Traffic Rules and World | દેશની સરકાર અને રાજ્યોની સરકાર ટ્રાફિક સમસ્યા અને અકસ્માતના બનાવોની સમસ્યાઓનો સામનો કરી રહી છે. સરકારના કર્તવ્યથી લઈને નાગરિકના કર્તવ્ય સુધીની વાત આમાં આવી જાય છે. આ સમસ્યા દૂર કરવી હશે તો નાગરિકોથી લઈને સરકાર સુધી બધાએ એક થઈને કામ કરવું પડશે. નિયમો બનાવવા પડશે અને નિયમોનું પાલન કરવું પડશે અને જે ન કરે તેની પાસેથી કરાવવું પડશે. અહીં પ્રશ્ન એ થાય કે શું કડક નિયમો અને કડક દંડની જોગવાઈ અકસ્માત કે ટ્રાફિક સમસ્યા રોકી શકે? આ સંશોધનનો વિષય છે પણ આવો વાત કરીએ એવા ત્રણ દેશોની જ્યાં ટ્રાફિકના નિયમો ખૂબ સખત અને કઠોર છે…!

#અમેરિકા | America and Traffic Rules

અહીં ટ્રાફિકના નિયમો એટલા કડક છે કે વાહન ચાલકો રોડ પર થોડા થોડા અંતરે લગાવેલા સાઈન બોર્ડસને પણ ધ્યાનમાં રાખે છે અને તેનું પાલન પણ કરે છે. જો એક પણ નિયમ તોડ્યો તો દંડ થવો નક્કી છે. અમેરિકામાં સીટ બેલ્ટ નહી લગાવો તો ૨૫ ડોલર (આશરે ૨૦,૦૦૦ રૂપિયા), લાઈસન્સ વગર ગાડી ચલાવો તો ૧,૦૦૦ ડોલર ( લગભગ ૮૦,૦૦૦ રૂપિયા), હેલ્મેટ વગર ગાડી ચલાવો તો ૩૦૦ ડોલર (લગભગ ૨૪,૦૦૦ રૂપિયા) ના દંડની જોગવાઈ છે. આ તો કોમન નિયમો છે પણ જો તમે ડ્રાઈવિંગ કરતી વખતે મોબાઇલનો ઉપયોગ કરતા હોવ તો ૧૦,૦૦૦ ડોલર (લગભગ ૭.૨૩ લાખ)નો દંડ થાય છે. આવા કાયદા હોય ત્યાં કોઇ નિયમ તોડવાનું વિચારે?

#સિંગાપુર | Singapore and Traffic Rules

અમેરિકાની જેમ સિંગાપુરમાં પણ કડક ટ્રાફિક નિયમો છે. આ નિયમો એટલા કઠોર છે કે વાહન ચાલક તેની જાતે જ દરેક નિયમોનું પાલન કરે છે. અહીં ટ્રાફિકના નિયમ તોડ્યા તો ભારે ભરખમ રૂપિયાનો મેમો અપાય છે. એવું કહેવાય છે કે ઘણીવાર નિયમ તોડનારને મેમાની રકમ ભરવા લોન પણ લેવી પડી છે. અહીં પણ સીટ બેલ્ટ વગર ગાડી ચલાવવા પર ૮,૦૦૦ રૂપિયા, લાઈસન્સ વગર ગાડી ચલાવા પર ૩ લાખ રૂપિયા અને નશો કરી ગાડી ચલાવવા પર ૪ લાખ રૂપિયા અને ૩ મહિનાની જેલની સજા છે.

#રશિયા | Russia and Traffic Rules

આ દેશમાં તો ટ્રાફિક નિયમ એવા છે કે તમારે માત્ર નિયમોનું પાલન જ કરવાનું નથી પણ સાથે સાથે તમારી ગાડી પણ સ્વચ્છ રાખવાની છે. ગાડી ગંદી હોય તો પણ અહીં દંડ ફટકારવામાં આવે છે. અહીં જો તમે ટ્રાફિકના નિયમ તોડશો તો દંડની સાથે સાથે પોલીસ કાર્યવાહી પણ થાય છે. નસો કરીને ગાડી ચલાવશો તો ગયા જ સમજો…મેમેતો મળશે જ સાથે ૩ વર્ષ માટે લાઇશન્સ પણ ગયું સમજો…અને પોલીસ કાર્યવાહી તો ખરી જ…!!

ઉલ્લેખનીય વાત એ છે કે અહીં કાયદા કડક છે અને તેનો અમલ પણ છે. કાયદાની સાથે તેનું અમલીકરણ પણ ખૂબ જરૂરી છે. જો અમલીકરણ થાય તો જ અકસ્માત અને ટ્રાફિકની સમસ્યાનું સમાધાન મળી શકે….બાકી…!!!??તમે જાણો છો?

ડાબી બાજુવળવું ન હોવા છતાં રસ્તો રોકીને ઊભા રહેલા વાહન ચાલકો માટે ઘડાયો કાયદો

લેફ્ટ ટર્ન રોકીને ઉભા રહ્યા તો થશે દંદ… left turn traffic and memo

ગુજરાતના લગભગ તમામ શહેરમાં ટ્રાફિકની સમસ્યા છે. સરકારની સાથે નાગરિકોએ પણ થોડી સમજવાની જરૂર છે. લાગે છે કે વાંક કોઇ એકનો નથી. બન્નેનો છે.

સરકારે યોગ્ય ટ્રાફિકનું નિયમન કરાવવું જોઇએ અને નાગરિકોએ ટ્રાફિકના નિયમો પાળવા જોઇએ. જો આવું થાય તો ટ્રાફિકની ઘણી સમસ્યા દૂર થઈ શકે છે.

હાલ પ્રશ્ન છે લેફ્ટ ટર્ન ટ્રાફિકનો…એટલે કે ચાર રસ્તા પણ સિગ્નલ બંધ હોય ત્યારે સૌથી આગળ આવવાના ચક્કરમાં વાહન ચાલકો ડાબી બાજુએથી આગળ આવવા લાગે છે અને અને પરિણામે જેને ડાબી બાજુ વળવું હોય તે વળી શકતા નથી અને સિગ્નલની સાથે ડાબી બાજુનો રસ્તો પણ બ્લોક થઈ જાય છે. પરિણામે ટ્રાફિક જામ થઈ જાય છે. ટ્રાફિકમાં ૩૦ ટકા કરતા વધારે વાહનો લેફ્ટ ટર્ન બ્લોક થઈ જવાથી ફસાઈ જાય છે.

પણ આ વસ્તું પર ટ્રાફિક પોલીસનું ધ્યાન ગયું છે. આવું ન થાય એટલે લેફ્ટ ટર્ન રોકનારા વાહન ચાલકોને દંડ ફટકારવાનું નક્કી કર્યું છે. ટુવ્હીલરને આ માટે ૧૫૦૦ રૂપિયાનો અને કાર કે અન્ય મોટી ગાડીઓને ૩ હજારનો મેમો ફટકારવામાં આવશે.

ગુજરાતનું પ્રસિદ્ધ અખબાર દિવ્ય ભાસ્કરના એક રીપોર્ટ પ્રમાણે આ કાર્યવાહી દિવાળીથી શરૂ થશે. આ માટેની તૈયારી શરૂ કરી દેવાઇ છે. તો હવે સાવધાન થઈ જશો. નહિતર ભારે રકમનો મેમો ભરવો પડી શકે છે….