતિ ના કરવી જોઈએ. કારણ કે જ્યારે આપણે કોઈને દુઃખ પહોંચાડીએ છીએ ત્યારે સામેના માણસની આંતરડી કકડળતી હોય છે. એનું હૃદય બળતું હોય છે એની જ્વાળા આપણને લાગતી હોય છે. એ જ્વાળામાં આપણે આપણી પ્રગતિની ઈમારત સળગી જતી હોય છે.

બીજાના હકનું છીનવીને…

ચોરી, લૂંટ કે કોઈનું પડાવી લઈને કદી પ્રગતિ ના કરવી જોઈએ. કારણ કે જ્યારે આ પ્રકારના કૃત્યોથી આપણે બીજાના હકનું ઝૂંટવી લેતા હોઈએ છીએ. બીજાના હકનું ખાય એને કદી એ પચતું નથી. બીજા ભુખ્યા રહે અને આપણે છીનવીને ખાઈ જઈએ એ તો મોટુ પાપ ગણાય અને પાપ કરનારાને એની સજા મળે છે.

દગો કરીને…

સગા – સંબંધીઓ કે મિત્રો સાથે દગો કરીને ક્યારેય પ્રગતિના શિખરો સર ના કરવા. પોતાના ફાયદા માટે આપણી સાથે સંકળાયેલા લોકોને કદી હાની ના પહોંચાડી, એનો દુરુપયોગ ના કરો. આ રીતે સ્વજનો અને મિત્રોને દગો કરીને મેળવેલી પ્રગતિની જ્યોત બહું જ જલ્દી બુઝાઈ જતી હોય છે.

પાપ કે અનીતિથી…

પાપ કરીને, લોકો પર અત્યાચાર કરીને પણ પ્રગતિ શકાય છે. ભૂખે મરી જવું અને દુઃખે છીન્ન – ભીન્ન થઈ જવું પણ આ પ્રકારની પ્રગતિ કદી કરવી નહીં. આવી પ્રગતિમાં બીજાની પીડાની દુર્ગંધ હોય છે. જે તમારુ આખુ જીવન બરબાદ કરી નાંખે છે. પાપ કરીને કરેલી પ્રગતિમાં ભગવાન રાજી નથી રહેતો. પાપ એ ભગવાનના આદર્શોનું અપમાન છે. આવી રીતે પ્રગતિ સાધીને હરખાતા લોકોને રડવા માટે ખભો પણ નથી મળતો.

કોઇને દગો આપીને..

બીજાને ઉલ્લુ બનાવીને, બીજા – સાથે છળકપટ કરીને કદી પ્રગતિ થતી હોય તો એને સ્વીકારવી નહીં. છળ એ મળ જેવું છે. આખુ જીવન ગંદુ કરી નાંખે છે. પ્રગતિમાં તો પોતીકી હોવી જાેઈએ. બીજાને છેતરીને કરેલી પ્રગતિની કોઈ કિંમત નથી હોતી

અપ્રામાણિકતાથી…

બેઈમાની અને અપ્રમાણિકતાથી ઝડપથી પ્રગતિ થતી હોય છે. પણ ખરેખર એ પ્રગતિ બહું ટકતી નથી. કારણ કે એના પાયામાં બેઈમાનીના જીવડા ખદબદતા હોય છે. બેઈમાની અને અપ્રામાણિકતાના પાયા પર ચણેલી પ્રગતિની ઈમારતને ઉધઈ લાગી જાય છે અને જમીન દોસ્ત થઈ જાય છે. માટે એવી પ્રગતિ ના કરવી.

પ્રગતિમાં પાપની દૂર્ગંધ ના હોવી જાેઈએ

પ્રેરણા । ભગવાન શ્રી રામ અને કૃષ્ણમાંથી પ્રેરણા લઈએ । Shriram | shri krishna | motivational

Admin — Tue, 04 Jul 2023 11:53:35 +0000

પ્રેરણા । ભગવાન શ્રી રામ અને કૃષ્ણમાંથી પ્રેરણા લઈએ । Shriram | shri krishna | motivational

મનુષ્ય માટે જાે સૌથી મોટો કોઈ પ્રેરણા સ્ત્રોત હોય તો એ ઈશ્વર ખુદ છે. મનુષ્યને સારી પ્રેરણા આપવા માટે જ કદાચ ભગવાન રામ, કૃષ્ણ વગેરેએ મનુષ્યાવતાર ધારણ કરી પૃથ્વી પર આવવું પડ્યુ હશે.

કૃષ્ણનું જીવન આપણા માટે અતિશય પ્રેરણાદાયી છે. જીવનના જુદા જુદા તબક્કે કેવું જીવન જીવવું એની પ્રેરણા આપણને કૃષ્ણ આપે છે. ચાહે ગોકુલની મસ્તી હોય કે મથુરાની મોજ, કુરુક્ષેત્રના મેદાનમાં અર્જુનને ગીતા કહેવાની હોય કે હસ્તીનાપૂરમાં સત્યનો પક્ષ ધારણ કરવાનો હોય. શ્રી કૃષ્ણએ બહું જ માર્મિક રીતે એમની ફરજાે બજાવી આપણને આપણો ધર્મ કેવી રીતે નિભાવવો એની પ્રેરણા આપી છે.

એવી જ રીતે ભગવાન શ્રી રામે પિતૃભક્તિ, સમાજભક્તિ વગેરેની પ્રેરણા આપી છે. એમણે આપણને મર્યાદામાં રહેવાની અને સહનશિલતાની પ્રેરણા આપી છે. એમણે આપણને પ્રેરણા આપી છે કે કોઈ પણ સંજાેગોમાં ગુસ્સે ન થવું અને બીજા માટે સારા કાર્યો જ કરવા.

આમ ભગવાન શ્રી રામ અને કૃષ્ણના જીવન આપણા માટે પ્રેરણાદાયી છે. એમના જીવનનો એક એક કિસ્સો આપણી આખી જિંદગી સુધારી દે તેવો પ્રેરક છે. આપણે એમાંથી પ્રેરણા લઈએ..

10 bad habits to leave | આ ૧૦ કુટેવોને તરત બદલી નાંખો….નક્કી તમારું જીવન બદલાઈ જશે…..

Admin — Mon, 03 Jul 2023 06:39:38 +0000

10 Bad Habits to Leave

શું તમારે જીવનમાં આગળ વધવું છે?
શું તમારા જીવનમાં બધું બરાબર નથી ચાલી રહ્યું?
શું તમને ખબર છે તમારી કુટેવો વિશે?
શું તમારે તમારા જીવનમાં પરિવર્તન લાવવું છે?
શું તમારે તમારે જીવનશૈલી બદલવી છે?
જો જવાબ હા હોય તો આ વીડિઓ તમારા માટે છે

આજે વાત કરવી છે કેટલીક સામાન્ય કુટેવો વિશે…આ કુટેવો ખૂબ સામાન્ય છે પણ જો તેના પર કામ કરવામાં આવે તો નક્કી બદલી શકાય છે. અહીં આવી જ ખૂબ સામાન્ય કુટેઓ વિશે વાત કરવાની છે…10 bad habits to leave

નંબર ૧
શું તમે દર પાંચ મિનિટે મોબાઈલ જુવો છો?

વારંવાર થોડા-થોડા સમયે મોબાઇલની સ્ક્રીન જોવી કે સોશિયલ મીડિયા ચેક કરવું એક પ્રકારની ખૂબ મોટી કુટેવ છે. આ કુટેવ તમારી એકાગ્રતાને તોડે છે. તમે એકાગ્રતાથી કામ નહી કરી શકો અને તમારું કામ પણ બગડશે… જો તમે આવું કરતા હોવ તો આ કુટેવ તરત બદલી નાંખો.

નંબર ૨
શું તમે સવારનો નાસ્તો નથી કરતા?

ના કરતા હોવ તો તમે ખૂબ મોટી ભૂલ કરો છો? આખી રાતના આરામ પછી શરીરને શક્તિ માટે આહારની જરૂર પડે છે. શરીરને ચુસ્ત અને મસ્ત રાખવું હોય તો સવારે નાસ્તો ન કરવાની કુટેવને બદલી નાંખો. સારો આહાર તમારા આરોગ્યની સાથે કામ પ્રત્યેનું તમારુ ફોકસ પણ વધારશે…

નંબર ૩
શું તમે ખૂબ જંકફૂડ ખાવ છો?

ખાતા હોવ તો ચેતી જાવ અને તરત જંકફૂડ ખાવાનું ખૂબ ઓછું કે બંધ કરી દો. શરીરને ઉર્જાવાન રાખવા મલ્ટી વિટામિનની જરૂર પડે છે અને જંકફૂડમાંથી શરીરને કશું મળતું નથી. જંકફૂડ શરીરને શક્તિ આપવાને બદલતે શરીરને નબળું પાડે છે. કંકફૂડમાં ખાવાથી શરીરમાં આળસ વધે છે. જીવનમાં આગળવ વધવા માંગતા હોવ અને શરીરને સાચવવા માંગતા હોવ તો જંકફૂડ ખાવાની આદત તરત છોડી દો…

નંબર ૪
શું તમે ખૂબ ઉત્સાહી છો?

ઉત્સાહમાં રહેવું સારી વાત છે પણ ઉત્સાહમાં આવીને નિર્ણય લેવાથી દૂર રહેવું જોઇએ. ચાણક્યએ કહ્યું છે કે તમે જ્યારે ખૂબ ઉત્સાહમાં કે આનંદમાં હોવ ત્યારે કોઇ નિર્ણય ન લેવો જોઇએ કે કોઇ વચન ન આપવું જોઇએ. અતિ ઉત્સાહમાં ભૂલ થવાની સંભાવના વધી જાય છે

નંબર ૫
શું તમને ગમે ત્યારે કોઇ પણ મળી શકે છે?

જો હા હોય તો નક્કી તમારો સમય ખૂબ બગડતો હશે…ઓફિસમાં આવું થવાથી કામ પર તમારું ફોકસ ઓછુ થાય છે અને કામ સમયસર પૂર્ણ થતું નથી. સમયની કિંમત કરો. મળો બધાને પણ મળવાનો સમય નિશ્ચિત રાખો…

નંબર ૬
શું તમને કોઇની ઇર્ષા આવે છે?

આવતી હોય તો આવું કરવાનું તરત બંધ કરી દો…ઇર્શાના કારણે તમે તમારા કામ પર ધ્યાન નહી આપી શકો અને તમારું જ કામ બગડશે. ઇર્શાની જગ્યાએ તમારા કામ પર ધ્યાન આપો આમાં ફાયદો વધારે છે…

નંબર ૭
શું તમે પૂરતી ઊંઘ લો છો?

ન લેતા હોવ તો આ ખૂબ ગંભીર કુટેવ છે. આ કુટેવ તરત બદલી નાંખો. આખો દિવસ સ્ફૂર્તિમાં રહેવા માટે પૂરતી ઊંઘ લેવી ખૂબ જરૂરી છે. શરીરને સ્વસ્થ રાખવા યોગ્ય આહારની સાથે યોગ્ય ઊંઘ પણ જરૂરી છે. નિયમિત ૭ કલાકની ઊંઘ લો…

નંબર ૮
શું તમે એક સાથે અનેક કામ કરો છો?

આજના જમાના પ્રમાણે મલ્ટિટાસ્કિંગ જરૂરી છે પણ લાંબા ગાળે તે નુકશાન કારક સાબિત થાય છે. એક સાથે અનેક કામ કરવાથી બધી જગ્યાએ પૂરતું ધ્યાન આપી શકવું અશક્ય છે. પરિણામે કામ બગડી શકે છે. મલ્ટીટાસ્ક લો પણ એક સમયે એક જ કામ કરો. એક પૂરુ થાય પછી બીજું કામ હાથમાં લો…

નંબર ૯
શું તમે રોજ મેડિટેશન, પ્રાણાયામ, હળવી કસરત કરો છો?

ન કરતા હોવ તો આ કુટેવને તરત બદલી નાંખો. મેડિટેશન, પ્રાણાયામ, હળવી કસરત રોજ કરો. આવું કરવાથી કામ પર તમારું ફોકસ વધશે, તમે હંમેશાં આનંદમાં રહેશો, માટૅ મેડિટેશન, પ્રાણાયામ, હળવી કસરત કરવની ટૅવ પાડો

નંબર ૧૦
શું તમે ખૂબ વિચારો છો?

તમને ખૂબ વિચારવની ટેવ હોય તો આ ટેવ તરત બદલી નાંખો. ખૂબ વિચારનારા ખૂબ કામ કરી શકતા નથી. તેઓ માત્ર વિચાર્યા જ રાખે છે. ખૂબ વિચાર્યા વગર કામ શરૂ કરી દો. યાદ રાખો વિચારવાથી નથી પણ કામની શરૂઆત કરવાથી જ કામ ઝડપથી પૂર્ણ થાય છે…

10 bad habits to leave in gujarati | માટે જો જીવનમાં આગળ વધવું હોય, શરીરને સ્વસ્થ રાખવું હોય તો આ ૧૦ કુટેવોને તરફ બદલી નાંખો. નક્કી તમારા જીવનમાં ખૂબ સકારાત્મક પરિવર્તન આવશે….

પુરૂષે લગ્ન માત્ર એક સુંદર સ્ત્રી સાથે નથી કરવાના અને સ્ત્રીએ પણ લગ્ન માત્ર એક પુરૂષ સાથે નથી કરવાના…| Darek Pati ane Patni mate

Admin — Thu, 16 Sep 2021 12:05:45 +0000

Darek Pati ane Patni mate | પુરૂષે લગ્ન માત્ર એક સુંદર સ્ત્રી સાથે નથી કરવાના અને સ્ત્રીએ પણ લગ્ન માત્ર એક પુરૂષ સાથે નથી કરવાના… વાંચો દરેક પતિ-પત્નીએ વાંચવા જેવી વાત…

પુરુષે લગ્ન માત્ર એક સુંદર સ્ત્રી સાથે જ નથી કરવાના પણ…..

આપણે ત્યાં કહેવત છે કે, ‘પુરુષની કમાણી જાેવાય અને સ્ત્રીની સુંદરતા.’ પણ આજકાલના યુવાનો આ કહેવતના ફર્સ્ટ હાફને ઘોળીને પી જતા હોય છે અને સેકેન્ડ હાફને વળગી રહેતા હોય છે. કમાણી હોય કે ના હોય પત્ની તો સુંદર જ જોઈએ. એક કડવી પણ સો ટચના સોના જેવી સચ્ચાઈ એ પણ છે કે પુરુષો બહું જ જલ્દી પોતાની પત્નીથી ધરાઈ જતા હોય છે. જે સ્ત્રી એને સ્વર્ગની તમામ અપ્સરાઓ કરતા સૌથી વધારે સુંદર લાગતી હોય છે એ જ સ્ત્રી લગ્નના થોડા જ સમય બાદ કદરૂપી લાગવા માંડે છે. રાજરાણી બનાવીને રાખવાના સપના બતાવીને એ સ્ત્રી સાથે પરણતો હોય છે અને પછી એક દાસી જેમ રાખતો હોય છે. સ્ત્રીને પરણી લાવ્યા એટલે જાણે ગુલામ બનાવીને લાવ્યા. જાણે એ ઘરના ઢસરડા કરવા આવી હોય એવો વ્યવહાર થાય છે એની સાથે. ઘર, બહાર, સાસુ-સસરા, નણંદ-દિયર, બાળકો બધાને સ્ત્રી એકલે હાથે સંભાળતી અને સાંભળતી હોય છે છતા ઘરમાં એનું કોઈ નથી સાંભળતુ. એની ભાવનાઓ, એના અરમાનો, એના સપનાઓ તરફ કોઈ નજર સુદ્ધા નથી નાંખતુ.

ખરેખર તો સ્ત્રી સન્માનને પાત્ર છે. એ આખા ઘર પરિવારને સાચવે એ બદલ એને માન સન્માન આપવું જાેઈએ. લગ્ન કરીને એ એનો પરિવાર છોડીને આવી હોય છે એ જ મોટી વાત છે. આપણે કોઈના ઘેર એક રાતથી વધારે રોકાઈ નથી શકતા એ ન ભુલવુ જોઈએ. સ્ત્રી આપણને પરણીને આવી એનો અર્થ એ નથી કે એ આપણી ગુલામ છે. દરેક પુરુષે યાદ રાખવું જોઈએ કે એણે લગ્ન માત્ર એક સુંદર સ્ત્રી સાથે જ નથી કરવાના પણ એની ભાવનાઓ, એના અરમાનો, એના સપનાઓ અને એની લાગણીઓ સાથે પણ કરવાના હોય છે.

સ્ત્રીએ લગ્ન માત્ર પુરુષ સાથે જ નથી કરવાના પણ…….

સ્ત્રી લગ્ન કરીને પિતાના ઘરની બહાર પગ મુકે છે એ સાથે જ એના માટે પિતાનું ઘર પરાયુ બની જતુ હોય છે. લગ્ન બાદ સ્ત્રીનો બીજો જન્મ થતો હોય છે. એક નવા જ ઘર, નવા જ લોકો, નવી જ રહેણી કરણી અને નવી જ દુનિયા સાથે એણે તાલમેલ બેસાડવાનો હોય છે. લગ્નના દિવસથી સાસરુ અને સાસરિયા જ એનુ સર્વસ્વ થઈ જતા હોય છે. એ દિવસથી પિતાના ઘરમાં અલ્લડ થઈને ઘુમતી છોકરી છોકરી મટીને એક જવાબદાર સ્ત્રી બની જતી હોય છે. એને પતિના પરિવારને પોતાનો પરિવાર બનાવીને એમની સારસંભાળ રાખવાની હોય છે. સ્ત્રીના લગ્ન માત્ર પતિ સાથે જ નથી થતા પણ એના પરિવારના એક એક સભ્ય સાથે થતા હોય છે.એના પરિવારના એક એક સભ્ય સાથે એનો સંબંધ બંધાતો હોય છે.

પણ મોટે ભાગે પૈસા અને સ્માર્ટ યુવક જાેઈને લગ્ન કરી લેતી આજની યુવતીઓ કોણ જાણે કેમ આ સચ્ચાઈ જાણતી હોતી નથી. મોટાભાગની યુવતીઓ એમ જ સમજે છે કે લગ્ન એટલે પતિ અને પત્નીનો સંબંધ બસ. અને એના કારણે જ લગ્ન બાદ આજની યુવતી સંયુક્ત પરિવાર સાથે એડજેસ્ટ કરી શકતી હોતી નથી. ક્યાંક ક્યાંક તો માત્ર સાસુ સસરા સાથે જીવન વિતાવવાનું પણ યુવતી માટે દુષ્કર બની જતુ હોય છે. એના લીધે પતિ પત્ની વચ્ચે ઝઘડાઓ શરૂ થઈ જાય છે અને આખરે ઘર ભાંગે છે. માટે આજની દરેક યુવતીએ એ યાદ રાખી લેવાની જરૂર છે કે સ્ત્રીએ લગ્ન માત્ર પુરુષ સાથે નથી કરવાના પણ એના પરિવાર સાથે પણ કરવાના હોય છે.

દસ વર્ષનો વૃદ્ધ | દરેકે આ જવાબ વાંચવા જેવો છે | Motivational

Admin — Fri, 03 Sep 2021 14:12:20 +0000

Motivational | આ શેઠે રાજાના દરબારમાં સાચી ઉમર કોને કહેવાય એનો દાખદો આપ્યો અને બધા ચોંકી ગયા

એક વખત એક રાજા દરબાર ભરીને બેઠા હતા. એ વખતે એક શેઠ એમના દરબારમાં આવ્યા. રાજાએ એમનું સ્વાગત કર્યુ. માનપાન આપ્યા અને બેસાડ્યા.

એ પછી રાજાએ એમનો પરિચય પૂછ્યો, ‘શેઠજી આપનું નામ શું? આપની ઉંમર કેટલી થઈ? દીકરા કેટલાં અને તમારી સંપતિ કેટલી છે?’
શેઠે જવાબ આપ્યો, ‘મારુ નામ દામોદર છે. મારી ઉંમર દસ વર્ષથી થઈ છે, મારે ત્રણ દીકરા છે. અને મારી સંપતિ ચાલીસ હજારની છે.’
શેઠનો જવાબ સાંભળીને દરબારીઓ હસવા લાગ્યા. પણ રાજને લાગ્યુ કે શેઠની વાતમાં કંઈક સંદેશ છુપાયેલો લાગે છે એટલે એ હસ્યા નહીં.

રાજાએ બધાને શાંત રહેવા આદેશ કર્યો અને શેઠને બીજો પ્રશ્ન પૂછ્યો, ‘શેઠજી, આપ તો વૃદ્ધ લાગો છો. કમસે કમ સાઈઠ વર્ષની આપની ઉંમર દેખાય છે. તો પછી આપ દસ વર્ષની ઉંમર એમ શા માટે કહો છો?’

શેઠ બોલ્યા, ‘રાજાજી આપની વાત સાચી છે. મારો જનમ થયાને બાસઠ વર્ષ થઈ ગયા છે. પણ હું દેહની ઉંમરને માનવીની ઉંમર નથી ગણતો. માનવીની સાચી ઉંમર એ છે જેટલાંમાં એ જિંદગીના અનુભવો કરે. એને જિંદગીની ખરી વ્યાખ્યાની ખબર પડે. જિંદગીના બેતાલીસ વર્ષ મેં માત્ર પૈસા કમાવામાં, ખાવા-પીવામાં અને ભોગ – વિલાસમાં જ વિતાવી દીધા છે. પણ છેલ્લાં દસ વર્ષથી મને ભાન થયુ છે કે જીવનમાં માત્ર મોજ-મજા કરવી એ જ સાચી વાત નથી. જીવનમાં મુશ્કેલીઓનો સામનો કરવો, તપ કરવું અને અનુભવ મેળવવો એ જ સાચી વાત છે. અને આપણા એ અનુભવથી આપણે કોઈને સમૃદ્ધ કરીએ, બીજાને મુશ્કેલીમાંગી ઉગારીએ એટલું જ આપણે જીવ્યા કહેવાઈએ. બેતાલીસ વર્ષ હું એટલું બધું બેફામ જીવ્યો કે સારા કોઈ અનુભવો મેં કર્યા. મુસીબત વખતે કાં તો મે પૈસાના અને જોર જુલમના જોરેએને દૂર કરી કાં તો મોં છુપાવીને ભાગી ગયો. આથી હું મારા જુના જીવનમાંથી સારા અનુભવો કોઈને આપી શકતો નથી. પણ એના બદલે છેલ્લાં દસ વર્ષથી હું સારા અનુભવો મેળવું પણ છું અને મારી આસપાસના લોકોને મારા જુના અનુભવો પરથી શીખવું છું કે, જીવનમાં સારા અનુભવો પ્રાપ્ત કરજો. માત્ર ખાઈ-પીને સૂઈ ના રહેતા. અનુભવ જ તમને ઉગારશે. તમારો અનુભવ જ તમને ઈજ્જત આપશે અને બીજાના હિતના કાર્યો કરાવશે. માટે રાજને મેં મારી ઉંમર દસ જ વર્ષથી કહી. આજે પણ મારા સારા અને ખરાબ અનુભવ તમારા બધા સમક્ષ વાગોળી, તમને કહીને હું મારા અનુભવનો સદ્‌ઉપયોગ કરવા જ અહીં આવ્યો છું. આપ સૌ મારા અનુભવોમાંથી કંઈ શીખો અને કોઈ મુશ્કેલીમાંથી ઉગરો તો મારો જન્મારો સાર્થક થશે.’

વૃદ્ધે નોંખી અને અનોખીવાત કરી. સૌ દરબારીઓએ એમને તાળીઓના ગડગડાટથી વધાવી લીધા. રાજાએ એમનું સન્માન કર્યુ. એ સન્માન એ દામોદર શેઠનું નહોતું પણ એમના અનુભવોનું હતું.