થેંક યુ એટલે કે આભાર એટલે શું? Thank You

Thank You Quote in Gujarati

Thank You | ‘થેંક યુ’( Thank You ) એટલે આભારની લાગણી, ‘થેંક યુ’( Thank You ) એટલે કુતજ્ઞતાની ચાસણી અને ‘થેંક યુ’ એટલે મનગમતી માગણી.

જ્યારે કોઈ વ્યક્તિ કોઈપણ સ્વાર્થ વિના કોઈ આપણું કામ કરી જાય ત્યારે હૈયામાં જે આદર જન્મે એ આભાર હોય છે, જ્યારે કોઈપણ જાણ-પહેચાન વિના કોઈ આપણું સારુ કરી જાય ત્યારે દિલમાં એના પ્રત્યે જે મમતા હોય છે એ આભાર હોય છે.

કોઈએ કરેલાં આપણા કામનો જલ્દીથી બદલો વાળી દેવાની ભાવના એ ‘થેંક યુ’ ( Thank You ) ની ભાવના છે, કોઈની સેવાના બદલમાં એને વધારે સેવા આપવાની આપણી લાગણી એ ‘થેંક યુ’ની ભાવના છે.

ફુલ જેવી કોમળ લાગણી એ આભાર હોય છે, અને કળી જેવી પાતળી માંગણી એ આભાર હોય છે. કોઈના કામની કદર એ આભાર હોય છે, કોઈના નામની કદર એ આભાર હોય છે. કોઈની સેવાની સુગંધ આપણને સ્પર્શી જાય ત્યારે આંખોમાંથી વહે છે એ આભાર છે, કોઈની મદદની મહેક આપણને અડકી જાય ત્યારે હૈયામાંથી છલકે એ આભાર હોય છે.

આભાર એટલે આપણા પર ચડેલાં ઋણની આપણને ખબર હોવી અને આભાર એટલે આપણું ભલું ઈચ્છતા માનવીઓ પર આપણી નજર હોવી.

આભાર એટલે ફુલોનો ભાર, આભાર એટલે આપણે જાતે જ માથે મૂકેલો હળવો પહાડ અને આભાર એટલે દયા હાડોહાડ.
આભાર માયાનું બીજું સ્વરૂપ છે અને આભાર પ્રેમનું બીજું રૂપ છે. આભાર હૈયાની વાણી છે, આભાર પ્રેમની સરવાણી છે અને આભાર આંખોમાં ઉભરાઈ આવેલા ખૂશીના પાણી છે.

આભાર માનવતાની મહેક છે અને આભાર બુલબુલની ચહેક છે. આભાર ઈશ્વરની આરત છે અને આભાર શક્તિની મૂરત છે.
આભાર એટલે ‘થેંક યુ’.

Thank You Quote

કોઈના કરેલાં કાર્યોનો બદલો ના વાળી શકીએ તો કાંઈ નહીં, માત્ર આભાર માનવાનું તો ના જ ચૂકશો.