સાયપ્રસથી સ્પેશિયલ ચાર્ટડ પ્લેન સુરતમાં રહેતા વૃદ્ધ માતા પિતાને લેવા દિકરાએ મોકલ્યુ

એક શ્રવણ તેના માતા પિતાને ખભે ઉપાડીને ચારધામની યાત્રા કરાવા નીકળ્યો હતો અને આજના એટલે કે કળિયુગના શ્રવણે માતા પિતાને કોરોનાથી દૂર રાખવા માતા પિતાને પોતાની પાસે રાખવા સ્પેશિયલ પ્લેન મોકલ્યું છે. આ દિકરો ડોક્ટર છે . તે ગણરાજ્ય સાયપ્રસમાં રહે છે અને તેના માતા પિતા ગુજરાતના સુરતમાં રહે છે. અહીં કોરોના વધી જતા આ દિકરાએ સાયપ્રસથી માતા-પિતાને લેવા સ્પેશિયલ ચાર્ટડ પ્લેન મોકલાવ્યું છે.

સંદેશ ન્યુઝ પેપરની વેબસાઈટના અહેવાલ પ્રમાણે ગત ૧૦ મેના રોજ સુરતના એરપોર્ટ પર ૧૯ સીટનું એક સ્પેશિયલ પ્લેન આવ્યુ હતું અને માતા પિતાને લઈને માત્ર ૧ કલાકમાં સાયપ્રસ જવા રવાના થઈ ગયું હતું.

સુરતના એરપોર્ટ પર આવા સમયે સાયપ્રસથી આવું સ્પેશિયલ પ્લેન આવ્યું તેના કારણે અહીના લોકોમાં ભારે કૂતૂહલ ફેલાયું હતું. પાછળથી ખબર પડી કે સુરતમાં કોરોનાની સ્થિતિ ખરાબ હોવાથી સાયપ્રસમાં રહેતા ગુજરાતી ડોક્ટર આ પ્લેન મોકલ્યુ હતું. આ ડૉક્ટરના માતા પિતા રણછોડભાઈ પટેલ અને સવિતાબેન પટેલ સુરતના કામરેજના સેવણી ગામમાં રહેતા હતા. બસ તેમને લેવા જ દિકરાએ આ પ્લેન મોકલ્યું હતું. તમને જણાવી દઈએ કે આ પ્લેન અમેરિકન સ્ટેટ આર્મી દ્વારા ઉપયોગમાં લેવાતું હતું એવી માહિતી પણ એરપોર્ટ તરફથી મળી છે…

જે હોય તે પણ આ વાતની જાણ થતા હાલ સોશિયલ મીડિયામાં કલયુગના શ્રવણ તરીકે દિકરાના ખૂબ વખાણ થઈ રહ્યા છે. અને થાય પણ કેમ નહી દિકરાએ કામ જ એવું કર્યું છે.

વેવાઈ – વેવાણ Vevai Vevan લોકડાઉન દરમિયાન પણ એકવાર બંને ભાગી ગયા હતા. ઘટના સ્થળે મળેલી બરણીને આધારે લાશની ઓળખ થઈ.

ગત વર્ષે ૨૦૧૯માં સુરત (Surat) ના વેવાઈ અને વેવાણનો ( vevai vevan  )  કિસ્સો આખા યે ગુજરાતમાં ખૂબ જ ચર્ચાસ્પદ બન્યો હતો. તે બંને પ્રેમમાં પડ્યા અને ભાગી ગયા હતા. આ વરસે જૂન – ૨૦૨૦માં પણ એવી જ એક ઘટના બની અને તેનો કરૂણ અંજામ આવ્યો છે. સાબરકાંઠા જિલ્લામાં આ ઘટનાથી ભારે ચકચાર છે.

વાત છે જૂન મહિનાની એક સવારની. સોમવારનો દિવસ હતો. વહેલી સવારે એક મજુર સાંબરકાંઠાના દીધીયા ગામના જંગલ જેવા વિસ્તારમાંથી પસાર થઈ રહ્યો હતો ત્યારે તેને અચાનક એક લીમડાના ઝાડ નીચે એક પુરુષ અને સ્ત્રીની લાશ લટકતી જાેઈ. આસપાસના લોકોને પણ ભેગા થઈ ગયા પણ એ બંને લટકતા માણસોને કોઈ ઓળખતું નહોતું. આથી તરત જ પોલીસને જાણ કરવામાં આવી. પોલીસ તપાસમાં ઘટના સ્થળેથી બરણી જેવુ એક વાસણ મળી આવ્યુ. જેના પર જયંતીભાઈ ઠાકરડા એવું નામ કોતરેલું હતું.

પોલીસે એ નામને આધારે આસપાસના ગામોમાં તપાસ કરતાં ખબર પડી કે એ પુરુષ અને સ્ત્રી તો વેવાઈ વેવાણ હતા અને ખેડબ્રહ્મા તાલુકાના જ થેરાસણા ગામના હતા. નામ અને ગામ મળી જતાં પછી તો આખુ રહસ્ય ઉકેલાઈ ગયું. મરનાર પુરુષનું પુરુ નામ હતુ જયંતિભાઈ મોહનભાઈ ઠાકરડા અને સ્ત્રીનુ નામ હતું જાગૃતીબહેન કચરાભાઈ ઠાકરડા. જયંતિભાઈના દીકરા અને જાગૃતીબહેનની દીકરીનું સગપણ થોડા સમય પહેલાં જ કરવામાં આવ્યુ હતું અને બંને વેવાઈ – વેવાણ બન્યા હતા.

વેવાઈ – વેવાણ Vevai Vevan બનતા બંનેનો એકબીજાના ઘરે અવરો-જવરો શરૂ થયો અને જયંતિભાઈ અને જાગૃતિબહેનની આંખ મળી ગઈ હતી. બંનેએ સાથે જ જીવવા મરવાના સોગંધ ખાધા. જેમના સંતાનો એકમેકના સહજીવનના સપના જાેતા હતા એમની કોઈ જ પરવા કર્યા વિના આ આધેડ યુગલ પ્રેમમાં પડ્યુ. લોકાડાઉન દરમિયાન બંને ઘર છોડીને ભાગી પણ ગયા હતા. એ પછી સમાજના કેટલાંક લોકોની મધ્યસ્થીથી બંનેને પાછા લાવવામાં આવ્યા અને સમજાવીને દૂર કરવામાં આવ્યા.

પણ ચોરી છૂપી તેમની મુલાકાતો ચાલુ જ હતી. આખરે તેમની લાશ મળી એના બે દિવસ પહેલાં ફરીવાર તેઓ બંને પોત-પોતાના ઘરેથી ભાગી ગયા અને ત્રીજા દિવસે ઝાડ સાથે લટકેલી હાલતમાં તેમની લાશ મળી. પોલીસે આત્મહત્યાનો ગુનો નોંધીને કેસ દાખલ કર્યો અને પોસ્ટમોર્ટમ બાદ લાશ પરિવારજનોને સોંપી દીધી. આને પ્રેમ કહેવાય? કે વાસના? કે પછી બીજુ કંઈ? એ ખબર નથી પણ એ ચોક્કસ છે કે જે થયું તે ખોટું છે? મા-બાપ આ ઉંમરે આ પગલાં ભરશે તો સંતાનોને શું શીખામણ આપશે? સંતાનોને પરણાવવાની ઉંમરે જ એકમેકના સગા-સંબંધીઓમાં જ આવા અણછાજતા સંબંધો બંધાય તો સમાજને એમાંથી કેવો દાખલો મળે? બેશક ખોટો જ દાખલો બસે. સંસ્કારનો હ્રાસ જ થાય.

આ ક્રાઈકમ કથા આપને કોઈ પણ પ્રકારના અવિચારી પગલાંથી કે સમાજ વિરોધી કાર્ય કરવાથી દૂર રહેવાનો પાઠ શીખવે છે. સરુક્ષિત રહો… સચેત રહો.

ગુજ્જુલોજી વાંચતા રહો અને સમાજમાં બનતા ગુનાઓનો ભોગ બનતા અટકો.

Gold ghari આ ગોલ્ડ મીઠાઈ 9000 રૂપિયાની કિલો સુરતમાં મળે છે! ખાવી છે? કોરોનામાં અમેરિકાવાળા ૨૫ કિલો ખાઈ ગયા છે

આસો વદ એકમ એટલે ચંડી પડવો Chandi Padavo. આ દિવસને મનુષ્ય ગૌરવ દિવસ પણ હકેવાય છે. સુરતના લોકો માટે આ દિવસ ખાસ હોય છે. તેઓ આ દિવસને ઉત્સાહથી ઉજવે છે. સુરતમાં આસો વદ એકમના દિવસે ખાસ ઘારી ખાવાનો રીવાજ ઘણાં વર્ષોથી ચાલ્યો આવે છે, જે ચાંદની પડવો તરીકે ઓળખાય છે. આ દિવસે અહીં સાંજે ઘારી ખાવાનો રીવા જ છે.

ઘારી એટલે શું? ( Ghari , Surat )

ઘારી એટલે શું? એ તો ખબર જ હશે પણ જણાવી દઈએ કે ઘારી એટલે એક પ્રકારની માવાની મીઠાઈ. આ ખાસ પ્રકારની સુરતી મીઠાઈ છે. દૂધમાંથી માવો બને અને તેની સાથે રવો, મેંદો તેમજ સૂકોમેવો ભેળવી એક ચોક્કસ પ્રકારની મીઠાઈ સુરતના લોકોએ બનાવી છે અને આજે તે દુનિયા આખી ખાય છે.

સુરતની ઘારી દેશ-વિદેશમાં પ્રખ્યાત છે. હવે ઘારી પ્રખ્યાત હોય એ બરાબર પણ તેને વધુ પ્રખ્યાત કરવા અહીંના ઘારીના વેપારીઓ કંઇકને કંઇક નવું કરતા રહેતા હોય છે. આ બખતે પણ કંઇન નવું થયું છે અને અનેક મીડિયાએ તેની નોંધ લેવી પડી છે.
થયું છે એવું કે સુરતની એક મીઠાઈની દુકાને ૨૪ કેરેટ સોનાના વરખમાંથી ખાઈ શકાય એવી ઘારી બનાવી છે જેનો કિલોનો ભાર ૯ થી ૧૧ હજાર સુધીનો રાખવામાં આવ્યો છે. આગામી ચંડીપડવાના ઉત્સવને ધ્યાનમાં રાખી આ ઘારી બનાવવામાં આવી છે.
અત્રે ઉલ્લેખનીય છે કે આ ગોલ્ડન ઘારી વિદેશમાં ખુબ પ્રખ્યાત છે. કોરોનાકાળ હોવા છતાં અમેરિકામાં ૨૫ કિલો આ ઘારી મોકલવામાં આવી છે એવા અહેવાલો પણ છે.

જો કે આ સુરત છે, સુરત….સુરતનુ જમણ અને કાશીનું મરણ કહેવત એમને એમ નથી પડી. થોડા વર્ષો પહેલા અહી સુરતમાં જ એક મીઠાઈની દુકાન મીડિયામાં ચમકી હતી જે સોનાની અને હજારો રૂપિયાની કિલોવાળી મીઠાઈ વેંચતી હતી.