આપણે ત્યાં એક સુંદર ઉક્તિ છે કે, ‘બુધ કરે શુદ્ધ’. આપણા વડવાઓનું આ અનુભવ કથન છે. બુધવારના દિવસે કરેલાં કાર્યો શુદ્ધ હોય છે. આપણા ધાર્મિક ગ્રંથોમાં પણ બુધવારના દિવસે કરવાના કાર્યોથી થનારા લાભાલાભનો ઉલ્લેખ જોવા મળે છે. આજે આપણે અહીં એવી કેટલીક બાબતો જાણીએ જેના દ્વારા આપણને સફળતા મળે. બુધવારના દિવસે કયા કાર્યો કરવાથી તમારી કિસ્મતના તાળા ખુલી જશે એ અહીં રજુ કરવામાં આવ્યુ છે.

ગણેશજીને લાડૂ અને ધતૂરો ચડાવો.

બુધવારે ગણેશજીની પૂજાનું પણ વિશેષ મહત્વ છે. કારણ કે ગણેશજી ખુદ રિદ્ધિ અને સિદ્ધિના દાતા છે.  ગણેશજી તમારા રોગ, દોષ તથા દરિદ્રતા જેવા વિઘ્નોને દૂર કરે છે. આ દિવસે વહેલા ઉઠી પ્રાતઃ કાળે ગણેશજીના મંદિરે જાવ અને ગણેશજીના શ્રી ચરણોમાં લાડુ તથા ધતૂરો ચડાવો. મંદીરે બેસીને જ અથર્વશિર્ષના પાઠ કરો. તમારી શક્તિ હોય ત્યાં સુધી આ રીતે બુધવારના દિવસે ભગવાન ગણેશના આશિર્વાદ લો. આ પ્રયોગ તમારા પર સદાય ગણેશજીના આશિર્વાદ વરસાવ્યા કરશે અને વિઘ્નો દૂર કરશે.

ગણેશજીની પૂજા અને ગણેશ રૂદ્રાક્ષ

તમે ખૂબ જ મહેનત કરતાં હો પણ તમને એનું યોગ્ય ફળ ના મળતું હોય તો જરાય મુંઝાશો નહીં. ગણેશજીની પૂજા અને ગણેશ રૂદ્રાક્ષ તમને તમારી મહેનતનું વિશેષ ફળ આપશે. એના માટે તમારે બુધવારના દિવસે ગણેશ રુદ્રાક્ષની પૂજા કરીને તેને ધારણ કરવાનું છે. આમ કરવાથી તાત્કાલિક તમારી મહેનતનું બે ગણુ ફળ તમને મળવા માંડશે.

માતા દુર્ગાની વિશેષ પૂજા

બુધવાર એટલે માતા દુર્ગાનો પણ વાર. આ દિવસે લીલા રંગના વસ્ત્રો ધારણ કરીને માતા દુર્ગાના મંદિરે જાવ અને માતાજીને લીલાં રંગની કાચની બંગડીઓ ચડાવો. ત્યાં બેસીને માતા દુર્ગાનું સ્મરણ કરો. આવુ માત્ર પાંચ જ બુધવાર કરશો તો તમને માતાના દુર્ગાના આશિર્વાદ પ્રાપ્ત થશે. માતા દુર્ગા આસુરી શક્તિઓનો નાશ કરનાર છે. બુધવારના દિવસે માતા દુર્ગાની આ રીતે પૂજા કરવાથી તમારા નસીબમાં રહેલી તમામ પ્રકારની આસુરી શક્તિઓનો નાશ થાય છે. પાંચ બુધવારથી વધારે પણ તમારી ઈચ્છાશક્તિ હોય તો તમે આ પ્રયોગ કરી શકો છો.

બુધવારે ગણેશજી મંદીરમાં પાન – સોપારીનો ભોગ લગાવો

બુધવારના દીવસે ગરીબ લોકોને ગોળનું દાન કરો અથવા તો ગોળમાંથી બનતી કોઈ પણ ચીજ ખવરાવો. આ દાનથી તમારી ગરીબી દૂર થઈ જશે. જો તમને આવક થતી હોય પણ તમારી પાસે પૈસા જ ના ટકતા હોય તો તમે બુધવારે ગણેશજી મંદીરમાં પાન – સોપારીનો ભોગ લગાવો. આ ભોગ તમારે સતત સાત બુધવાર લગાવવાનો છે. આ બંને પ્રયોગથી તમારા નસીબમાંથી ગરીબી અને પૈસાની તંગી નાબૂદ થઈ જશે.

અરધો કીલો મગ અને ખાંડ

બુધવારના દિવસે અરધો કીલો મગ લઈને તેને બાફી નાંખો. પછી એમાં ખાંડ નાંખીને તેની રબડી બનાવી દો. આ મિશ્રણ બુધવારે ગાય માતાને ખવરાવો. આવો પ્રયોગ અગિયાર કે એકવીસ બુધવાર સુધી નિયમિત કરો. યાદ રહે તમારે એક પણ બુધવાર પડવો ના જોઈએ. અગિયાર જ થઈ શકે તેમ હોય તો એમ રાખો પણ એકધારો આ પ્રયોગ કરવો. આ પ્રયોગથી તમારા માથે કોઈ દેવુ હશે તો એ ઉતરી જશે.

કિન્નરોને દાન અને પૈસારૂપી આશીર્વાદ.

બુધવારે કરવા જેવો એક અચૂક પ્રયોગ એટલે કિન્નરો પાસેથી સામુ દાન લેવાનો. આ પ્રયોગ ખૂબ અઘરો છે પણ ખૂબ જ અસરકારક પણ છે. આપણે ત્યાં કિન્નરોને એક વિશેષ દરજ્જો આપવામાં આવ્યો છે. કહેવાય છે કે કિન્નરોના આશીર્વાદ ફળે છે. બુધવારના દિવસે તમે કિન્નરોને તમારી યથાશક્તિ દાન કરો અને તેમને વિનંતી કરો કે એ દાન આપેલા પૈસામાંથી જ થોડી રમત તમને આશિર્વાદ સ્વરૂપે પાછી આપે. ભલે તમારા હજાર રૂપિયાના દાનમાંથી એક જ રૂપિયો આશિર્વાદ તરીકે આપે. પણ એ એક રૂપિયો તેમના હાથે લઈને તેમના ચરણ સ્પર્શ કરો. કિન્નર પાસેથી આશિર્વાદ રૂપે મેળવેલ આ પૈસાને લીલા કપડામાં બાંધીને તમારા ઘરે મંદીરમાં મુકો. ધૂપ-દીપ કરો અને તમારા કુળદેવી તથા બહુચરમાતાનું સ્મરણ કરો. આ પ્રયોગ કરવાથી તમારા વિવિધ પ્રકારના દુઃખોનો નાશ થશે અને ધનમાં બરકત આવશે.

વાદ-વિવાદ અને લડાઈ-ઝઘડાથી દૂર રહો.

વાદ – વિવાદ અને લડાઈ-ઝઘડા જીવનને બરબાદ કરે છે. કદી પણ એ ના કરવા જોઈએ. પણ બુધવારે કરેલા વાદ-વિવાદ અને ઝઘડા તો અત્યંત બુરુ ફળ આપે છે, કારણ કે બુધવાર શાંતિનો દિવસ છે. માટે ભુલથી પણ આ દિવસે કોઈ સાથે વાદ-વિવાદ, ઝઘડો, હુંસાતુસી ના કરો. બુધવારે મનને એકદમ શાંત રાખો. બને તો મૌન જ રહો. કોઈ ભુલ કરે તો પણ તેને વઢો નહીં. બુધવારના દિવસે રાખેલી શાંતિ તમને આખી જિંદગી શાંતિ આપશે. જીવનમાં શાતા લાવશે.

નસીબનુ તાળુ ખોલવાની ચાવી

બુધવારે કરવા માટેનો એક તાંત્રિક ઉપાય પણ છે. આ ઉપાય તાંત્રિક છે પણ મેલી વિદ્યા ના કહી શકાય. આ ઉપાય એટલો સિદ્ધ છે કે તમારા નસીબના તાળા ખુલી જશે. બુધવારના દિવસે તમારે આ વિશેષ પ્રયોગ કરવાનો છે. આગલા દિવસે બજારમાંથી સાત કોડી ( જેના વડે જુના જમાનામાં લોકો રમત રમતા હતા તે) અને અરધો મીટર લીલા રંગનું કપડું ખરીદી લો. બંને વસ્તુ પૂજન સામગ્રી વેચનાર પાસેથી અચૂક મળી જશે. ઉપરાંત કરિયાણાની દુકાનેથી સો ગ્રામ જેટલાં લીલા મગ ખરીદી લો. બુધવારના દિવસે સવારે બ્રાહ્મ મૂહુર્તમાં ઉઠી, સ્નાન કરી સ્વચ્છ સફેદ વસ્ત્રો ધારણ કરી તમારા ઘરમાં પૂર્વ દિશા તરફ મુખ રાખી બેસો. લીલા કપડાંમાં પચાસ ગ્રામ કે એક મુઠ્ઠી લીલા કાચા મગના દાણા નાંખો. એ પછી એમાં સાત કોડી પણ નાંખો અને એ કપડાને કસીને ગાંઠ બાંધી દો. એ પછી સવારે જ કોઈ પણ નજીકના મંદીરે પગપાળા જઈને એ પોટલી મંદીરની સીડીઓ પર મુકીને પાછા આવી જાવ. આવીને ફરી સ્નાન કરી લો. યાદ રહે મંદીરની સીડીઓ પર આ વસ્તુઓ મુકતા તમને કોઈ જોઈ ના જાય તથા નીકળો અને પરત આવો ત્યાં સુધી તમારે કોઈ સાથે વાત નથી કરવાની. આ કાર્ય તમારા નસીબનું તાળુ ખોલવાની ચાવી બની રહેશે.

મિત્રો, અહીં આપેલા પૂજા અને વિધિના પ્રયોગોથી તમારા નસીબમાં જોઈ પણ અડચણ હશે તો એ દુર થશે અને તમે એક સારી અને સુખી લાઈફ જીવી શકશો.

***

ગુજ્જુલોજી Gujjulogy તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સળફતા મેળવતા રહો.

Tuesday – ટેન્શનમાં છો? પરિવારની ખુબ ચિંતા થાય છે? કુટુબંને સુખી જોવા માંગો છો તો આ રહ્યાં તેના નક્કર રસ્તાઓ

મંગળવાર Tuesday નું નામ જ મંગળ કરનારુ છે. મંગળવારે આપણે જે કાર્યો કરીએ એ જો સાચા હૃદયથી, શ્રદ્ધાપૂર્વક અને આપણા શાસ્ત્રોમાં બતાવ્યા મુજબ કરીએ તો આપણને એનો ખૂબ જ ફાયદો મળી શકે છે. આવો જોઈએ એ ઉપાયો કયા છે.

વડના પાન પર ઈચ્છાઓ લખો

મંગળવાનો દિવસ હનુમાનજીનો દિવસ છે. આ દિવસે પવનપુત્ર હનુમાનજીને સિંદૂર અને આંકડાની માળા ચડાવો. સરસિયાના તેલનો દિવો પ્રગટાવો. વડના પાનને ગંગાજળથી ધોઈને તેના પર લાલ પેનથી તમારી ઈચ્છાઓ લખીને હનુમાનજીના ચરણોમાં સમર્પિત કરો. તમારી ઈચ્છાઓ અચૂક ફળશે.

ધનસંબંધિત સમસ્યાઓનો ઉકેલ

મંગળવાર હનુમાનજી સાથે સાથે શ્રી ગણેશ ભગવાનનો પણ દિવસ છે. આ દિવસે કોઈ પણ શુભ કાર્ય શરૂ કરો. ગણેશજીના મંદીરે ધજા ચડાવો. તેમને લાડુ અથવા મોદકનો પ્રસાદ ચડાવો અને સાથે સાથે લાલ વસ્ત્ર અને લાલ ફુલ પણ ચડાવો. પાંચ મંગળવાર આવું કરવાથી તમારી ધન સંબંધિત મોટામાં મોટી સમસ્યાઓનો પણ ઉકેલ મળી જશે.

ધારદાર વસ્તુઓ ત્યજો

મંગળવારના દિવસે ચપ્પુ, કાતર, નખ કટર વગેરે જેવી કોઈ પણ ધારદાર વસ્તુઓ ના ખરીદો. આવું કરવાથી તમારા અને તમારા પરિવારના વ્યક્તિઓના જીવન પર એની નકારાત્મક અસર પડે છે. આના બદલે મીઠાઈ, ભગવાનની પૂજા માટેની કોઈ સામગ્રી, ગરીબોને દાનમાં આપવાની કોઈ વસ્તુ વગેરે મંગળવારના દિવસે જ ખરીદો અને એ જ દિવસે દાનમાં આપો. આવું કરવાથી તમારા પરિવારના એક એક વ્યક્તિને સુખ પ્રાપ્ત થશે.

સકારાત્મક ઉર્જા પ્રાપ્ત કરો

ઘરમાં સુખ, શાંતિ અને સમૃદ્ધિ ત્યારે જ આવે છે જ્યારે ઘરમાં સકારાત્મક ઉર્જા હોય. ઘરમાં સકારાત્મક ઉર્જા લાવવા માટે મંગળવારના દિવસે સવારે એક સફેદ દોરો લઈને તેની વચ્ચે એક લીંબુ બાંધી દો તથા તેના બંને છેડે ચાર ચાર લીલાં મરચા બાંધીને તેને ઘરના દરવાજા પર લટકાવી દો. આવું કરવાથી તમામ પ્રકારની સકારાત્મક ઉર્જા ઘર તરફ આકર્ષાશે.

પરિવારના ઝઘડાનો કાયમી ઉકેલ

ઘરના કોઈ સભ્યને બુરી નજર લાગી હોય. ઘરમાં ખૂબ જ ઝઘડા થતાં હોય અથવા તો પરિવારમાં અંદરો અંદર ઈર્ષાભાવ હોય તો એને દૂર કરવા માટે એક સુંદર ઉપાય છે. મંગળવારે એક કીલો જેટલો જવનો લોટ લઈને તેમાં કાળા તલનું તેલ નાંખીને લોટ બાંધી દો. યાદ રાખો તેમાં પાણી નાંખવાનું નથી. તેલ વડે બાંધેલા લોટની એક રોટલી બનાવી દો. તેના પર ધારદાર ચપ્પા વડે સાત વખત કાપા મારો અને કાપીને ટૂકડા કરો. એ ટૂકડાને ફરીવાર ભેગા કરીને લોટ બાંધો તેમ બાંધી દો. આ મિશ્રણ એ જ દિવસે ભેંસને ખવરાવી દો. તમારા પરિવારમાં ઝઘડા, ઈર્ષા, દ્વેષ કોઈ વસ્તુઓ સાત પેઢી સુધી નહીં ફરકે.

રડતું બાળક શાંત થઈ જશે

જો તમારુ બાળક નાનું હોય અને ખૂબ જ રોતું હોય તો તમારે એક ઉપાય કરવો જાેઈએ. દવાથી પણ બાળક શાંત ના થતું હોય અને સતત રડ્યા કરતું હોય તો મંગળવારના દિવસે વહેલી સવારે સૂર્યોદય વખતે એના ઘોડિયા પર મોરપિચ્છ બાંધી દો અને તેના માથે ફટકડીનો એક નાનકડો ટૂકડો મુકી દો. ધીમે ધીમે બાળક રડતું બંદ થઈ જશે.

બુરા સપના બંધ થઈ જશે

તમને જો ખૂબ જ બુરા સપના આવતા હોય તો મંગળવારના દિવસે ફટકડીનો નાનો ટૂકડો એક કપડાની પોટલીમાં મુકીને તેને ગળામાં બાંધી દો. એ પછી સાંજે એ ટૂકડાને કપડાંમાંથી બહાર કાઢીને સુમસામ જગ્યા પર ફેંકી દો. તમને બુરા સપના આવવાનું સદંતર બંદ થઈ જશે.

ટેન્શનનમાંથી અચુક મુક્તિ

જાે તમને કોઈ પણ બાબતનું ટેન્શન રહેતું હોય, મન ઉદ્વિગ્ન રહેતું હોય તો મંગળવારના દિવસે તમારે એક સિદ્ધ કાર્ય અચૂક કરવું જોઈએ. મંગળવાના દિવસે એક માટીનું પાત્ર લો, તેમાં ઘઉં ભરો અને પછી તેના પર પાંચ લાલ ફૂલ મુકી દો. આ પાત્રને ઘરની છત પર પૂર્વ દિશામાં ઢાંકીને મુકી દો અને બીજા મંગળવાર સુધી ત્યાં જ પડ્યુ રહેવા દો. બીજા મંગળગવારે સવારે એ પાત્રમાં મુકેલા બધા જ ઘઉંના દાણા છત પર ફેલાવીને વેરી દો અને ફુલોને ઘરના મંદીરમાં રાખી દો. સાંજે એ દાણા ઉઠાવી લો અને મંદીરમાં મુકેલા ફુલને પણ લઈ લો. પછી એ બધું જ કોઈ વહેતા જળમાં પધરાવી દો. આ કાર્ય શ્રદ્ધા પૂર્વક કરવાથી તમારું કોઈ પણ પ્રકારનું ટેન્શન દૂર થઈ જશે. તમે માનસિક રીતે મુકત થઈ જશો.

સાત પેઢીને તારતો અદ્‌ભૂત સિદ્ધ પ્રયોગ

તમે તમારા પરિવારના શુભ ચિંતક છો. તમારે તમારા વર્તમાન પરિવારજનોને જ નહીં પણ આવનારી સાત પેઢીઓને સુખી કરવી છે તો એક ઉપાય મંગળવારે ખાસ કરો. મંગળવારે બાહ્મ મૂહુર્તમાં ઉઠીને ઠંડા જળથી સ્થાન કરો. ત્યારબાદ જાતે જ પીપળાના વૃક્ષ પાસે જઈને એના અગિયાર પાન તોડી લાવો. એ પાનને સ્વચ્છ જળથી ધૂઓ. ત્યારબાદ લાલ વસ્ત્રો પહેરીને તમારા ઘરમાં જે મંદિર હોય તેની પાસે બેસો. સૌ પ્રથમ ભગવાન ગણેશજીનો દીવો પ્રગટાવો, પછી તમારા કુળદેવતા કે કુળદેવીનો દિપક સળગાવો અને પછી હનુમાનજીનો તેલનો દીપક પ્રગટાવો. આમ કર્યા બાદ પીપળાના પાંચ પાન પર ‘ઓમ શ્રી ગણેશાય નમઃ ’ લખો, બીજા ત્રણ પાન પર તમારા કુળદેવી કે કુળદેવતાનું નામ લખો, એક પાન પર ‘ઓમ શ્રી હનુમંતયે નમઃ’ લખો અને દસમાં એક પાન પર ‘જય શ્રી રામ’ લખો. હવે તમારી પાસે જે એક પાંદડુ બાકી રહ્યું તેના પર લખો કે ‘હે ઈશ્વર મારી સાત પેઢીને સુખી અને સમૃદ્ધ બનાવજે.’ આમ અગિયાર પાંદડાઓ પર આ રીતે લખીને તેને મંદીરમાં મુકી દો અને પછી ગણેશજી, હનુમાનજી, તમારા કુળદેવતા-કુળદેવી અને શ્રીરામના નામની એક એક માળા જપો. પછી આ પાંદડાને વહેતી નદીમાં પધરાવી દો. આ પ્રયોગ સતત એકવીસ મંગળવાર સુધી કરો. આ ઉપાયથી તમારી સાત પેઢીઓ રાજ કરશે.

મિત્રો, આ કાર્યો કરવાથી તમારા પર ઈશ્વર રાજી થશે અને તમારી સાત પેઢી સુધી કોઈને કોઈ જ તકલીફ નહીં પડે.

***

ગુજ્જુલોજી Gujjulogy તમારા માટે આવી જ વાતોનો ખજાનો લઈ આવ્યુ છે. જે તમને જીવનમાં સુખ, શાંતિ અને સમૃદ્ધિ આપશે. તો ગુજ્જુલોજી સાથે જોડાયેલા રહો અને જીવનના દરેક ક્ષેત્રમાં સળફતા મેળવતા રહો.